Nehemia 9:16 - Iaai Bible 1901 (New Caledonia)

¹⁶ Ke ödrin e bi gan me lakamödrin, me ohwegiâ je nyidrin, me ca long bi ânyâm je hnanyibu,

Nehemia 9:16 ပူးပေါင်းရင်းမြစ်များ

II. Je Than 17:14

Ke so bi ödrin e höcö long, me ohwegiâ je nyidrin, helâ me nyin je lakamödrin, tavat adre me ca labageju bi kö Iehova Khongudrin.

II. Man Ûlabainy Je Than. 29:6

Anyin a haba lakamötin ödrin e hia but ânyâ hwakecin ae monu, kʼ Ödrin e ânyâ ûnyi ae kong hnyi hnyimakö Iehova Khongutin, me hna degecâ e, me wia je hnyimaködrin ûnyi hnyi hnyaba Iehova, me hwio hotudrin kâu.

II. Man Ûlabainy Je Than. 30:8

Ke ca he thʼ öbun walang ang ka ohwegiâ je nyibun, helâji me lakamöbun; ke so bi hnʼ öbun dut kö Iehova, me didro ka hnyi anyin dok ae kap, wale e ame hia but okabâ nyiele balua, me bi athnyabai Iehova a Khongubun, me me hwio ûnyi gabun anyin hmonyin ae gan hmâ.

II. Man Ûlabainy Je Than. 36:13

Ke haba khaca e ame ûkhin fuc kö Nebukaneza than, at a hia but kunâ e he ka khemanyin kö Iehova: me e ame hwegiâ nyin, me okhötâ hnyekon me me ca hmetu kö Iehova Khongon Isaraela.

Nehemia 9:10

me omanenâ je haten me je ûnyi hnân lâiâ kö Farao me lathnyabainy hia, me aten iny hnyei hia; anyin ae khanö u a ödrin e bi gan ködrin; me u je ogânâ âm bi, helâ me hnyi bong ang.

Nehemia 9:29

ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Salamo 106:6

Öhmun e hia but ânyâ hwakecin ae kong helâ me lakamöhmun, Öhmun e hia but he hwali, me ânyâ hulo.

Salamo 81:8

Lakeik lö, long ju, me oge me he ka ha cicö köu: Isaraela lö, u na he ju ang ka long könya!

Esodo 15:26

ke haingen, ka habe, U ka he ka löng wia hofuc ho Iehova a Khongom, me ânyâ ûnyi ae wisa hnyi hnyimakan, me tevehlöng hnen hna hûna, me tuö anyin je hnanyibu hia, oge me ca he ka kunâ köu ta je mok waleji oge kunâ ka at Aigupito: anyin a inya Iehova at ame osoi u.

Esodo 32:9

Ke Iehova ame ha kö Mose, ka habe, Oge wâ but tavat eang, me wâ but, odra tavat ae hwege nyin:

Ta je Vejec 29:1

HABA at adre me osehia nâ, kʼ ame ka ohwegiâ bi nyin, Me adre me he ka ie oamâmâ, ke ba bi eny.

Isaia 48:18

Nakaem, u je ne long anyik ta je hnanyibu me me helâ me wagewe ânyâm hnahic, ke helâ me je waköiöiny köiö hwakecâm ae wisa:

Isaia 48:4

E khanö nya a u at ûjöng, ke toiny fao nyem, ke bras barem;

Isaia 63:10

Ke adre me ûkhin fuc, me ovecâ banon ae kap: anyin a wale e ame hwio but me ame iwahnaihmiony mödra, ke e ame ka hamen bi vat mödra.

Jeremia 19:15

Walang hna ha hnö Iehova tuhan sabaoth, Khongu Isaraela, ka habe, Wâ bi, oge me he ka oâ ka taun ang me ta je tauniny hia je ûnyi ae kong hia thithö, waleji oge ha gan: anyin adre hia but ohwegiâ je nyidra, me ca löng bi ta je ifucik.

Jeremia 2:31

Do lö, wâ ju hofuc ho Iehova. Hawa, oge hia but helâ me hnyebuba ka at Isaraela? ame ne hnyei ae khömet? anyin a ieû ame ha lakeik, ka habe, Ohmun e monu, ohmun e ca he hmetu köu?

Jeremia 7:26

ke so bi adre me ca ling nya bi, me tevehlöng, ke adre me ohwegiâ je nyidra: me ânyâ hwakecin ae kong hmonyin hon je lakamödra.

Ezekiela 5:6

Ke e ame hia but hanyâûâ hnok hna owisa hnyi hnen hna ânyâ monu hon ta je hnyei, me hanyâûâ anyik je hnanyibu hon je hnyei igigilo: anyin adre me hia but hna degecâ hnok je hna owisa, me ca vheno anyik je hnanyibu.

Ta je huliwa 7:51

Öbun hnyat ae hwege je nyibun, kʼ adre ca peritomonâ je hnyekubun me je hnyikönyöbun, öbun e labö tot metâ ûcon Hanu Kap: helâji me lakamöbun, me helâ minya ju e öbun.

Roma 2:5

ke can hnyekom ae nâk ke ca ietra, me u me ûkhöûnâ tang hmonyin hnân hobi köu bi hnyi bonginy hmonyin, ke hobi kâu ûen adre me omanenâ hwaban ae wisa ge Khong;

Deuteronomi 31:27

Anyin a oge wâ but hnâm hna ûkhin fuc, ke hwege nyem: wâ bi, iny tiga möt unyibun hnyi bong ang, me öbun e hia but ûkhin fuc me Iehova; ke hawa bi iny ka mokcu?

Deuteronomi 32:15

Ke haba Jesuruna ame pipikhenya bi, kʼ ame nyikâ can: U pipikhenya but, me gan unyâm, me habubut: Waleling me me degec Khong at a op e, Me oûnyibâûâ Kic at a omelö e.

Deuteronomi 5:29

E na hu ju gadra hnyok ae ûcû mʼ adre me outö nya, me löng bala hnok ta je hna hûna hia, mʼ adre me so me je mâtrânidra nyiele balua!

Deuteronomi 9:13

Ke haba khaca Iehova ame ha könya, ka habe, Oge wâ but tavat ang, ke wâ bi, ödra tavat ae hwege nyin:

Deuteronomi 9:27

ûnykûme ju lathnyabaem, Aberahama, me Isaaka, me Jekob; e so u me ca wâ hwakecin ae ûjöng anyin tavat eang, me hwakecidra ae kong, me anyidra hulö:

Deuteronomi 9:6

Anyin a wale, u ma wâhmakhmetoâ a ca ûnyi ge wisainy hwakecâm me ame ham köu hnyei eang ae so hnö Iehova Khongom me me em: anyin a haba u me hnyei ae hwege nyin.

Heberu 3:13

ke ûsihwegi öbun köu ju hnyi ke bong me ke bong, kʼ adre tiga ha bi, ka habe, Hnyi bong ang; wâ e nye okhötâ hnyekon keihen gabun ge tang iya-wöiny hulo:

Heberu 3:15

kʼ adre tiga ha, ka habe, Hnyi bong ang, öbun ka he ka löng ifucin, Me ca onâkâ je hnyekubun, helâji me hnyi hna ohmönyinâ.