Nahuma 2:4 - Iaai Bible 1901 (New Caledonia)

⁴ Ame he monoâ je kariota eû hnyi je gethen, ke ûöhnekiköu hnyi je hna cit gethen: me manen helâ me uthmeic, me gâ monu helâ me hucuce.

Nahuma 2:4 ပူးပေါင်းရင်းမြစ်များ

Ta je Vejec 31:21

E ame ca outen kiona ge anyin lap: Anyin ame khavâ ûkhaû ae dra vec anyin lap hia.

Isaia 37:24

U je hia but haikongoâ Than a deny je athnyabaem, me ha, ka habe, O ge ölö hon je bucen hnyi ke keihen Lebanona tha inya me anyik ta je kariota ae se hia; ke oge me he ka sö but ta je arasiny ae beû goranyai me je kopiny adre ûca: ke oge me he ka o ka hnyi dok a göranyin, hnyi hnyeuten adre belökâ.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Jeremia 4:13

Wâ bi, e ame he ka o helâ me je ûlâ, me anyin je kariota helâ me hou: haba haleny je hors e logot hon je aeto. Ekölö gata anyin ate hnaûhango but.

Jeremia 46:9

Ölö thö, öbun je hors; wadring hwege thö, öbun je kariota; e so ame he but tavat ae hwege; jia at Kusa me Futa, tavat ae khanʼ ödra he ka kât bec; ke at Luda tavat ae khanʼ ödra he ka kât me hlöu cafana.

Ezekiela 23:24

Ke adre me he ka o köu me je ûnyi hnân vat, me je kariota, me je kat, me je bunyen ae gan; adre me he ka igigili u, me je bec ae gan, me bec, me hnabinybak vat: ke oge me he ka hna kodra he ka bi hwaban, ke adre me he ka owisa gam hoton hnödra bi hna owisa.

Ezekiela 26:10

Anyin ae se hia haleny je hors me ame he ka oiyongi u ge sesâiny kânâ gadra: kʼ ame he ka öbubuny ânyâm je hna up haginy ge hwan tavat tabö hors, ke je kat, ke je kariota, e ka didro ka hnyi je homagöulem, helâ me udilidra hnyi taun adre me kia.

Ezekiela 26:7

Anyin a walang hna ha hnen Than Iehova, ka habe, Wâ bi, oge me he ka oi Nebukaneza than Babulona ûheny hnyi hwadro, a tuhan je than, tha e me je hors, ke je kariota, ke tavat tabö hors, ke deö at, ke tavat ae se hia, ka Turo.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.