Nehemia 12:27 - Iaai Bible 1901 (New Caledonia)

²⁷ Ke haba hnyi hna okabâ hna up haginy Jerusalema, ödrin e elâm at Levi hnyi anyidrin je taun hia, he ka hum ödrin Jerusalema ai, he ka hnyi okabâ hak me senyin, me ole, me khumöng, ge je simebalo, me je nabeli, me je kitara.

Nehemia 12:27 ပူးပေါင်းရင်းမြစ်များ

II. Samuela 6:12

Ke adre me thumetu Davita than, ka habe, Iehova ame hia but ohnahicâ lap anyi Obed-edoma me ta je ûnyi hia can tang tangen Khong. Me haba Davita ame he me hom senyinâ tang tangen Khong, ûheny hnyi uma umö Obed-edoma, ka hnyi taun anyi Davita.

I. Je Than 8:63

Ke Solomona ame hudo me je hudiny ole, wale e ame hudo kö Iehova, me twente tu thauzan je bolok, ke wan haded ke twente thauzan je mamoe. Me haba than me lakon Isaraela hia adre me okabâ uma umö Iehova.

I. Man Ûlabainy Je Than. 13:8

Ke haba Davita me at Isaraela hia ödrin e khumöng hnyi hnyimakan Khong me tang hwegiödrin hia: ge je khumöng, me je kitara, me nabeli, me bwinybet, me simebalo, me trutru.

I. Man Ûlabainy Je Than. 15:12

me ha ködrin, ka habe, Öbun je kamen ae beönua ge at Levi: okabi öbun ju me je liamekeiny möbun, mʼ öbun e hom tang tangö Iehova Khongon at Isaraela ka hnyi dok oge penapena hobi kâu.

I. Man Ûlabainy Je Than. 15:16

Haba Davita ame ba ka je tuhan at Levi he ka otilâ je liamekeiny mödrin, je aten khumöng, me je ûnyi khumöng, je nabeli, me kitara, me simebalo, ödrin e khumöng hwege goranyai me senyin.

I. Man Ûlabainy Je Than. 15:28

Ke haba at Isaraela hia ödrin e hom tangen ûhihinyköu anyi Iehova, me kuku tot, me tûö sofara, me je trutru, me simebalo, ödrin e ofucâ ta je nabeli me kitara.

I. Man Ûlabainy Je Than. 15:4

Ke Davita ame ûkhacaköuâ laku Arona, me at Levi:

I. Man Ûlabainy Je Than. 16:42

ke tha ödrin me Heman me Jeduthun me je trutru me simebalo hobi kâu tavat adre me he ka ofucâ e, me je ûnyi khumöng hnân je khumöng anyin Khong: me laku Jeduthun he ka tot hnyi homagöule.

I. Man Ûlabainy Je Than. 16:5

haba Asafa at ae beönua, me Zakaria tang hoton, me Jeiela, me Semiramoth, me Jehiela, me Matathia, me Eliaba, me Benaia, me Obed-edoma, me Jiela, a tha ödrin me je nabeli, me kitara; ke Asafa me je simebalo ame ofucâ goranyai;

I. Man Ûlabainy Je Than. 23:5

ke ödrin foa thauzan tavat tuö hwanuma; ke foa thauzan tavat oganö Iehova ge je ûnyi khumöng oge ânyâ hnân oganâ.

I. Man Ûlabainy Je Than. 26:31

Ûnyi ge at Heberona jia Jeria at ae beönua, wale ge at Heberona hoton je do anyin je lap anyin lakamen. Haba hnyi huna a fâteiny musi anyi Davita adre me elöm ödrin, kʼ adre wâ unyidrin hnyat ae hwege hnyi Jezera hnyi Gileada.

II. Man Ûlabainy Je Than. 29:25

Ke e ame otilâ at Levi hnyi uma umo Iehova me je simebalo, me nabeli, me kitara, hoton hnanyibu anyi Davita, me Gada at wâ unyin than, me Nathana a perofeta: anyin a ûnyi ga Iehova hnanyibu eling a deny anyin je perofeta.

