Nehemia 6:11 - Iaai Bible 1901 (New Caledonia)

¹¹ Ke haingök, ka habe, Ame he at a helâ mönya ka kec? ke ewa at ae ûcû mönya ame he ka kec ka hnyin uma kap he ka omelö e bi? Oge me ca he ka kec ka hnyin.

Nehemia 6:11 ပူးပေါင်းရင်းမြစ်များ

Nehemia 6:12

Ke wâ bi, oge me wâhmakhmetoâ a ga ca kunâ e Khong: ke e ame ha baûâ hofuc hwan perofeta e gak: anyin a Tobia, me Sanebalata Ödru me bi hwaban kâu.

Nehemia 6:3

Me oge me kunâ ködrin ûthumetu he ka ha, ka habe, Inya oge me ânyâ huliwa ae gan hmâ, ke ca khanö nya he ka he: anyin a ieû adre me he ka ip huliwa, me hna degecâ, me inye he but köbun?

Nehemia 6:9

Anyin a ödrin hia thithö ödrin e beöti ohmun haingödrin ka habe, Ame he ka mat je hnyamödrin hnyi huliwa, mʼ adre me ca ânyâ bi. Ke walang Khong lö, owhegiâ thö li hnyamok.

Salamo 112:6

Anyin a e ame ca he bala ka bwebwet; Adre me he ka ûnykûme nyiele balua at ae wisa hwakecin.

Salamo 112:8

Ame tethmâ hnyekon, e ame ca he ka ot, Anyin a e ame he ka wâ weny ka ta je iwahnaihmiöny me.

Ta je Vejec 28:1

A ME kec at ae kong ke ba at ame hnu: Ke haba tavat ae wisa ödra helâ me liona ame ca ot.

At Khet 10:1

HABA ta je nöng adre mokcu, me adre me obokongoâ wakaco ae bo so: helâe minya e hmak hnyi tulut monu ae ûhnyûkong hon metâ me hna ogânâ.

Isaia 10:18

Ke e ame he ka an hmanenanginy anyin hnyot, me iny hnyei ame wa wan, wale hanu me unyin: kʼ ame he ka helâke at kât boûdila ame ta ke mok.

Numera 3:10

Ke u me he ka otilö Arona me lakon, ke ödrin e he ka labö tuö hanymen at bihut: ke adre me he ka hlingâ atkanyua at ame hakekenyâ.

Ta je huliwa 20:24

Ke oge me ca oûnyihnathoâ anyik möt, me me ûnyi hnathu könya, me inye he ka umo hnok hna ûölogot, me hanymök oge me kap ûnyi ge Than Iesu, wale he ka ohnathoâ ûthumetu ae so hnyi betenge baû anyin Khong.

Ta je huliwa 21:13

Haba Paulo ame thu me ha, ka habe, Ieû gabun öbun e tenge me ohluhluâ hnyekuk? anyin a oge hia but penapena, ca ka hnyi ûceat thibi, ke so minya he ka mok hnyi Jerusalema can iö Iesu a Than.

Ta je huliwa 8:1

KE Saulo minya ame ogâ anyin mok. Ke haba hnyi bong eling ame kû gan hmâ but hna ovecâ ekalesia hnyi Jerusalema; ke adre me vese hia but ka hnyi ta je ke keihen hnyei Juda me Samaria, ke hake je aposetolo thiju.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Filipi 2:30

anyin a ne moko ju huliwa anyin Keriso, ke e ame ca oûnyihnathoâ anyin möt, me me he ka hwaböbun hnyi ûen ae hiʼ öbun he ka hadruo nya.

Heberu 11:27

Hnen labageju e ame hna but Aigupito, e ame ca outen hmonyin anyin than: anyin a e ame hokhnyok, helâke at ka wâ at ae ca manen bi.

I. Samuela 19:5

ke e ame ip anyin möt hnyi hnyamen, me hlingâ at Filisiti, me Iehova ame omelö gan hmâ Isaraela hia thithö: u je wâ e, me senyin: ke anyin a ieû u me he ka kong ka dra ae ba hnyikongon, he ka hlingö Davita ke ba can?