Nehemia 9:38 - Iaai Bible 1901 (New Caledonia)

³⁸ Ke so bi ûnyi hnyi ta je ûnyi hia eling ohmun e ânyâ ûhihinyköu ae hnathu, me sihnalimen; ke haba tuhöhmun, me at Levi unyihmun, me tavat bihut unyihmun, me ödrin e ohmâ haten.

Nehemia 9:38 ပူးပေါင်းရင်းမြစ်များ

II. Je Than 23:3

Kʼ ame tot than hnyi tap me ânyâ ûhihinyköu hnyi hnyimakö Iehova, he ka he hotu Iehova, me tuö anyin ta je hnanyibu, me hnen ta je hna ohnatho, me hnen je hna otilâ, ge hnyekon ae bekhot me hanon ae bekhot, he ka ânyâ je hofuc hnyi ûhihinyköu ang, adre me sihnalimen hnyi tusi ang: me haba tavat hia adre me tot hwege ka hnyi ûhihinyköu.

II. Man Ûlabainy Je Than. 23:16

Haba Jehoiada ame ânyâ anyin ûhihinyköu me tavat hia me than, mʼ ödrin e lakei Iehova bi.

II. Man Ûlabainy Je Than. 29:10

Ke walang ang ame mokut eû hnyi hnyekuk he ka ânyâ ke ûhihinyköu me Iehova, Khongon Isaraela, me me he ka hia but gatin anyin hmonyin ae gan hmâ.

II. Man Ûlabainy Je Than. 34:31

Ke ame tot than hnyi hnen, me ânyâ ûhihinyköu hnyi hnyimakö Iehova; he ka hnu hotu Iehova, me tuö anyin je hnanyibu me hnen je hna ohnathoâ, me hûen je hna otilâ, ge hnyekon ae bekhot, me hanon ae bekhot, he ka ânyâ je hofuciny ûhihinyköu adre me sihnalimen hnyi tusi ang.

Ezera 10:3

Ke walang ang, otin e he ka ânyâ ûhihinyköu me Khongutin he ka degec laôiöhmun me je lakudrin, helâ me hwâm hofuc than, me tavat adre me öbubuny ge hnanyibu anyin Khongutin; ke adre me he ka ânyâ hoton hnanyibu.

Nehemia 10:1

KE walang tavat adre me ohmâ haten gadrin, Nehemia gavena nöku Hakalia, me Zedekia;

Nehemia 10:29

ke ödrin e kece hmâ ka je liamekeiny mödrin, me anyidrin je taben, me ödrin e tha ânyâ hna khemanyin me ha je manyidrin, he ka vheno hnanyibu anyin Khong, waleji a ham a deny Mose athnyabainy Khong, me he ka tuö me ânyâ je hna hûna hia anyi Iehova a Tuhötin, me hnen je hna owisa me hna otilâ;

Isaia 44:5

Ame he ke at ka ha ka habe, Inya atö Iehova; ke ame he ke at ka hwenyi ien bi hoton iö Jekob; ke ame he ke at ka sihnalimen ge hnyamen hobi kö Iehova, me hwenyi ien hoton iö Isaraela.

Mataio 27:66

Me ödrin e he but, me ohmâ wia erkemok, me ödrin e okeceâ hmâ veto ge haten, ke e bi unyidrin tavat tue.