Nehemia 9:35 - Iaai Bible 1901 (New Caledonia)

³⁵ Anyin a ödrin e ca hia but bi athnyabaem hnyi dökhudrin dokhu, me ânyâm so ae gan hmâ, waleji u je ham ködrin, me hnyi hnyei ae gan me pipikhenya u je ham hnyi hnyimaködrin, ke ödrin e ca hwio ûnyi hnyi anyidrin je hna ânyâ ae kong.

Nehemia 9:35 ပူးပေါင်းရင်းမြစ်များ

Nehemia 9:25

Me ödrin e hûgûnâ je taun adre bi haginy, me hnyei ae pipikhenya, me hu je uma ae unöngöt ge ta je ûnyi ae so hia, me je hna khû an, me je hnyei vine, me je hnyei elaio, me je ûö ame wa wan ae se hia: me ödrin e han me sekudrin, me ödrin e pipikhenya, me senyinâ ânyâm so ae gan hmâ.

Nehemia 9:34

ke haba latuhöhmun, me anyihmun je than, me tavat bihut unyihmun, me lakamöhmun, me ödrin e ca ânyâ ânyâm hnanyibu, me ödrin e ca long hnâm je hna hûna, me hnâm je hna ohnathoâ, waleji u je thawʼ ödrin hnyin.

Isaia 63:7

Oge me he bi nya ka ha ge tang betenge anyi Iehova, me je hnân oganö Iehova, hoton ta je ûnyi hia thithö waleji a ham köta Iehova; me so ae gan hmâ ka lap anyi Isaraela, waleji e ame ham ködra hoton anyin ibetengiö baû, ke hoton anyin tang betenge ae gan hmâ.

Jeremia 5:19

Ke öbun e he ka ha, ka habe, Anyin a ieû Iehova Khonguta ame ânyâ köta ta je ûnyi hia eling? u me he ka thu kodra, ka habe, Anyin a öbun e digic nya me bi athnyaba: ka je khong kanyua hnyi ibun hnyei, awe helâe öbun e he ka bi athnyaba ka je atkanyua hnyi hnyei a ca ibun bi.

Ezekiela 5:6

Ke e ame hia but hanyâûâ hnok hna owisa hnyi hnen hna ânyâ monu hon ta je hnyei, me hanyâûâ anyik je hnanyibu hon je hnyei igigilo: anyin adre me hia but hna degecâ hnok je hna owisa, me ca vheno anyik je hnanyibu.

Deuteronomi 28:47

anyin a u je ca bi athnyabai Iehova Khongom me senyin me hobâ hnyi hnyekom can ûgâniny ta je ûnyi hia:

Deuteronomi 28:48

anyin a wale u me he ka bi i athnyabainy je iwahnaihmiony möu tavat ame he Iehova ka kunâ köu, kʼ u mekihnânem, me beic, me he thu, me weny ta je ûnyi hia: kʼ ame he ka ip ûnyi hnân ûhûkâlâköuâ a fao hon nyem, ke ne o but e ame ohiö u.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.