Numera 10:10 - Iaai Bible 1901 (New Caledonia)

¹⁰ Ke haba hnyi je bong öbun e senyin hnyin, me hnyi anyibun je bijeû adre thu, me hnyi hnyimakan je tehi, adre me he ka tûâ li trutru hon anyibun je hudiny leû, me anyibun je hudiny ole; mʼ adre me he ka ûnykûmi öbun hnyi hnyimakan Khongubun: Inya Iehova Khongubun.

Numera 10:10 ပူးပေါင်းရင်းမြစ်များ

II. Je Than 4:23

Me haingen, ka habe, Anyin a ieû u me he kâu hnyi bong ang? ke ca teb ûnyi tehi me sabath ang. Me haingen momo, ka habe, ame he ka so.

I. Man Ûlabainy Je Than. 15:24

Ke haba Sebania, me Jehosafata, me Nathaniela, me Amasai, me Zakaria, me Benaia, me Eliezera, a tavat bihut, me, hamödrin he ka tûö trutru tot hnyi hnyimakan tang tangen Khong: ke Obed-edoma, me Jeila, li at tuö hwanuma hobi kâu tang.

I. Man Ûlabainy Je Than. 15:28

Ke haba at Isaraela hia ödrin e hom tangen ûhihinyköu anyi Iehova, me kuku tot, me tûö sofara, me je trutru, me simebalo, ödrin e ofucâ ta je nabeli me kitara.

I. Man Ûlabainy Je Than. 16:42

ke tha ödrin me Heman me Jeduthun me je trutru me simebalo hobi kâu tavat adre me he ka ofucâ e, me je ûnyi khumöng hnân je khumöng anyin Khong: me laku Jeduthun he ka tot hnyi homagöule.

II. Man Ûlabainy Je Than. 29:26

Ke haba at Levi ödrin e tot me je ûnyi khumöng anyi Davita, kʼ ame tot tavat bihut me je trutru.

II. Man Ûlabainy Je Than. 29:28

Ke haba ûkhacaköu hia ödrin e khudrung, kʼame khumöng tavat khumöng, kʼ ame tûö trutru hnen tavat tûö trutru; kʼ adre me ânyâ helâe ke ne o but a um dö hudiny leû.

II. Man Ûlabainy Je Than. 7:6

Ke haba tavat bihut ödrin e ve tot hnyi je hanymodrin; me tavat Levi me ta je ûnyi khumöng anyi Iehova, waleji a ânyâ Davita than hnân ole kö Iehova, anyin a nyiele balua anyin ibetengiö, waleji hnyi ûen Davita ame ogânâ hnen ta ie ûnyi eling: ke haba tavat bihut ödrin e tûö trutru hnyi hnyimaködrin; kʼ ame tödrö at Isaraela hia.

Ezera 3:10

Ke haba hnyat op uma umo Iehova me adre me otilâ tavat bihut adre khaû, ke je trutru hnyi hnyamödrin, ke haba at Levi a laku Asafa ödrin e tot me je simebalo he ka oganö Iehova hoton musi anyi Davita than Isaraela.

Nehemia 12:35

me ke je lakon tavat bihut a je baga, kʼ ödrin e hok trutru: Zakaria nöku Jonathana, nöku Semaia, nöku Matania, nöku Mikaia, nöku Zakuri, nöku Asafa;

Salamo 150:3

Ogânâ thö e ge hwan ifucin trutru: Ogânâ thö e ge nabela me kitara.

Salamo 81:3

Tûâ thö trutru hnyi ûlabainy tehi, Hnyi tehi a bekhot hnyi bongon anyita bijeû ae ûnyi hnathu.

Salamo 81:4

Anyin a hnanyibu ling kö Isaraela, Hna hûna hnen Khongu Jekob.

Salamo 89:15

Hnahic hnen hnyei a long ut hwan senyin: Iehova lö, adre me he hnyi melaminy hnyimâkâm.

Esodo 28:29

Ke ame he Arona ka hom je ien lakon Isaraela hnyi tubwiny ûlainy, a ûnyi hnân owisa, hon oûnykûminy bi, e ka didro ka hnyi dok ae kap hnân oûnykumeâ bala hnyi hnyimakö Iehova.

