Nahuma 2:2 - Iaai Bible 1901 (New Caledonia)

² Anyin a Iehova ame ohmeto hmanenangi Jekob, helâ me hmanenangi Isaraela: anyin a hingâlâ degeci ödra hnen tavat hingâlâ degecâ, me okongoâ anyidra je anginy.

Nahuma 2:2 ပူးပေါင်းရင်းမြစ်များ

Salamo 47:4

E ame he ka ûca jekhoû hobi köta, Waleji ame oûnyihnatho Jekob at e ame betenge gan. [Sela.

Isaia 60:15

Anyin a adre hia but digic u me hûkötiö u, waleling me me ca he ke at unyâm, awe, oge me he bi nya ka wiö u hnân hnyei ae mec nyiele balua, ke hnân senyin hnyi ta je dö ae se hia.

Jeremia 25:29

Anyin a wâ bi, inya oge me hwân he ka oaatâ ûnyi ae kong ka taun wale adre wenyö kâu iök, ke hawa, adre me ca he minya ka bi hwaban köbun? Öbun e ca he ka he baû: anyin oge me he ka hawâ hele vat hobi kâu tavat hia thithö adre me laba eang hmeledrany, haingö Iehova tuhan sabaoth.

Jeremia 48:11

Haba Moaba ame hia but laba menâ hwân ke tiga hidröu, me laba hon anyin je atmen, ke adre ca hingâlâ e ûnyi hnyi ke kaia ka hnyi ka kaia, ke adre ca hia but hom hwenbâ e: anyin a wale e bi hnebwiainy, ke ame ca wia bi bunen e.

Jeremia 49:9

Ame ne o köu tavat hlu wan vine, hawa, adre me ca he ka hna ke je wan ae wakhalet? ame ne o köu tavat venöu hnyi hnyinghet, me adre me ca he ka okongoâ ûnyi ae ûcû ködra?

Ezekiela 37:21

Ke ha thö kodra, ka habe, Walang hna ha hnen Than Iehova, ka habe, Wâ bi, oge me he ka hom je lakon Isaraela ûnyi hnyi wanben je hnyei, wale adre me be ka hnyin, me ûkhacaköu ödra ûhedra e he, ke oge me he ka hum ödra ka hnyi idra hnyei:

Ezekiela 37:23

ke adre me ca he hmetu bi ka kong ge anyidra je idola, me anyidra ta je ûnyi ae ikiki, me hnödra je hna hanyâûâ hia: ke oge me he ka omeli ödra ûnyi hnyi je hnyabadra hia waleji adre ânyâ monu hnyin, ke oge me he ka obosoi ödra: helâe adre me he ka lakeik, ke oge me he ka Khongudrin.

Hosea 10:1

HABA Isaraela, me vine, at ame kû hlau, kʼ ame wa je wan; hoton ûganiny je wan e, e ame osehia je taben hut; hoton ûsoiny iny hnyei, adre op je veto ame tot ae hmanenang.

Nahuma 2:10

E ba onyen e, adre me öba onyen, iny jut wau: ke ame köiö but hnyok, kʼ ame öbubuny je boucadra, ke vec hia thö je hnyidra, ke löhau but ta je hnyimakodra hia.

Nahuma 3:14

Seköiö thö hobi kâu he ka thelingʼ u, ohwegiâ ju ânyâm je hnabâ: he thö ka hnyi kânâ ae kece, ke ututo ju dröu adre me huliwan, ohwegiâ thö hna leû veto kânâ.

Zefania 3:11

Hnyi bong eling u me ca he ka hmehman ta je hwakecâm hia waleji u je hanyâûâ gak: anyin a wale oge me he bi nya ka hom but gam hnyi bong eling tavat hop ke bi gan unyâm, ke u me ca he hmetu ka begö-rany hnyi anyik bucen ae kap.