Numera 14:14 - Iaai Bible 1901 (New Caledonia)

¹⁴ ke adre me he ka thumeto tavat a gadra hnyei ang: ke adre löng a u Iehova unyin tavat eang; anyin a u Iehova u me ûhnyimaköu mödra, ke ame tot hudra ânyâm ûlâ, ke haba u hnyimakan anyidra bunyen, hnyi ûlâ ame tot wisa hnyi lany, me meic ame tot wisa hnyi lit.

Numera 14:14 ပူးပေါင်းရင်းမြစ်များ

Genese 32:30

Ke Jekob ame hwenyi ien dok e Peniela, haingen, anyin a oge iohnyimak me Khong, kʼ iny möt bi.

Nehemia 9:12

Ke u je lili ödrin hnyi lany ge ûlâ ame tot wisa; ke hnyi hnyinghet ge mec ame tot wisa, me me omelami ödrin hnyi gethen ödrin e he ka vheno.

Nehemia 9:19

ke so bi u je ca hna degeci ödrin hnyi hnyebuba can ânyâm ibetengiö ae gan hmâ: ke ca hia unyidrin ûlâ ame tot wisa hnyi lany, he ka lili ödrin eû hnyi gethen; me meic ame tot wisa hnyi hnyinghet he ka omelami ödrin, me omanenâ gethen ödrin e he ka vheno.

Salamo 105:39

E ame ulolo ûlâ hnân tube, Me meic he ka hûnû ödra hnyi hnyinghet.

Salamo 78:14

Haba hnyi lany e ame su ödra ge ûlâ, Ke melaminy meic hnyi je hnyinghet hia.

Esodo 15:14

A löug ut ta je hnyei, adre me öbubuny: Vec ae gan ame o ka tavat adre me labâ Filisiti.

Esodo 33:11

Ke Iehova ame fuc kö Mose ae ûcû hnyem, helâ me at ame ûhnenamö me waeny. Ke e ame he hmetu ka hnyi hna hunuma; ke kaba athnyabainy jia Josua noku Nuna, a bidröu, me ame ca he bi ûheny hnyin uma mano.

Esodo 33:16

Kʼ ame he ka kâmâu ka manen a u me betenge gak, walönya me lakem ang? Hawa, ca hnyi ûnyi ang a ötin e tha he, me ohmun e he ka ve bongon ràe ta je hnyei hia eang hmelen, a inya me lakem?

Esodo 40:38

Haba ûlâ anyi Iehova ame laba hon uma mano hnyi lany, ke meic hnyi lit, hnyi hnyimakan lap hia anyin at Isaraela, hnyi anyidra je bunyen hia.

Numera 10:34

Ke ethö bi hudrin ûlâ anyi Iehova hnyi lany, hnyi ûen adre me he ûhedra hnyi hnödra hna hunuma hnyin.

Numera 12:8

me oge me he ka ûcû hnyem mē me ha manenâ, ke ca hnyi je hofuc ae lit; ke e ame he ka wâ unyu Iehova: ke ieû gabu a öbu ca ot he ka fuc ga Mose a athnyabaik

Ioane 1:18

E ba at ame wâ Khong; kʼ ame omanenâ e hnen Nokon a khaca thibi, wale at hnyi ûlainy Kamen.

Ioane 14:9

Iesu ame ha kâu, ka habe, E kuek ut unyibun, ke ca khanö u bala inya Filipo? haba at ame ö nya, me e ame wâ minya Kamen; ke a hawa, u me ha, ka habe, Omanenâ thö köhmun Kamen?

I. Korinito 13:12

Anyin a walang ang ate me bwele hnyi uselat ae hûkehmuen; ke haba nyiele, me ûhnyimakötaköu: walang ang e khanö nya thibi hanen; ke nyiele oge me he ka wâhmakhmeto helâ me hnödra hna hia but wâhmakhmetu nya.

Deuteronomi 1:19

Ke ûheta Horeba me ötin e vheno hnyebuba ae gan me hnân outen, waleji öbun e wâ, hnyi gethen ûheny hnyi bucen iny at Amora, hoton hnö Iehova Khonguta hna hûna köta, mʼ ate me o but Kadesi-banea.

Deuteronomi 34:10

Ke ba ke perofeta bala helâ me Mose ame o hmetu hnyi Isaraela, wale hnö Iehova hna iohnyimak mē;

Deuteronomi 5:24

ke öbun e ha, ka habe, Wâ bi, Iehova Khonguta ame omanenâ köta hmanenanginy me ûganiny, kʼ ate me hia but löng hwan ame fuc ûnyi hnyi wanben meic: ate me wâhmakhmeto but hnyi bong ang a Iehova ame ûhnenamö me at, kʼ ame möt bi.

Deuteronomi 5:4

Iehova ame fuc ûhnyimaköu möbun hon bucen hnyi meic,

Josua 5:1

KE haba je tuhan hia at Amora a ödrin hoton Joridano ke e jio, me je tuhan hia at Kanana hnyi hobat köiö, me ödrin e long a Iehova ame hia but ohmö köien Joridano hnyi hnyimakan lakon Isaraela ke ne o but ate me hanyâûâ, me ame gâ udrin, ke ba hmetu hwege eû hnyi je hnyekudrin ge lakon Isaraela.

I. Ioane 3:2

Hnyat a oûnykûmik lö, öta je lakon Khong walang ang, ke tiga ca manen bi bonguta nyiele. Ke e khanʼ öta, ka habe, e ka manen dut, me ate me he ka helâ më; anyin ate me he ka wâ cicöâ e.