Nehemia 9:33 - Iaai Bible 1901 (New Caledonia)

³³ Ke so bi u wisa hnyi ta je ûnyi hia thithö ame o kohmun; anyin ae wisa hnâm hna ânyâ, ke kong hnöhmun hna ânyâ:

Nehemia 9:33 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Ezera 9:15

Iehova lö, Khongu Isaraela, u wisa; anyin a öhmun thiju ang je kolon ae möt, helâ me hnyi bong ang: wâ ju, öhmun dut ang hnyi hnyimâkâm me hnyikonguhmun; anyin a can e e ca khana ke at he ka tot hnyi hnyimâkâm.

Nehemia 9:34

ke haba latuhöhmun, me anyihmun je than, me tavat bihut unyihmun, me lakamöhmun, me ödrin e ca ânyâ ânyâm hnanyibu, me ödrin e ca long hnâm je hna hûna, me hnâm je hna ohnathoâ, waleji u je thawʼ ödrin hnyin.

Nehemia 9:8

ke u je wâ hnyekon ae wisa but hnyi hnyimakâm, me u je ûhihinyköu mē he ka ham kâu hnyei iny at Kanana, me Heth, me Amora, me Perizi, me Jebusi, me Girigasa, he ka ham ka je mâtrâniny, me ohwâdâ hwâm hofuc; anyin a u wisa.

Jobu 33:27

E ame khumöng hnyi hnyimakan tavat, ka habe, Oge hia but ânyâ hulö, me hanyâûâ ûnyi ae wisa, Ke ba troban könya:

Jobu 34:23

Anyin ae ca ûnyi hnathu kâu he ka olo ûnykûme ka at, Me me he hnyi hnyimakan Khong he ka ûhnei.

Salamo 106:6

Öhmun e hia but ânyâ hwakecin ae kong helâ me lakamöhmun, Öhmun e hia but he hwali, me ânyâ hulo.

Salamo 119:137

Iehova lö, u wisa, Ke wisa minya hnâm ta je hna owisa.

Salamo 145:17

E wisa Iehova hnyi deny ta je gethen hia, Kʼ ame betenge hnyi anyin ta je huliwa hia.

Esodo 32:31

Ke Mose ame he hmetu kö Iehova me ha, ka habe, E köiö, e ti gan hulö ame ânyâ tavat ang, kʼ adre me bi khongudrin gol.

Jeremia 12:1

IEHOVA lö, u thibi at ae wisa, iny ka he ka ivino möu: ke so bi, oge me beûhnenamö möu ge hna owisa: ieû can ame sot gan gethen deny tavat ae kong? adre me laba so geû ödra hia adre me ti iyawo?

Jeremia 44:3

can anyidra ta je hulo waleji adre me ânyâ me adre me ohmönyini nya, hnyi hnödra hna he ka leû utö ae bo so, me bi athnyaba ka ke je khong bi, waleji ae ca khanʼ ödra; ödra, möbun, me lakamöbun.

Je tenge anyi Jeremi 1:18

E wisa Iehova; ke oge hia but thu anyin je hnanyibu: Je hnyei hia lö, öbun na long ju, me wâ anyik hlöuhlöu: Adre hom hwenbâ anyik je wahlu me wahidröu.

Ezekiela 11:12

ke ame he ka khanʼ öbun a inya Iehova: anyin a öbun e ca hia but vheno anyik je hnanyibu, ke öbun e ca ânyâ hnok je hna owisa, ke öbun e hia but ânyâ hoton je hna otilâ hnen je hnyei igigili öbun.