Nahuma 3:11 - Iaai Bible 1901 (New Caledonia)

¹¹ U me he minya ka monu ge grâg, ke u me he ka ikhölö; ke u me he ka heleû hnabâ can je iwahnaihmiony.

Nahuma 3:11 ပူးပေါင်းရင်းမြစ်များ

Salamo 75:8

Anyin a e hnyi hnyamö Iehova kaia, ke ame hûlûlû hangoc dö waina; Ke unöngötö ge hna ûthueniken, ke e ame hingâlâ ûnyi hnyi hnyin e: E hnathu ame he tavat hia ae kong hnyi hmeledrany ka drem e, me ijem kânâiny.

Isaia 2:10

Didro hnyi hnyin kic, ke ikölö u bi eû hnyi kânâ, ûnyi ge hna outö Iehova, ke ûnyi ge anyin hmanenang ae mec.

Isaia 2:19

Kʼ ame he ka dit tavat ka hnyi hnyin ta je op hnyi je kic, ke eû hnyi hnyin ta je uthankonginy kânâ ûnyi ge hna outö Iehova, ke ûnyi ge anyin hmanenang ae mec, hnyi ûen e ame he ka todrö ka jijingâ hwegiâ hmeledrany.

Isaia 29:9

Todru, ke lâiâ thö; hobâ thö ke wa-dröu but: adre monu but, ke ca ûnyi ge waina; adre me ta tot, ke ca ûnyi ge grâg.

Isaia 49:26

Ke oge me he bi nya ka han tavat ge hing vidra a ödra adre me oveci u; kʼ adre me he ka monu ge hing drödra bi, helâke me hnen waina ae hnebwia: ke ame he tavat hia ka khanʼ ödra a inya Iehova, at ame omeli u, me at ame ûcû melâm, a Man mani Jekob.

Isaia 63:6

Ke oge me ututo tavat hnyi anyik hmonyin, ke omonu ödra hnyi anyik wathethot, ke oge me hingâlâ dren anyidra möt ka hnyi hon kânâ.

Jeremia 4:5

Khetâ thö hnyi Juda, ke haimemenâ thö hnyi Jerusalema me ha, ka habe, Ûkhacaköu thö, ate me he ka didro ka hnyi je taun adre up haginy.

Jeremia 51:57

Ke oge me he ka omono je tuhan me tavat unyin ae metâ, me je gavenainy me anyin je taben, me tavat unyin ae hwege; ke adre me he ka mokut nyiele balua, me ca hmak hmetu bi, haingen Than, Iehova tuhan sabaoth ien.

Jeremia 8:14

Ke ieû ate me he ka laba monu gan? Ûkhacaköu thö, me ate me he ka dit hnyi je taun adre up haginy, me laba hnyibû eling: anyin a Iehova Khonguta ame öbnyibû öta, me habelita ge köiö adre me mekiny, anyin ate me hia but ânyâ hwakecin ae kong kö Iehova.

Hosea 10:8

Adre me he ka ohia minya je dok ae gorany hnyi Aven, wale hulöiny Isaraela: ame he ka kû ûö ae ûdedö me watetaföcö hon anyidra je taben hut; ke adre me he ka ha ka je bucen, ka habe, Tubi ohmun ju; me ka je hut, ka habe, öbun kolu takû ohmun ju.

Amosa 9:3

Eja ke ne adre ne lubaduöng ethö hon Karemela, oge me he ka elâm me lili ödrin ûheny e; eja ke ne ödrin e ne oiyongi ödra ge li emakök eû hnyi hmelen köiö, oge me he ka kunâ on he ka ûlû ödra eling,

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.

Nahuma 1:10

Eja ke ne adre ne vhet helâ me ûö ae ûdedö, me ti khubet hnyi hnödra hna ic, adre me he ka thung ödra helâ me thatûnyin hwit ae mada.

Nahuma 2:1

AME o but hnyi hnyimâkâm at ame sa omomono: hmâkâ ju hnabâ, tuö thö gethen, ca ju hnyâm, ti ohwegiâ thö tang hwegiâm,

Luka 23:30

Me adre me he ka hwân he ka ha ka je bucen, ka habe, Kolu takû öhmun ju; me ka ta je hut, Tubi öhmun ju.

I. Samuela 13:6

Ke a wâ but at Isaraela a gʼ adre vhet ut (anyin ame gâ on tavat,) haba tavat adre me ve lubaduöng hnyi je hmonop, me hnyot, me kic, me op me hna hiny.

I. Samuela 14:11

Ke ödru me omanenʼ ödru bi ka lap tue anyin at Filisiti: ke haingen at Filisiti, ka habe, Wâ bi, ame o but at Heberu ûheny hnyi jē op wale ödrin e lubaduöng hnyin.