II. Man Ûlabainy Je Than. 29:30

Me haba Hezekia than me je taben ödrin e hûna ka at Levi he ka khumöng me oganö Iehova ge hofuc ho Davita me Asafa at wâ. Me ödrin e khumöngö je hna oganâ, me senyin, me ödrin e nom ju me khudrung.

II. Man Ûlabainy Je Than. 5:13

ke haba tavat tûö trutru me tavat khumöng, me, helâ me at a khaca, he ka hai khumöng helâ me khaca thibi hofuc he ka ogânâ me ole kö Iehova; ke ödrin e fuc goranyai ge je trutru me simebalo me je ûnyi khumöngʼ me oganö Iehova, me ha, ka habe, Anyin ae so e, anyin a nyiele balua anyin ibetengiö; me haba hnyi ûen eling ame unöngötö uma ge ulâ, wale uma umö Iehova,

II. Man Ûlabainy Je Than. 7:6

Ke haba tavat bihut ödrin e ve tot hnyi je hanymodrin; me tavat Levi me ta je ûnyi khumöng anyi Iehova, waleji a ânyâ Davita than hnân ole kö Iehova, anyin a nyiele balua anyin ibetengiö, waleji hnyi ûen Davita ame ogânâ hnen ta ie ûnyi eling: ke haba tavat bihut ödrin e tûö trutru hnyi hnyimaködrin; kʼ ame tödrö at Isaraela hia.

Ezera 6:16

Ke haba lakon Isaraela, me tavat bihut, me at Levi, me je kolon a je bâ, me adre me delec uma umen Khong me senyin.

Nehemia 11:20

Ke haba je kolon at Isaraela, tavat bihut, me at Levi, hnyi je taun hia anyin at Juda, hnyi jeve idrin.

Nehemia 12:43

Ke ödrin e hudo je hut ae gan hnyi bong eling me senyin; anyin a Khong ame osenyini ödrin ge senyin; me je momo me je wanakat minya ödrin e hnyi senyin: me adre me long hnyi dok ae sâkâû hwan senyin hnyi Jerusalema.

Nehemia 8:17

Haba ûkhacaköu hia tavat adre me hmetu ûheny hnyi hna bâ, adre me ânyâ je uma menâ, me labâ je uma menâ: anyin a lakon Isaraela ödrin e ca ânyâ helâe hwân hnyi bong bongu Josua nöku Nuna ke ne o but hnyi bong ang. Ke e ti gan senyin.

Salamo 149:3

E so adre me he ka ogânâ ien ge bibiâ: E so adre me he ka khumöng olungâ e ge bwinybet me kitara.

Salamo 30:1

IEHOVA lö, oge me he ka oganö u, anyin a a je hia but ogöranyi nya, Me ca hna je iwahnaihmiony mönya he ka manhic könya.

Deuteronomi 16:11

ke u me he ka senyin hnyi hnyimakö Iehova Khongom, u, me nokom baga, me hlu, me athnyabaem a baga, me momo, me at Levi hnyi je hnyabam, me atkanyua, me nakahme, me safac unyâm, hnyi dok ame he Iehova ka ûca hnân umen ien.

Deuteronomi 20:5

Ke hamen je taben he ka ha ka tavat, ka habe, Ewa at up uma a teb ûnyi ke tiga ca hia but delec? e so ame he at eling ka hmetuhmetu ka hnyi umen uma, wâ e nye mokcu hnen vat, me delec biju hnen ke at.

Filipi 4:4

Senyin bala thö ka Than: ke inya hmetu oge me ba, ka habe, Senyin dö.

Hna Omanenâ 5:8

Ke e a hia but hom tusi, haba je ûnyi ae möt a vak, me wahingat a twente foa adre me tha ta ju hnyi hnyimakan Arenio, e ve hu gadra je kitara, me je kaia gol ae unöngöt ge je uto ae bo so, wale je hic hijin wakap.