Nahuma 1:7 - Iaai Bible 1901 (New Caledonia)

⁷ E so Iehova, e hnabâ hnyi bong vec; ke e ame wâhmakhmeto tavat adre me labageju kâu.

Nahuma 1:7 ပူးပေါင်းရင်းမြစ်များ

I. Man Ûlabainy Je Than. 16:34

Ö e ole thö kö Iehova; anyin ae so: Anyin a nyiele balua anyin ibetengiö.

I. Man Ûlabainy Je Than. 5:20

Ke adre hadruʼ ödrin he ka vat mödrin, ke adre hna ködrin at Hagara, me je lahiödrin hia: anyin a ödrin e hongot kö Iehova hnyi vat, me e ame ling ödrin; anyin a ödrin e labageju kâu.

II. Man Ûlabainy Je Than. 13:18

Me adre me hom ûhnyûkongo at Isaraela hnyi ûen eling, ke hwege but at Juda, anyin a ödrin e labageju kö Jehova Khongon lakamödrin.

II. Man Ûlabainy Je Than. 32:11

Hawa a ca cubic öbun Hezekia mʼ adre me hnʼ öbun he ka mok ge hmiâ me beic, me ha, ka habo, Hamö Iehova Khongutin he ka omeli otin ûnyi hnyi hnyamen than Asuria.

II. Man Ûlabainy Je Than. 32:21

Ke haba Iehova ame kunâ angela, he ka subâ degecâ tavat ae hwege, me je homakan, me je taben, hnyi hna hunuma anyin than Asuria. Me e ame hmehma me hmetu ka hnyi iny hnyei. Ke e ame o but ka hnyin uma umen khongon, me haba li hing lakon ödru me hlingâ e ge hele vat.

II. Man Ûlabainy Je Than. 32:8

haba e unyin, me benyin at; ke unyitin Iehova Khongutin he ka hadruʼ otin, me vâtâ anyitin je vat. Ke haba tavat me adre me labageju ka hofuc ho Hezekia than Juda.

Ezera 3:11

Ke ödrin e khumöng oganâ me ole kö Iehova, anyin a e at ae so, anyin a nyiele balua anyin ibetengiö ka at Isaraela. Ke haba tavat hia ödrin e hongot hwege goranyai me oganö Iehova, anyin adre me bi taben uma umo Iehova.

Salamo 1:6

Anyin a haba Iehova ame wâ gethen deny tavat ae wisa: Ke haba gethen deny tavat ae monu, me ame he ka ba but.

Salamo 100:5

Anyin ae so Iehova; e tethmâ balua bi anyin ibetengiö; Me anyin hnathu ke ne o but ta je dö hia thithö.

Salamo 20:1

E na he ju Iehova ka long köu hnyi bonginy vec; Me ogöranyi u ge ien Khongu Jekob;

Salamo 25:8

Haba Iehova me so me wisa: Anyin a wale e ame he ka ûnö gethen ka tavat ae monu.

Salamo 27:5

Anyin a haba hnyi ûen vec e ame he ka ikhölö nya hnyi umen uma menâ: E ame he ka tubi nya hnyi dok ae iyong hnyi umen uma mano; E ame he ka ip nya hon kic.

Salamo 37:39

Ke haba ûhomeli anyin tavat ae wisa, me ûnyi ga Iehova; E thibi tang hwegiödra hnyi ûen vec.

Salamo 37:40

Ke Iehova ame hadruʼ ödra, me hûgûnʼ ödra: E ame hûgûnʼ ödra ûnyi ge tavat ae kong, me omeli ödra, Anyin adre me lubaduöng unyin.

Salamo 46:2

Anyin a wale ate me ca he ka ot, eja ke ne adre ne okebongonâ hmeledrany, Me hom je bucen ka hnyi wanben je köiö;

Salamo 50:15

Ke hao nya thö hnyi bonginy vec; Oge me he ka omeli u, ke ume he ka oganö nya.

Salamo 59:16

Ke oge me he ka khumöngö tang hwegiâm; Eke, oge me he ka khumöng ogânâ ânyâm ibetengiö hnyi hnyomakatu: Anyin a u thibi anyik tap ae beû göra-nyai, Me hnok hnabâ hnyi ûen oge me vec hnyin.

Salamo 71:3

Hamâm bi he ka kicik hnân laba hnyin, me inye labö he bala ka hnyin: U je hia but hûna he ka omeli nya; Anyin a u thibi kicik me hnok hnabâ.

Salamo 86:7

Hnyi bonginy anyik vec, oge me he ka hongot köu; Anyin a u me he ka thu könya.

Salamo 9:10

Ke haba tavat ae khanʼ ödra iâm, me adre me he ka labageju köu; Anyin a haba u, Iehova, u je ca hna degecâ tavat waleji adre me elöm u.

Salamo 91:15

E ame he ka hawo nya, me oge me he ka thu kâu; Oge me he ka tha inya mē hnyi vec: Oge me he ka omelo e, me ogânâ e.

