Nahuma 1:6 - Iaai Bible 1901 (New Caledonia)

⁶ Ie at ame he ka tot hnyi hnyimakan anyin hmonyin? ke ie at ame he ka tot e ka ubâhlâ anyin wathethot? ame hingâlâ anyin hmonyin helâ me meic, ke e ame thö je kic.

Nahuma 1:6 ပူးပေါင်းရင်းမြစ်များ

I. Je Than 19:11

Haba e ame ha, ka habe, He thö ka tot hon bucen hnyi hnyimakö Iehova. Ke wâ bi Iehova ame he, ke haba ang ae gan ke hwege ame ohmouca je bucen, me thö je kic hnyi hnyimakö Iehova; ke e biö Iehova hnyin ang: ke hwiöi hwaban ang, ke e hiö Iehova hnyin hwiöi:

Jobu 26:11

Ame öbubuny je hmolominy drany Me uthmâhmâ ge ifucin.

Jobu 40:11

Hingâlâ but je bahihingölöiny ânyâm hmonyin: Bwele ju ka wâ tavat ae bi gan hia, me hom ûhnyûkongo ju.

Jobu 9:5

E thibi at ame oc je bucen, ke ca khanʼ ödrin, Hnyi ûen e ame wiʼ ödrin hnyi anyin hmonyin.

Salamo 130:3

Ja a Than lö, u je ne he ka bi haten je hulo, Ie at ame he ka tot?

Salamo 2:12

Ûcimhnyimak dö öbun me nokon, wâ e nye he ka hmonyin, me hiʼ öbun dut eû hnyi gethen, Anyin ame he ka ie kû anyin hmonyin. Hnödra hnahic ödra hia adre me labageju kâu.

Salamo 76:7

U thibi hnân outen, wale a u:! Ke ie at ame he ka tot hnyi hnyimâkâm u ka hmönyin dö?

Salamo 76:8

Ûnyi hnyi drany u je olöngâ hnâm hna owisa; Ame ot bi hmeledrany me ca bwebwet,

Salamo 90:11

Ie at ame wâhmakhmetoâ hwegien hmonyin gam, Me ânyâm wathethot, hoton hna outö u hnyi tulut ae ûcû köu?

Isaia 10:16

Anyin a wale ame he Than, Than tuhan sabaoth, ka kunâ delâ ka anyin ta je pipikhenya; ke eû hnyi hmelen anyin hmanenang adre me he ka vâc hna hiâ helâ me hna hlâiny meic.

Isaia 13:13

Anyin a wale oge me he ka oöbubunâ je drany, ke ame he ka jijingâ hmeledrany ûnyi hnyi hnen e, hnen hmonyin ga Iehova tuhan sabaoth, me hnyi bonginy anyin wathethot ae kahwa.

Isaia 27:4

E ba wathethot unyik; e na tot metâ könya je iwadekong me watetaföcö hnyi vat! oge me he ka he kodra, oge me he ka tha thong degeci ödra.

Isaia 33:14

Ame ot hnyi Ziona tavat ae kong; kʼ ame o but öbubuny ka tavat adre me ca ot bi. Ie at gata ae khana he ka laba hnyi meic ame han? ie at gata ae khana he ka laba hnyi bâhlân meic nyiele balua?

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 21:12

Lap anyi Davita lö, walang hna ha hnö Iehova, ka habe, Ânyâ thö ûnyi ae wisa hnyi hnyomakatu, ke omelo thö at adre söh ûnyi hnyi hnyamen at ûöveci, wâ e nye gâ but anyik hmonyin helâ me meic ame ubâhlâ, ke ba at ama ume, can ûkongon anyibun ta je huliwa.

Je tenge anyi Jeremi 2:3

E ame hia but subâ degecâ hnyi anyin hmonyin faoiny meno hia anyi Isaraela; E ame hia but oc hmetu benyin a metân hnyi hnyimakan je iwahnaihmiöny: E ame hia but thung Jekob helâ me meic ame ubâhlâ, at ame han igigilo.

Je tenge anyi Jeremi 2:4

E ame hia but lau anyin cafana helâ me iwahnaihmiöny, kʼ ame tot helâ me at vat ame hai hnyamen a metân, Me hlingâ hia tavat ae kese at ka wâ: E ame hingâlâ anyin hmonyin helâ me meic hnyi uma mano umen hluiny Ziona.

Je tenge anyi Jeremi 4:11

Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

Ezekiela 21:31

Ke oge me he ka hingâlâ anyik hmönyin hom; oge me he ka tûâ köu meicin anyik wathethöt: ke oge me he ka hnö u ka hnyi hnyamen tavat a helâ me meno, tavat ae khanʼ ödra he ka ûohiö.

Ezekiela 30:16

Ke oge me he ka hû meic hnyi Aigupito; ame he ka vec gan hmâ Sina, ke adre me he ka thuthu hmetro No: kʼ ame he ka hu je iwahnaimiöny me Nofi hnyi selany.

Ezekiela 39:6

Ke oge me he ka kunâ meic kö Magog, me ka tavat adre me laba khotkic hnyi je bomene: me adre me he ka wâ a inya Iehova.

Ezekiela 7:8

Walang, e hakekeny jut me oge me he ka hingâlâ anyik wathethot hom, me ohwâdâ anyik hmonyin hom, ke oge me he ka owisa gam hoton dem je gethen; ke oge me he ka oâ ka hnyi hom ânyâm ta je ûnyi hia ae ikiki.

Nahuma 1:2

Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Zefania 2:2

e ka tiga ca oâ hna otilâ, e ka tiga ca he but bong helâ me thatûnyin hwit, e ka tiga ca o bi köbun hmonyin ae gan anyi Iehova, e ka tiga ca o bi köbun bong bonginy hmonyin anyi Iehova.

Malaki 3:2

Ke ie at ame he ka hokhnyokâ bonginy o a e? ke ie at ame he ka tot, e ka manen dut? anyin a e ûcû me meic hlogon at ame leû fao, me helâ me sop anyin at ame hnû khaû:

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Hna Omanenâ 16:1

KE oge me löng ifucin ae gan hnyin uma kap ame ha ka je angela a seven, ka habe, He thʼ öbun ka hingâlâ je kaiainy tang hmönyin anyin Khong ka hnyi hmeledrany.

Hna Omanenâ 16:8

Ke haba at a vakiny ame hingâlâ anyin kaia ka seûno; me adre hna kâu he ka le tavat ge meic.

Hna Omanenâ 6:17

anyin a o but bongudra bong ae gan hmâ hmonyin hnyin; ke ie at ae khana he ka tot.