Esodo 30:16

Ke u me he ka hom mone hwaban möt unyin lakon Isaraela, me ip hobi kâu huliwa hnyi uma ûkhacaköu; me me hnân oûnykûmeâ ka lakon Isaraela hnyi hnyimakö Iehova hnân bi hwaban anyibun möt.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Levitiko 23:24

Ha thö ka lakon Isaraela me ha, ka habe, Hnyi tehi a seveniny, hnyi bong a bâniny tehi, ame he ka hu hna menâ hobi köbun, hnân oûnykûmeâ hnen tuö trutru, ûkhacaköu ae kap,

Numera 10:9

Ke öbun ka he ka vat hnyi ibun hnyei me je iwahnaihmiony möbun, tavat adre me okongu öbun, me öbun e he ka tûâ hnahna wale li trutru; me adre me he ka ûnykûmi öbun hnyi hnyimakö Iehova Khongubun, kʼ adre me he ka omeli öbun ûnyi ge je iwahnaihmiony möbun.

Numera 28:11

Ke haba hnyi hnyimakan anyibun je tehi me öbun e he ka hudo hudiny leû kö Iehova: a lo li nak bolok, ke khaca mamoe baga, ke seven ta lakon mamoe baga ae ba hnyikongon, a khaca hunainy;

Numera 29:1

KE haba hnyi tehi a seveniny hnyi bong a baniny tehi, me öbun e he ka hu ûkhacaköu ae kap; kʼ öbun e ca he ka ânyâ ke huliwa ae hmak: wale bong öbun e he ka tûö je trutru hnyin.

Mataio 11:28

Ai öbun könya tavat hia thithö öbun e huliwa, me öbun tavat hije ûnyi ae hmak, me oge me he bi nya ka omenʼ öbun.

Ta je huliwa 10:4

Ke e ame wâ hmâ e, me ame ot me ha, ka habe, Than lö ieû? Me haingen ame ha kâu, ka habe, A o but hijâm je hic me hnâm je hna betenge hnyi hnyimakan Khong hnân oûnykûmeâ.

I. Korinito 15:52

e ti logot, helâ me thuthubademak, hnyi hna tûâ khoto a biliny: anyin ame he ka fuc khoto, ke adre me he ka omelö hmetu thö tavat adre mokcu ka hnyi ca bobot bi; ke adre me he ka wiʼ öta.

I. Thesalonika 4:16

Anyin ame he ka utut Than ûheny hnyi drany, me hwakuku, me ifucin angela ae beönua, me hwan trutru anyin Khong: ke ame he ka bân tavat adre mok unyin Keriso ka höhöi:

I. Thesalonika 4:18

Anyin a wale ûsihwegiöbunköu thö ge ta je hofuc ang.

Josua 4:7

Me öbun e he ka thu ködra, ka habe, Anyin adre subâ luâ köien Joridano hnyi hnyimakan tangen ûhihinyköu anyi Iehova: haba hnyi ûen e ame hanyâûâ Joridano, me adre subâ luâ köien Joridano: ke haba je veto ang me hnân oûnykûmeâ lakon Isaraela nyiele balua.

Josua 6:4

Ke ame he tavat bihut a seven ka hom tilâ je trutruiny jubeli hnyi hnyimakan tang: ke haba hnyi bong a seveniny, hamöbun he ka oseven he igigilö taun, ke ame he tavat bihut ka tûâ tilâ je trutru.

Hna Omanenâ 22:17

Ke haingen Hanu me hlu a teb faipoipo, ka habe, Aiö u. Ke so ame ha minya at ame löng, ka habe, Aiö u. Ke haba at ae beic, me he but jem: ke haba at e weny, me hom bâûâ ju köiöiny möt.

I. Samuela 20:5

Ke haingö Davita kö Jonathana, ka habe, Wâ bi, tehi ae teb ûnyi nyi, ke hanmök he ka tha laba me than he ka hnyi han: ke hnö nya but he ka lubaduöng hnyi utkânâ ke ne o but hnyi sahacin bong a kuniny.