Nahuma 2:13 - Iaai Bible 1901 (New Caledonia)

¹³ Wâ bi, e ve inya möu haingö Iehova tuhan sabaoth, ke oge me he ka thong anyin je kariota hnyi hai, kʼ ame he hele vat ka an halem je nak liona: ke oge me he ka subâ degecâ hanem ûnyi eang hmeledrany, ke adre me ca he hmetu ka long ifucin ânyâm je ûthumetu.

Nahuma 2:13 ပူးပေါင်းရင်းမြစ်များ

II. Je Than 18:17

Ke haba than Asuria ame kunö Taretana, me Rabesarisa, me Rabesake ûheny Lakisa Jerusalema ai kö Hesekia than, me utbavat ae gan. Ke ödrin e he me o hnyi Jerusalema. Ke ödrin e hia but ölö, me ödrin e tot hnyi deny köioiny an ethö, wale hnyi gethen ame he ka hnyi utkânâ anyin at hnû mano.

II. Je Than 18:19

Haba Rabesake ame ha ködrin, ka habe, Ha thö walang ang kö Hezekia, ka habe, Walang hna ha hnen than ae gan, wale than Asuria, ka habe, Ie ûnyi eang u me labageju kâu?

II. Je Than 19:23

U je hia but haikongo Than a deny ânyâm je ûthumetu me ha, ka habe, Oge ölö hon bucen, ka hnyin je ke keihen Lebanona, tha e me anyik je kariota ae se hia; ke oge me he ka sö je arasiny ae beû, me je kopiny adre ûca: ke oge me he ka o ka hnyi omtabaga hnyi obiny e, hnyi hnyeuten hna belök.

II. Je Than 19:9

Ke e ame long ga Tiraka than Aithiop, ka habe, Wâ bi, e but ang, kʼ ame he ka vat möu; me e ame kunâ hmetu je ûthumetu kö Hezekia he ka ha, ka habe,

II. Man Ûlabainy Je Than. 32:19

Ke ödrin e hâiâ Khongon Jerusalema helâ me hna hâiâ je khongon aten je hnyei, waleji adre ânyâ ge hnyamen at.

Salamo 46:9

E ame bi obiny je vat ke ne o but can hmeledrany; E ame ohmetro cafana, me subâ luâ o; E ame thong degecâ je kariota ge meic.

Jeremia 21:13

Wâ bi, ûcûk u, at ame laba hnyi hnyigöulen kicin dok ae tha hon, haingö Iehova, öbun tavat, öbun e ha, ka habe, Ie at ame he ka utut köta? ke ie at ame he ka dit ka hnyi je hnyabata?

Jeremia 46:14

Haimemenâ thö hnyi Aigupito, ke omanenâ thö hnyi Migedola, ke omanenâ thö hnyi Nofi me Tapenesi; ha thʼ öbun, ka habe, Todrö, penapena thö; anyin ame an igigili u hnen hele vat.

Jeremia 50:31

Wâ bi, iny iwahnaihmiony möu, u at bigan, haingen Than. Iehova tuhan sabaoth: anyin ame o but bongom bong, wale ûen oge me he ka senö u.

Jeremia 51:25

Wâ bi, bucen lö at ame okongo, e ve inya but möu, haingö Iehova, u at ame okongo hia hmeledrany: ke oge me he ka lau hnyamök hom, me hagutö u ûnyi hnyi hon je kic, me wiö u hnân bucen adre thong.

Ezekiela 13:8

Anyin a wale walang hna ha hnen Than Iehova, ka habe, Anyin a Öbun e hia but ha ûnyi ae ûnyi baû me wâ je thoi, awe, wâ bi, e ve inya möbun haingö Iehova.

Ezekiela 21:3

me ha ka hnyei Isaraela, ka habe, Walang hna ha hnö Iehova, ka habe, Wâ bi, ve e inya möu, ke oge me he ka oc ut anyik hele vat ûnyi hnyi tangen, me subâ degecâ ûnyi gam at ae wisa me at ae kong.

