Nehemia 6:12 - Iaai Bible 1901 (New Caledonia)

¹² Ke wâ bi, oge me wâhmakhmetoâ a ga ca kunâ e Khong: ke e ame ha baûâ hofuc hwan perofeta e gak: anyin a Tobia, me Sanebalata Ödru me bi hwaban kâu.

Nehemia 6:12 ပူးပေါင်းရင်းမြစ်များ

Nehemia 6:11

Ke haingök, ka habe, Ame he at a helâ mönya ka kec? ke ewa at ae ûcû mönya ame he ka kec ka hnyin uma kap he ka omelö e bi? Oge me ca he ka kec ka hnyin.

Nehemia 6:13

Anyin a wale adre me bi hwaban kâu me inye ot ju, me ânyâ helâe, me inye kong dö, me me hu gadrin ûnyi hnân haikongu nya, mʼ adre me he ka oûhnyûkongu nya.

Isaia 56:11

Eke, e hwenhmiâ je kuli ke ca khanʼ ödra he ka sekudra; ke tavat tuö mamoe ke ca khanʼ ödra bi he k a wâhmakhmeto: ödra hia thithö adre me ve saû ka hnyi dedra bi ta je gethen, adre me ve wia ka anyidra bi troban hnyi je hnödra.

Jeremia 14:14

Me Iehova ame ha könya, ka habe, Je perofeta adre me perofeta thoi hnyi iök: oge ca kunʼ ödrin, ke oge ca hûna ködrin, ke oge ca fuc ködrin: ödrin e perofeta köbun me omanenâ thoi, me hna bi khong, me ûnyi ae ba onyen, me iyawo eû hnyi je hnyekudrin.

Jeremia 23:16

Walang hna ha hnö Iehova tuhan sabaoth, ka habe, Ca long ta je hofuc hwan ta je perofeta adre me perofeta köbun; adre me ûnö köbun ta je ûnyi baû bi; adre me ha hna omanenâ ûnyi eû hnyi hnyekudra bi, ke ca ûnyi bi hnyi hnyimö Iehova.

Jeremia 23:25

Oge hia but long waleji ge hna ha hnen ta je perofeta, tavat adre me perofeta thoi hnyi iök me ha, ka habe, Oge hia but bwo, oge hia but bwo.

Jeremia 28:15

Me haba Jeremia perofeta ame ha kö Hanania perofeta, ka habe, Hanania lö, long ju walang ang; a ca kunö u Iehova; ke u je olabagejo tavat ang ka hnyi thoi.

Ezekiela 13:19

Ke öbun e hia but okongu nya unyin lakeik hwaban je hnyam bali, me je ujeû, he ka hlingâ tavat a ca hnân bi mok, me omelo tavat a ca hnân bi möt, hnen anyibun thoi ka ta je atök tavat adre me long thoi.

Ezekiela 13:22

Anyin a öbun e hia but ovecâ hnyekon at ae wisa ge je thoi, waleji oge me ca ovecâ; me ohwegiâ hnyamen tavat ae kong, me me ca he ka hmetu bi ûnyi hnyi deny gethen ae monu, me me möt:

Ezekiela 13:7

Hawa, öbun e ca wâ hna omanenâ ae ûnyi baû, me bi khong thoi, anyin öbun e ha, ka habe, Hö Iehova; ke so bi oge ca fuc bi?

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Ta je huliwa 20:33

E ba sileva, me gol, me ûkkaû anyin ke at oge behnyekon.

I. Korinito 12:10

ke ka ke at he ka ânyâ je ûöman; ke ka ke at he ka perofeta; ke ka ke at he ka wâ ûnykûme ta je hanu; ke ka ke at he ka ha je hwen hnyei; ke ka ke at he ka wia hwan hnyei:

I. Korinito 2:15

Ke haba aten hanu ame wâ ûnykûme ta je ûnyi hia, ke ame ca wâ ûnykûme e hnen ke at.

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

Tito 1:7

Anyin ae ûcû ka pisop he ka ba hnyikongon, helâ me at huliwa ka Khong; at ame ca ûjöng, kʼ ame ca ie hmonyin, kʼ ame ca ijem gânâ waina, kʼ ame ca ûkûc, kʼ ame ca hwenhmiâ mone;

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

II. Peteru 2:3

Ke adre me he ka ûcû öbun ge hwaban hofuc ae thoi, anyin adre me behnyekudra omjeû: ke haba hna he ka bi hwaban kodra ehac, me, ca bec bi, ke baba hnaûhango adre ip hobi ködra ame ca ta mokut bi.

I. Ioane 4:1

HNYAT a oûnykûmik lö, ca kap bi ta je hanu hia, ke cubec ju ta je hanu, hawa, ûnyi ge Khong ödra: anyin ae se hia ta je perofeta thoi ame o ehe hnyi hmeledrany.

Hna Omanenâ 18:13

me kinamo, me ainomo, me je ûnyi ae bo so, me muro, me libanu, me waina, me wakaco, me falawa ae so, me hwit, me je meno, me je mamoe; me je hors, me je kariota, me je unyin; me je hanon at