Nahuma 2:11 - Iaai Bible 1901 (New Caledonia)

¹¹ Ewa uma umen liona, ke dok ame an hnyin je nak liona, wale ame vheno hnen liona ke liona momo, ke nokon liona, ke ba at ame ooti ödra?

Nahuma 2:11 ပူးပေါင်းရင်းမြစ်များ

Genese 49:9

Haba Juda me nokon liona; U me he, nökuk, ûhem hnyi hanem: Kʼ ame mokut me iâû helâ me liona, Helâ me liona momo; ia ame he ka bwebwelâ e?

Isaia 13:7

Anyin a wale ame he ka him but ta je beny hia, kʼ ame he ka köiö but hnyekon tavat hia thithö:

Isaia 31:4

Anyin a walang hna ha hnö Iehova könya, ka habe, Ame fuc hnyinʼ liona me nak liona hon haniny adre me ne hawâ tavat tuö mamoe ae se hia ûcon, kʼ ame ca outen ifucidra, kʼ ame ca iyâû ge imediödra; ke helâe ame he Iehova tuhan sabaoth ka utut he ka vat hnyi hon bucen Ziona, ke hon hutiny eling.

Isaia 5:29

ke adre me he ka kuku helâ me liona, adre me he ka kuku helâ me je nak liona: eke, adre me he ka kip me oloû je hanidra, me hom ka hnyi dok ae iyong, ke ame he ka ba at ka omelo.

Jeremia 2:15

Ame hia but kuku je nak liona, me fuc hwege goranyai: ke adre hia but öba wan iny hnyei; adre me thong anyin je taun, me ba at ame labā e.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Jeremia 50:17

Isaraela mamoe adre oveseâ; ame alen e hnen je liona: a bân than Asuria ka an e; ke a biliny Nebukaneza eang than Babulona ame thö je jeien.

Jeremia 50:44

Wâ bi, e ame he ka ölö helâ me liona ûnyi hnyi hmanenanginy Joridano ka taun ae hwege: ke oge me he ka ie okeci ödra gan; ke oge me he ka otilâ hon, at adre ûca: anyin a ie at ae ûcû mönyaî ke ie at ame he ka thu ûen könya? ke ie at tuö mamoe ame he ka tot hnyi hnyimakök?

Ezekiela 32:2

Nokon at lö, hai thö khumöng tenge ga Farao than Aigupito, me ha kâu, ka habe, Adre me oûcû u me nak lionainy ta je hnyei: ke u helâ me tanimoiny köiö; kʼ ame patrutruâ ânyâm je wagewe, ke i u je obwebwelâ köiö ge li cam, me ohâeâ anyidra ta je wagewe.

Joela 2:6

Ame öbu-buny tavat hnyi hnyimakodra; kʼ ame löhau ta je hnyimak hia.

Mika 5:6

Ke adre me he ka öba waniny hnyei Asuria ge hele vat, ke hnyei i Nimeroda hnyi je homagouleny; ke e ame he ka omeli öta ge at Asuria, e ka o ka hnyi ita hnyei me uto je ita.

Nahuma 2:12

Haba liona ame oloû kia, ka oûco je lakon, me hlingâ hobi kâu laâiân, me öunöngötâ umen je op ge haniny, me umen je uma ge je hna hlingâ.

Nahuma 3:1

EKÖLÖ ge taun ae kong ge dra! a unöngöt hia thö ge je thoi me ûkonguny; ame ca hia je hanidra.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Numera 23:24

Wa bi, ame tot tavat helâ me liona momo, Kʼ ame höihöi thö helâ me liona baga: Kʼ ame ca he ka mokut ke ne o but e ame an haniny, Me ijem dren at adre hlingâ.