Ta je Vejec 18:10

Hnabâ ae hwege iö Iehova: Ame kec ka hnyin at ae wisa me laba khötkic.

Isaia 25:4

Anyin a u thibi hnabâ ka at ae vec, me hnabâ ka at ae theduoc hnyi anyin hmak, me hnedrong hnyi weneû, me hna baelelu hnyi kahwa, e ka helâ me weneû anyin tavat ae hwege hnyimakodra ka hnyi hna up veto.

Isaia 32:2

Ke ame he at ka helâ me hna lubaduöng ge ang, ke nedrong ge weneû; helâ me je di hnyi dok ae hwahwacit, helâ mē dok ae hmenu hnyi kic ae gan hnyi hnyei ae sēnyin.

Isaia 50:10

Ia gabun ame outö Iehova, at ame löng ifucin athnyabainy? haba at ame he hnyi menekholom ke ba melam gan, e so e ame labageju ka iö Iehova, me fat ka Khongon.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 17:17

E so u me ca bi hnân ot könya; u thibi hnok hnabâ hnyi bonginy vec.

Jeremia 24:5

Walang hna ba hnö Iehova Khongu Isaraela, ka habe, Oge me be ka wâhmakhmeto je bâ anyin at Juda, waleji oge kunʼ ödra ûhedra ang ka hnyi hnyei Kaledaia, mʼ adre me so, helâ me je wan meta eang ae so.

Jeremia 33:11

me adre me he bi ka long hwan senyin me hwan hobâ, me ifucin li at ödre tep faipoipo, me ifucin tavat adre me ha, ka habe, Oganö Iehova thö tuhan sabaoth, anyin ae so Iehova, anyin a nyiele balua anyin ibe-tengiö: me hwan tavat adre me hom hudiny ole ka hnyi uma umö Iehova. Anyin oge me he ka ohmeto tavat adre bâ helâ me hnyi can, haingö Iehova.

Je tenge anyi Jeremi 3:25

E so Iehova ka tavat adre me halubahingen, ke at ame elâm e.

Daniela 3:28

Ke haba Nebukaneza ame ha, ka habe E so adre haisoâ Khongu Saderaka, me Mesaka, me Abedenego, at ame kunâ anyin angela, me omelo je athnyabainy hnyat adre me labageju kâu, ke ödrin e wia hofuc hwan than, me hna je unyidrin, mʼ ödrin e ca he ka bi athnyaba me khudrung ka ke khong bi.

Daniela 6:23

Me haba than ame senyin gan hmâ, me ûkhûnöng he ka öû Daniela ûnyi hnyi thop. Me adre me öû Daniela ûnyi hnyi thop, ke ba aat adre me wâ gan, anyin a e ame labageju ka Khongon.

Joela 3:16

Ke ame he Iehova ka kuku hwege hnyi Ziona, me fuc ûnyi hnyi Jerusalema; ke ame he ka jijing drany me hmeledrany: ke haba Iehova e ame he ka hnân luabaduöng ka lakeiny, me hnabâ hobi kâu lakon Isaraela.

Zefania 3:12

Ke oge me he ka ip hnyi wanbâm ta je hna ovecâ me theduoc, ke adre me he ka labageju ka iö Iehova.

Mataio 27:43

E ame labageju ka Khong; e so e he ka omelö e walang ang, e ka weny e: anyin a e ame ha, ka habe, Inya ang Nokon Khong.

Mataio 7:23

Ke oge me he ka ha kodra, ka habe, E ca khanö nya öbun: ûsâkaûö but mönya, öbun tavat öbun e ânyâ hulö.

Ioane 10:14

Inya ang at ame tuö wia ta je mamoe; ke oge me wâhmakhmetoâ halek ta je mamoe, kʼ ame wâhmakhmetu nya minya hnen halek,

Ioane 10:27

A long ut halek ta je mamoe ifucik, ke oge me wâhmakhmetu ödra, ke adre me he hotuk:

Roma 11:22

Anyin a wale, wâ bi betenge me hmonyin anyin Khong: hmonyin ka tavat adre me kolu; ke betenge anyin Khong köu, u je ne tethmâ hnyi anyin ibetengiö: ke e ka ba, me adre me he ka subâ degeci u minya bi.

Galatia 4:9

ke e khanʼ öbun Khong walang ang, ke khana Khong öbun, me ieû gabun öbun e hwio hmetu ka hnyi ta je ûnyi a â bân, ke sënyin, ke ca ûnyi hnathu, wale ame webun hmetu he ka hwenbâ kâu?

II. Timoteo 2:19

Ke ame tethmâ taben ae hwege anyin Khong, ae hu hna ohmâ haten eang, ka habe, A wâhmakhmetoâ but Than ta je aten: ke, Hamödra hia adre me hawâ ien Than he ka ûsâkâûö me hwakecin ae kong.