Nahuma 1:5 - Iaai Bible 1901 (New Caledonia)

⁵ Ame öbubuny je bucen gan, ke ame köiö but je hut; ke ame khibi goranyai kânâ hnyi hnyimakan, eke, hmeledrany, me tavat adre me labâ e.

Nahuma 1:5 ပူးပေါင်းရင်းမြစ်များ

II. Samuela 22:8

Ke ame bwebwet me öbubuny hmeledrany, A okokok dö je taben drany Me bwebwet, anyin a e hmonyin.

Jobu 26:11

Ame öbubuny je hmolominy drany Me uthmâhmâ ge ifucin.

Jobu 9:5

E thibi at ame oc je bucen, ke ca khanʼ ödrin, Hnyi ûen e ame wiʼ ödrin hnyi anyin hmonyin.

Salamo 104:32

Haba e at ame bwele ka wâ hmeledrany, me ame bwebwet bi; E ame kâlâ je bucen, me ame sâ thö.

Salamo 114:4

Ame ututut ta je bucen helâ me je mamoe baga, Me ta je ong hut helâ me je lakon mamoe.

Salamo 114:6

Me öbun je bucen a öbun e ututut helâ me ta je mamoe baga; Me öbun ta je ong hut, a helâ me je lakon mamoe?

Salamo 18:7

Ke ame bwebwet me öbubuny hmeledrany, Ke memeny dö minya taben je bucen, Ke okokok ut, anyin a e hmonyin.

Salamo 18:8

Ame sâ hai ûnyi hnyi li hnyingöiny, Ke meic ame han ûnyi hnyi hnyimen: Kʼ ame möt dö gan ta je walep.

Salamo 46:6

Ame imemedien ta je hnyei, kʼ ame bwebwet ta je dokhu: E ame fuc ge hwan, me ame köiö but hmeledrany.

Salamo 68:8

Ame öbubuny hmeledrany, Ame ta but minya drany hnyi hnyimakan Khong: Waleling Sinai hnyi hnyimakan Khong, Khongu Isaraela.

Salamo 98:7

E so he ka mea köiö me unöngötiny; Me kânâ me tavat adre me laba hon;

Esodo 19:18

Kʼ ame sâ bucen Sinai hia, anyin a Iehova ame ut hnyin meic kâ e: kʼ ame ölö görany ai sân helâ me sân inyâ ji: kʼ ame ûk hwege bucen hia.

Isaia 24:1

WÂ bi, Iehova ame öba ûnyi hnyi hmeledrany, me öba waniny, me ohnyimenâ e hnyikânâi, me oveseâ tavat adre me labā e.

Isaia 24:20

Ame he ka he ta tot hmeledrany helâ me at ae monu ge grâg; me bwebwet helâ me uma menâ; kʼ ame he ka hmak hon e je hna hanyâûâ, me ame he ka ta, kʼ ame ca he hmetu bi ka tot.

Isaia 5:25

Anyin a wale ame han hmonyin anyi Iehova ka lakeiny, ke e ame nang hnyamen hudra, me kuc ödra, me ame öbubuny je ong bucen, ke haba je unyidra a mokcu, me helâ me ûnyi ae ikiki eû hnyi gethen. Ke hnyi ta je ûnyi e, e ame ca wia bi anyin i hmonyin, ke ame inâ bala bi hnyamen.

Jeremia 10:10

Ke Iehova Khong ae hnathu, e thibi Khong ae mot, me Than nyiele balua: ame öbubuny hmeledrany hnyi anyin hmonyin, ke ca khana ta je hnyei ka tot hmâ hnyi anyin wathethot.

Jeremia 4:24

Oge me wâ je bucen, ke wâ bi, adre me öbubuny, ke haba je hut hia adre me jijing.

Ezekiela 38:20

mʼ adre me he ka öbubuny ge hnyimakök ta je wâ eû hnyi köiö, me ta je meno ame gâ ethö, me je menoiny hnyot, me ta je ûnyi hia ame iyâû wale adre me iyâûâ kânâ, me tavat hia hon kânâ, kʼ ame he je bucen ka kolu, kʼ ame he ka ta je dok ae hwatapkolu, kʼ ame he je hna up veto hia ka ta hnyikânâi.

Joela 2:10

Ame öbubuny hmeledrany hnyi hnyimakodra; kʼ ame jijing drany; ame menekholom seûno me tehi, kʼ ame ca melam ta je okhû:

Amosa 9:5

Anyin a haba Than Iehova tuhan sabaoth, wale thibi e at ame kâlâ hnyei, me ame köiö but, ke amo he tavat hia adre me labâ e ka tenge; ke e ame he ka khibi hia helâ me Wagewe; kʼ ame he ka dit hmetu helâ me Wageweiny Aigupito;

Mika 1:4

Me ame he je bucen ka köiö hnyi hmelen, kʼ ame he ka hmouca hnyigöulen je bucen, helâ me wasu hnyi meic, ke helâ me köiö ame hingölö hnyi dok ae hwatapkolu.

Habakuka 3:10

Haba je bucen adre me ô u, me ot; Ame be but hwegeiny di: Ame mea dok ae dit, Me hinôbeny goranyai.

Zakaria 4:7

U ie at, bucen ae gan? u me he bi ka helâ me dok ae tha hon hnyi hnyimakö Zerubabela: ke e ame he ka hom je veto hnân oumo, me hongot, ka habe, Ibetengiö bâu, ibetengiö baû unyin e.

Malaki 4:1

ANYIN a wâ bi ame he ka o bong, kʼ ame kahwa helâ me inyâji; ke haba tavat bi gan hia, me tavat hia adre me ânyâ hulö me adre me he ka helâ me thatûnyin hwit: ke haba bong ame he ka o, me ame he ka thong degeci ödra, haingö Iehova tuhan sabaoth me me ba wan me anginy gadra.

Mataio 27:51

Ke wâ bi, ame khekhe lo but mano singiny uma kap hwân ethö ke ne o but eû; ke ame jijing dö hmeledrany; me ame hmouca but ta je kic;

Mataio 28:2

Ke wâ bi, wale hwiöi ae gan hmâ; anyin ame utut angela anyin Than ûheny hnyi drany, me o, me hagutâ veto ûnyi hnyi hnyimen erkemok, me laba ju hon.

Hna Omanenâ 20:11

Ke oge me wâ theron ae gan ae hau, me at ame tabâ, ke ame kec hnyi hnyimakan hmeledrany me drany; ke ca manen bi ke dok hobi ködru.

Hna Omanenâ 6:14

Ke adre me vhec dö drany helâ me tusi adre vhec; ke adre oc hia ta je bucen me je bomene ûnyi hnyi hnen bi.

Owisa 5:5

Ame o Iehova me ame bahihingölö je bucen, Wale Sinai, ke ame o Iehova Khongu Isaraela.