Ezekiela 26:3

anyin a wale, walang hna ha hnen Than Iehova, ka habe, Wâ bi, ûcûk u, Turo ke oge me he ka öliâ köu ta je hnyei ae se hia, helâ me köiö ame öliâ ta je waköiöiny.

Ezekiela 28:22

me ha, ka habe, Walang hna ha hnen Than Iehova, ka habe, Wâ bi, ûcûk u Zidona; kʼ adre me he ka oganö nya hnyi wanbâm, mʼ adre me he ka wâ a inya Iehova, iny ka hia but owisa kâu, ke ka hia but okabi nya hnyin.

Ezekiela 29:10

Anyin a wale, wâ bi, ûcûk u, me ânyâm je wagewe, ke oge me he ka wia hnyei Aigupito me me ba aten me wau, hwân hnyi tap tue hnyi Seveni ke ne o but hnyi hnyigöulen Aithiop.

Ezekiela 29:3

ha thö, ke habe, Walang hna ha hnen Than Iehova, ka habe, Wâ bi, ûcûk u, Farao than Aigupito, a tanimo ae gan at ame laba hnyi je wagewiny, at ame hia but ha, ka habe, Haba anyik wagewe me ka anyik bi, ke oge me ka op e hobi könya bi.

Ezekiela 35:3

me ha kâu, ka habe, Walang hna ha hnen Than Iehova, ka habe, Wâ bi, ûcûk u bucen Seira, ke oge me he ka hai hnyamok ûcom, ke oge me he ka öba wan gam me me hnân lâiâ.

Ezekiela 38:3

me ha, ka habe, Walang hna ha hnen Than Iehova, ka habe, Wâ bi, ûcûk u Gog, tuhan Rosha, me Meseka, me Tubala:

Ezekiela 39:1

KE haba u, nokon at, perofeta thö ûcon Gog me ha, ka habe, Walang hna ha hnen Than Iehova, ka habe, Wâ bi, ûcûk u Gog lö, tuhan Rosha, me Meseka, me Tubala:

Ezekiela 5:8

anyin a wale, walang hna ha hnen Than Iehova, ka habe, Wâ bi, e ve inya möu, a inya; ke oge me he ka ti bi hwaban köu eû hnyi wanbâm hnyi hnyimakan ta je hnyei.

Nahuma 2:12

Haba liona ame oloû kia, ka oûco je lakon, me hlingâ hobi kâu laâiân, me öunöngötâ umen je op ge haniny, me umen je uma ge je hna hlingâ.

Nahuma 3:1

EKÖLÖ ge taun ae kong ge dra! a unöngöt hia thö ge je thoi me ûkonguny; ame ca hia je hanidra.

Nahuma 3:12

Ame he ânyâm je hnabâ ka helâ me imetâ ae hu wan a bân: adre ne jijingâ me ame he ka kolu je wan ka hnyi hnyimen at ame he ka ijem.

Nahuma 3:15

Ame he bi meic ka thung u eling; kʼ ame he hele vat ka subâ degeci u, kʼ ame he ka ön u helâ me oböu: e so u ma osehiö u helâ me je oböu, kʼ u ma osehiö u helâ me je wahamon.

Nahuma 3:5

Haingö Iehova tuhan sabaoth, ka habe, Wâ bi, e ve inya but möu, ke oge me he ka hai ânyâm ûkhaû ka hnyi hnyimâkâm; ke oge me he ka omanenö u ka ta je hnyei ke ba ûkhaûâm, me ânyâm hmehma ka ta je dökhu.

Josua 11:6

Ke Iehova ame ha kö Josua, ka habe, Ca he ka oût ödra; anyin a nyi hnyi ûen a helâng, oge me he ka hnʼ ödra hia thithö adre hlingʼ ödra, hnyi hnyimakan at Isaraela: u me he ka sö can haledrin je hos, me le anyidrin je kariota ge meic.

Josua 11:9

Ke Josua ame ânyâ ködra helâ me Iehova ame ha kâu: e ame sö can haledrin je hos, me le anyidrin je kariota ge meic.