Nahuma 1:8 - Iaai Bible 1901 (New Caledonia)

⁸ E ame he ka ti ohia dok e ge di at ame aba, me hnu je iwahnaihmiony më ka hnyi menekholom.

Nahuma 1:8 ပူးပေါင်းရင်းမြစ်များ

Jobu 30:15

Adre me wia könya ta je ûnyi hnân öbubuny gan, Ödrin e hnu anyik hmanenang helâ me ang; Ke ame dit ut anyik hnahic helâ me ulâ.

Jobu 40:11

Hingâlâ but je bahihingölöiny ânyâm hmonyin: Bwele ju ka wâ tavat ae bi gan hia, me hom ûhnyûkongo ju.

Ta je Vejec 4:19

Haba gethen deny tavat ae monu me helâ me menekholom: Adre me ca wâ bi ûnyi adre thö hnyin.

Isaia 13:10

Anyin a haba ta je okhûiny drany me ta je deo okhûiny, ame ca he ka manen melamidra, ke ame ca he tehi ka oumumelamâ.

Isaia 13:9

Wâ bi, e but ang bong bongu Iehova, a hlâ thö ge wathethot me hmonyin ae kahwa; he ka oba aten hnyei, me ohia tavat ae kong hnyin e.

Isaia 28:17

Ke oge me he ka ânyâ hna owisa hnân tulut, ke hwakecin ae wisa hnân tulut ûhni; kʼ ame he we wahma ka aba degecâ hna-bâiny thoi, kʼ ame he ka bahihingölö ta je köiö ka hnyi dok adre me lubaduöng hnyin.

Isaia 28:18

Ke ame he ka ûnyi baû hnobun hna ûhihinyköu me mok, kʼ ame ca he ka tethmâ hnobun hna tha hien me hedis; ke e ka o thö okongon ae bahihingölö, me adre me he ka utiti öbun.

Isaia 28:2

Wâ bi, e unyin Than at ae hwege me hnyok baga; helâ me hna ta hnen we ae wahma, me hou ame okongoâ, helâ me je köiö ame di hwege me bahihingölö, adre me he ka sa hwegiâ hnyikânâi.

Isaia 8:22

ke adre me he! ka wâ hmeledrany, ke wâ bi, vec me menekholom, kʼ ame he ka lit ge vec; ke adre me he ka obʼ ödra ka hnyi menekholom ae khot.

Jeremia 13:16

Hna but kö Iehova Khongubun hna ogânâ, e me tiga ca omenekhulumâ, ke e me tiga ca haû je cabun hon je bucen ae lit; ke öbun ka tiga halubahingen melam me e ame wia bi ka hnyi hmenon mok, me lit ae gan.

Jeremia 51:64

ke u me he ka ha, ka habe, Ame he Babulona ka dit helâe, ke ame ca he bi ka höhöi can okongon oge me he ka oâ kâu: ke adre me he ka sënyin. A um dö je hofuc ho Jeremia.

Ezekiela 13:13

Anyin a wale, walang hna ha hnen Than Iehova, ka habe, Oge me he bi nya ka kia e ge weneû hnyi anyik wathethot; ke ame he ka gan we hnyi anyik hmonyin, me je veto we wahma hnyi wathethot he ka ohia e.

Daniela 11:10

Ke ame he je lakon ka vat, me ûkhacaköu köiö köien at ae gan, adre me he ka o me bahihingâlâ, me vheno: ke adre me he ka hmetu me vat, ke ne o but hnyi hnen hnabâ.

Daniela 11:22

Ke ame he ka khutu takoû e je vat ae uoû hnyi hnyimakan, me hmouca but; eke, thaniny ûhihinyköu minya.

Daniela 11:40

Ke haba hnyi ûen obiny ame he than hnyi hwaiöu ka invinö më: ke ame he than hnyi hwadro ka utut kâu, helâ me hou me je kariota, me tavat tabô hors, me je hu ae se hia; ke e ame he ka dit ka hnyi je hnyei, me ave me vheno.

Daniela 9:26

Ke hwaban ta je wik a sikste tu, me adre me he ka subâ degecâ at adre me hû, ke ba ûnyi gan: ke haba lakeiny than ame he ka o, mʼ adre me he ka ohia taun ke dok ae kap; ke ame he ka obiny e ge di, kʼ ame he ka hu vat ke ne o but obiny; kʼ adre me ohmâ but he ka öba wan.

Amosa 8:8

Hawa, ame ca he tavat ka öbubuny can eling, ke tenge hia tavat adre me labâ e? eke, e ame he bi ka khibi hia helâ me Wagewe; ke e ame he ka bwebwelâ, kʼ ame he ka dit hmetu ju, helâ me wageweiny Aigupito.

Nahuma 1:1

HOK honen Nineve. Tusiny hna omanenâ kö Nahuma at Elekosi.

Nahuma 2:8

Ke hwân kâû adrem me helâ me ong an Nineve: ke so bi adre me kec; haingödra, ka habe, Todru, todru öbun, ke ba at ame bwele hoton ai.

Zefania 2:13

Ke e ame he ka hai hnyamen ka hnyi ke keihen ka hnyi hwadro, me ohia Asuria; ke e ame he ka öba wan Nineve, me me hwahwacit helâ me hnyebuba.

Mataio 7:27

ke ame ta but we, me o but di, ke hwege but ang, me kot uma e; me ame û but: ke gan hmâ ûtainy uma e.

Mataio 8:12

ke haba lakon dökhu, me adre me he ka obʼ ödra ka hnyi menekholom hnyou ai: kʼ adre me he ka tenge sesebila eling me ûgiö ga nyudra.

I. Samuela 2:9

E ame he ka tuö je li can tavat ae kap, Ke e ame he ka ohnyibö hnyat ae ca wisa hnyi menekholom; Anyin ame ca he at ka ton ûnyi ge tang hwegien.