Numera 13:20 - Iaai Bible 1901 (New Caledonia)

²⁰ ke ehö kânâ, ame ne pipikhenya ame ne delâ, ame ne hu je ûö, ame ne ba. Ke hwege thʼ öbun, ke öbun e he ka hom jem hanen jeûiny kânâ. Haba ûen eling, me ûen wan vine a bân.

Numera 13:20 ပူးပေါင်းရင်းမြစ်များ

I. Man Ûlabainy Je Than. 22:11

Ke walang ang nokuk, e so Iehova ame tha e möu; mʼ u me hnahic bi, ke op dö uma umo Iehova a Khongom, helâ me hnen hna ha gam.

Nehemia 9:25

Me ödrin e hûgûnâ je taun adre bi haginy, me hnyei ae pipikhenya, me hu je uma ae unöngöt ge ta je ûnyi ae so hia, me je hna khû an, me je hnyei vine, me je hnyei elaio, me je ûö ame wa wan ae se hia: me ödrin e han me sekudrin, me ödrin e pipikhenya, me senyinâ ânyâm so ae gan hmâ.

Nehemia 9:35

Anyin a ödrin e ca hia but bi athnyabaem hnyi dökhudrin dokhu, me ânyâm so ae gan hmâ, waleji u je ham ködrin, me hnyi hnyei ae gan me pipikhenya u je ham hnyi hnyimaködrin, ke ödrin e ca hwio ûnyi hnyi anyidrin je hna ânyâ ae kong.

Ezekiela 34:14

Oge me he ka ha ödra hnyi je sajilat ae so, ke ame he ka hnen hagidra hon je bucen ae beû hnyi Isaraela: adre me he ka mokut eling hnyi hak ae so, me han hnyi sajilat ae hât hon je bucen Isaraela.

Daniela 11:24

E ame be ka o hnyi ûen ûsoköu ka hnyi je dok ae so hnyi hnyei; ke e ame he ka ânyâ ûnyi a ca ânyâ lakamen ke lakiben; e ame he ka khenâ kodra hna hûgûnâ ke hna soh, ke je omjeû: eke, e ame he ka bihihwakecin ûcon je hnabâ ke ne o but hnyi ke ûen.

Mika 7:1

EKÖLÖ gak! anyin a iny ûcû me ûö adre me tau wan, ke iny ûcû me hna hlo wan vine: ke ba hmetu bi wan vine hnân ic; me wan meta a bân wale ame wek hnen hanuk.

Numera 13:19

ke ehö hnyei adre me labā, ame ne so, ame ne kong; ke ehö je taun adre me labā, ame ne je hna hunuma, kʼ ame ne je hnabâ ae hwege;

Deuteronomi 1:24

ke ödrin e he me öliâ bucen, me o hnyi hnyigöulen bucen e Esekolo, me ecmâkâ e.

Deuteronomi 1:25

Ke ödrin e hom hnyi je hnyamödrin jeûiny hnyei, me hom köta, me thumetu ota, ka habe, E so hnyei a ham köta Iehova Khonguta.

Deuteronomi 31:23

Ke e ame hûna kö Josua nöku Nuna, ka habe, Hwege thö ke hnyok baga thö; anyin a u me he ka hom lakon Isaraela ka hnyi hnyei oge khemanyin ködra: me oge me he ka tha inya möu.

Heberu 13:6

Anyin a wale e khanʼ öta he ka ha hwegiâ, ka habe, Haba Than, me wale thibi e at ame hadruo nya, oge me ca he ka ot, Ieû ke ûnyi ae khana at he ka ânyâ könya?

Josua 1:6

Hwege thö, ke hnyok baga but: anyin a hamâm he ka ohuâ hnyei ka tavat eang, waleji oge me khemanyin he ka ham ka lakamödra.

Josua 1:9

Hawa, oge ca hûna köu? Hwege thö, ke hnyok baga but; ca ot, ke ca öbubuny bi, anyin a e bi unyâm Iehova Khongom hnyi je dok u me be ka hnyin.

Josua 2:1

KE haba Josua nöku Nuna ame kunâ duöngâ ûheny Sitima li at he ka ecmak, me ha, ka habe, He thö ka wâ hnyei, me Jeriko. Me ödru me he me o ka hnyi uma umen momo hnyi gethen, Rahaba ien, me mokut eling.

Josua 2:3

Me haba thaniny Jeriko ame ûkhûnöng kö Rahaba, me ha, ka habe, Hom but jem li at a o köu, wale ödra dit ka hnyin umâm uma; anyin a ödre o he ka ecmâkâ hnyei.