Numera 10:12 - Iaai Bible 1901 (New Caledonia)

¹² Ke haba lakon Isaraela adre me he but ûheny hnyi hnyebuba Sinai; me ame tot u ûlâ hnyi hnyebuba Parana.

Numera 10:12 ပူးပေါင်းရင်းမြစ်များ

Genese 14:6

me at Hori hnyi anyidra bucen a Seira, ke ne o but Eleparana hnyi haten hnyebuba.

Genese 21:21

Kʼ ame laba hnyi hnyebuba Parana: ke hinyen ame hok momo ûnyi hnyi hnyei Aigupito me âiân.

I. Je Than 11:18

Ke ödrin e todrö ûhedrin Midiana, me he Parana ai: ke ödrin e hom ke je hnyat ûheny Parana he ka tha he mödrin, me ödrin e o Aigupito, kö Farao than Aigupito; me e ame ham kâu uma, me hûna he ka han, me ha iny.

Esodo 13:20

Kʼ adre me he ûhedra Sukotha, me hunuma e Ethama haten hnyebuba.

Habakuka 3:3

Ame o but Khong ûheny Temana, Ke At ae Kap ûheny hnyi bucen Parana. [Sela. Ame khavâ drany hnen anyin hmanenang, Kʼ ame unöngötö hmeledrany ge hna ogânâ e.

Numera 1:1

HABA Iehova ame ha kö Mose hnyi hnyebuba Sinai, hnyi uma ûkhacakoû, hnyi bong a bâniny tehi a loiny, hnyi huna a loiny hwaban hnödra hna he but ûhedra hnyi hnyei Aigupito, ka habe,

Numera 10:33

Ke adre me he but ûhedra hnyi bucen anyi Iehova hnyi kun ta bong; ke haba tangen ûhihinyköu ame he bân hnyi kun ta bong, he ka elâm hna menâ hobi ködra.

Numera 12:16

Ke hwaban e ame he tavat ûhedra Hazeroth, me hunuma hnyi hnyebuba Parana.

Numera 13:26

Ke ödrin e hmetu but me o kö Mose me Arona, me ûkhacaköu hia anyin lakon Isaraela, ka hnyi hnyebuba Parana, wale Kadesi; me oâ ûthumetu ködru, me ûkhacaköu hia anyin lakon Isaraela, me omanenâ ködra waniny kânâ.

Numera 13:3

Ke Mose ame kunʼ ödrin ûnyi hnyi hnyebuba Parana, helâ me Iehova ame ha: haba ödrin hia ödrin je taben lakon Isaraela.

Numera 2:34

Ke haba lakon Isaraela adre me ânyâ hia hoton hna hûna hnö Iehova kö Mose, ke adre me hunuma helâe unyin anyidra ta je haten, me adre me he helâe ke at me ke at hoton anyidra ta je lap, ke hoton je hnyaban lakamödra.

Numera 9:1

KE Iehova ame ha kö Mose hnyi hnyebuba Sinai, hnyi tehi a bân hnyi huna a loiny, hwaban hnödra hna he but ûnyi hnyi hnyei Aigupito, ka habe,

Numera 9:17

Ke adre me ne kap goranyai ûlâ ûnyi hnyi hon uma, me hwaban e haba lakon Isaraela adre me he: ke haba dok ame tot hnyin ûlâ, wale dok ame hunuma hnyin lakon Isaraela.

Numera 9:5

Me adre me ânyâ paseka hnyi tehi a bân, hnyi bong a fortininy hnyi sahac hnyi hnyebuba Sinai: haba lakon Isaraela adre me ânyâ hoton hna hûna hnö Iehova kö Mose.

Deuteronomi 1:1

WALANG ta je hofuc a ha Mose ka lakon Isaraela hia hnyi hoton Joridano, hnyi hnyebuba, hnyi Arabah cicö Sufe, hnyi wanben Parana me Tofel, me Labana, me Hazeroth me Dizahab.

Deuteronomi 1:19

Ke ûheta Horeba me ötin e vheno hnyebuba ae gan me hnân outen, waleji öbun e wâ, hnyi gethen ûheny hnyi bucen iny at Amora, hoton hnö Iehova Khonguta hna hûna köta, mʼ ate me o but Kadesi-banea.

Deuteronomi 1:7

hwio thʼ öbun me he ka hnyi bucen anyin at Amora, me je dok ae hakekeny kâ e, hnyi Arabah, hnyei ae hu je bucen hnyin, me hnyei ae hnyikânâ, me hnyi ke keihen ka hnyi Hwaiöu, me hobatköiö, a hnyei iny at Kanana, me Lebanona, ke ne o but hnyi wagewe ae gan, a wagewe Euferate.

Deuteronomi 33:2

Ke e ame ha, ka habe, A o thö Iehova ûheny Sinai, Me köûö ködra ûheny Seira; E ame umumelam but ûheny hon bucen Parana, Ke e ame o ûheny je ten thauzan tavat ae kap: Ke e hnyi hnyamen a metân hnanyibu ae meic hobi ködra.

I. Samuela 25:1

HABA Samuela ame mokcu; me ame ûkhacaköu Isaraela hia thithö, me tenge gan, me konâm e hnyi umen uma hnyi Rama. Ke Davita ame todrö me he ka hnyi hnyebuba Parana.