Nehemia 9:37 - Iaai Bible 1901 (New Caledonia)

³⁷ Ke ame hwenying gan hmâ hobi kâu je than waleji u je otilâ huhmun can anyihmun je hulo: ke ödrin e muso je unyihmun, me halehmun omeno, hoton wedrin, ke gan hmâ vec kohmun.

Nehemia 9:37 ပူးပေါင်းရင်းမြစ်များ

Ezera 4:13

Khanö u thö walang ang than a gʼ adre me ne op hmetu taun ang, me umo je hna up haginy, me ödrin e ca he ka bi fâtâ omjeû me jeû, me bi ö hnyei, kʼ adre me he ka okongoâ je than nyiele.

Ezera 6:8

Ke haba khaca inya oge me hûna ge hnobun hna he ka ânyâ ka wahingatiny at Juda hobi kâu hna op uma umen Khong eling: a haba ke je omjeû, wale ûnyi hnyi fat hnyi ke keihen hoton wagewe, adre me he ka ie ham ka tavat ang hnân hwaban huliwa, mʼ adre me ca ovheli ödrin bi.

Ezera 7:24

Ke öhmun e ha minya köbun, a haba tavat bihut, me at Levi, me tavat khumöng, me tavat tuö hwanuma, me at Nethini, me lathnyabainy uma eling umen Khong, me adre me ca he bi ka kunʼ ödrin ka fâtâ omjeû, me jeû, me bi öhnyei.

Nehemia 5:8

Me oge me ha ködrin, ka habe, Öhmun e ûco hmetu je liamekeiny möhmun a at Juda, tavat adre ûco ka aten ke je hnyei, hoton hnöhmun hna hu; hawa, öbun e ka he bi ka ûco je liamekeiny möbun, ke adre me he ka ûcû ödrin kohmun? Me ödrin e laba hnyibû, me ca wâ ke ûnyi hnân thu.

Je tenge anyi Jeremi 5:5

Tavat adre me hnu ohmun adre me tot hon je nyihmun: Ohmun e sēnyin, me ca menâ bi.

Levitiko 26:17

Ke oge me he ka wâ hmʼ öbun, kʼ adre me he ka hlingʼ öbun hnyi hnyimakan je iwahnaihmiony möbun: kʼ ame he ka musi öbun tavat adre me hûköti öbun; kʼ öbun e he ka kec ke ba at ame hnu öbun.

Ioane 8:33

Me adre me thu kâu, ka habe, Ohmun je mâtrâni Aberahama, ke tiga ca hom hwenbʼ ohmun hnen ke at: a hawa, u me ha, ka kabe, Adre me he ka hnʼ öbun dut?

Deuteronomi 28:33

Haba wan kânâm kânâ, me ânyâm ta je huliwa hia, me ame he hnyei kanyua he ka han hia thibut; kʼ adre me he thibi ka okongu u, me hlic u balua:

Deuteronomi 28:39

U me he ka ta je hnyei vine me belökâ, ke u me ca he ka ijem wainainy, ke u me ca he bi ka tau wan; anyin ame he ka han hia ê ge je oûnyi.

Deuteronomi 28:48

anyin a wale u me he ka bi i athnyabainy je iwahnaihmiony möu tavat ame he Iehova ka kunâ köu, kʼ u mekihnânem, me beic, me he thu, me weny ta je ûnyi hia: kʼ ame he ka ip ûnyi hnân ûhûkâlâköuâ a fao hon nyem, ke ne o but e ame ohiö u.

Deuteronomi 28:51

ke e ame he ka han wan halem je meno, me wan kânâm kânâ, ke ne o but ame hiö u but: ke e ame ca he ka bi kolon köu hwit, me waina, me wakaco, me ûsehiainy halem je kau, me lakon halem je mamoe, ke ne o but e ame ohiö u.