Nehemia 9:29 - Iaai Bible 1901 (New Caledonia)

²⁹ ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Nehemia 9:29 ပူးပေါင်းရင်းမြစ်များ

II. Je Than 17:13

Ke so bi haba Iehova ame haimemenâ ka Isaraela, me Juda, a deny je perofeta hia, me tavat wâ hia, me ha, ka habe, Hwio thö ûnyi hnyi debun ta je gethen ae kong, ke tuö ju hnok je hna hûna, me anyik je hnanyibu, helâ me je hnanyibu hia waleji oge hûna ka lakamöbun, me kunâ köbun a deny je athnyabaik a je perofeta.

II. Je Than 17:14

Ke so bi ödrin e höcö long, me ohwegiâ je nyidrin, helâ me nyin je lakamödrin, tavat adre me ca labageju bi kö Iehova Khongudrin.

II. Man Ûlabainy Je Than. 24:19

Ke so bi e ame kunâ ködrin je perofeta, he ka ohmetu ödrin kö Iehova; me ödrin e siwhegi ödrin, ke ödrin e ca long bi.

II. Man Ûlabainy Je Than. 33:10

Ke haba Iehova ame fuc kö Manase me lakeiny: kʼ ödrin e ca long bi.

II. Man Ûlabainy Je Than. 36:15

Ke haba Iehova Khongon je lakamödrin, ame ûkhûnöng ködrin a deny anyin je ûthumetu, ame vesâkong me ûkhûnöng; anyin a e ame betenge ge lakeiny, me hnyaban:

Nehemia 13:15

Haba hnyi ûen eling oge me wâ hnyi Juda keihen adre me hlec wan vine hnyi sabath, me hok je bwiny hwit, me ohijenâ je asina; me waina minya, me je wan vine, me je wan meta, me je hok hia wale adre me sukhöûnâ Jerusalema ai hnyi bong sabath: ke oge me thawʼ ödrin hnyi bong ödrin e ûcû jeû hnyin.

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Nehemia 9:16

Ke ödrin e bi gan me lakamödrin, me ohwegiâ je nyidrin, me ca long bi ânyâm je hnanyibu,

Nehemia 9:26

Ke so bi ödrin e ca ûling, ke ödrin e hna degeci u, me hna hotudrin ai ânyâm hnanyibu, me hlingâ ânyâm je perofeta tavat adre me thawʼ ödrin, he ka ohmetu ödrin köu, ke ödrin e oâ hmonyin ae gan hmâ.

Nehemia 9:30

Ke se hia je huna u je hokhnyoki ödrin, me thawʼ ödrin hnen hanom a deny ânyâm je perofeta: ke ödrin e ca belöng: anyin a wale u je hnʼ ödrin ka tavat aten je hnyei.

Esodo 10:3

Ke haba Mose me Arona ödru me he kö Farao, me ha kâu, ka habe, Walang hna ha hnö Iehova Khongon at Heberu, ka habe, Ke ne o but kehö u ma he ka höcö öûhnyûkongi u hnyi hnyimakök? hna but lakeik mʼ adre me he ka bi athnyaba könya.

Jeremia 17:23

ke so bi adre me ca löng, me tevehlöng, ke adre me ohwegiâ je nyidra, mʼ adre me ca löng bi me kap bi hna ûnö.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 42:19

A hia but Iehova ha gabun, je kolon hnyi Juda, ka habe, Ca he öbun Aigupito ai: wâhmakhmeto ju a oge me ha hwegiâ köbun hnyi bong ang.

Jeremia 43:2

me haba Azaria nöku Hosaia, me Johanana nöku Karea, me tavat bi gan hia, ödrin e ha kö Jeremia, ka habe, U me ha thoi: a ca kunö u Iehova Khonguta he ka ha, ka habe, Ca he öbun Aigupito ai he ka më laba eling:

Jeremia 44:10

Adre me ca vec ke ne o but hnyi bong ang, ke adre ca hia but ot, ke adre me ca vheno anyik hnanyibu, me hnok je hna hûna, waleji oge ip hnyi hnyimaköbun me lakamöbun.

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Ezekiela 20:11

Ke oge me ham kodra anyik je hnanyibu, me omanenâ kodra hnok je hna owisa, waleji a e ka he at ka mâdrâ, me ame he ka möt hnyin.

Daniela 5:20

Ke hnyi ûen ame bi gan hnyekon, ke hwege hnyekon me me huliwa hnyi hop, me adre me ohnyikânâ e ûnyi hnyi hon theroniny dokhon dokhu, ke adre me hûgûnâ gan anyin hmanenang:

Hosea 6:5

Anyin a wale, oge hia but kucʼ ödra a deny je perofeta; oge hia but hlingʼ ödra ge je ifucin hnyimök: ke ame he but je hna owisa gam helâ me melam.

Levitiko 18:5

Anyin a wale hamöbun he ka tuö anyik je hnanyibu, me hnok je hna owisa: anyin a haba at ame he ka ânyâ e, me ame he ka möt hnyin: Inya Iehova.

Mataio 19:17

Me e ame ha kâu, ka habe, Ieû gam u me hnö gak ûnyi ae so? Khaca thibi at ae so: ke a ne wem he ka didro ka hnyi möt vheno thö ta je hnanyibu.

Luka 10:28

Ke e ame ha kâu, ka habe, E wisa hnâm hna thu, mâdrâ thö e, ke u me he ka möt.

Roma 10:5

Anyin a Mose ame sihnalimen a haba at ame ânyâ hwakecin ae wisa ûnyi hnyi hnanyibu, me ame he ka möt hnen e.

Galatia 3:12

ke haba hnanyibu me ca hanen bi labageju; ke, Haba at ame he ka vheno e, me e ame he ka möt kâu.

Deuteronomi 31:21

Ke ka o ködra je hulö me je vec ae se, me ame he khumöng ang ka ohnatho ködra; anyin a e ame ca he ka hia hnyi hnyimen je mâtrânidra: anyin ae khanö nya ûnykûmenödra adre me he ka ânyâ, a walang ang, kʼ iny tiga ca hia but hum ödra ka hnyi hnyei waleji oge khemanyinâ.

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.

Owisa 6:10

ke oge me ha köbun, ka habe, Inya Iehova Khongubun; ca he öbun ka outen je khong khongon at Amora, wale hnyei öbun e labā: ke öbun e ca long hok hofuc.