Nahuma 1:4 - Iaai Bible 1901 (New Caledonia)

⁴ E ame thawâ köiö me omada e, me ohmö ta je wagewe hia: e sënyin thö Basana me Karemela, e meleca thö vongon hnyi Lebanona.

Nahuma 1:4 ပူးပေါင်းရင်းမြစ်များ

Genese 8:1

KE Khong ame ûnykûmi Noa, me ta je ûnyi ae möt, me ta je meno hia a vak can a tha e më hnyin aka: me Khong ame kunâ ang he ka tûâ hmeledrany me ame nunu but köiö;

II. Samuela 22:16

Me manen dut je deny köiö ae gan, Adre me omanenâ je taben hmeledrany, Anyin a Iehova ame thawâ, Ûnyi ge homenâiny li hnyingöiny.

Jobu 38:11

Me ha, ka habe, Walang dok u ma o kâu, ke ca hanyâûâ bi; Ke wale bi ang adre me he ka thawâ ânyâm waköiö ae hmanenang?

Salamo 104:7

U je hûna me ame kec ut; Kʼ ame kec mweimwei ge hwan ânyâm than.

Salamo 106:9

E ame thawâ Köiö ae Dra, me ame mada: Me e ame hum ödra hnyi je dok ae dit helâ me hnyebuba.

Salamo 114:3

A wâ but hnen köiö, me ame kec ut; Ame ohmetu thö Joridano.

Salamo 114:5

Köiö lö, ieû can gam, me u me kec ut? Me u Joridano, a u je hmetu ju?

Salamo 18:16

E ame ûkhûnöng ûheny thö, e ame hum nya; E ame lili nya ûnyi hnyi je köiö ae se.

Salamo 74:15

U je khenâ luâ pupua me wadutö: U je ohmö ta je wagewe ae gan hmâ.

Isaia 33:9

Ame tenge me sēnyin hnyei: e hmehma Lebanona, ke meleca thö: ke ûcû but Sarona me hnyebuba; ke ame öbubuny Basana me Karemela.

Isaia 42:15

Oge me he ka oba wan je bucen me je hut, ke omeleca anyidra ta je khölak; ke oge me he ka wia ta je wagewe me me je bomene bi, ke oge me he ka ohmö je an.

Isaia 44:27

at ame ha ka dok ae dit, ka habe, Hme but, ke oge me he ka ohwahwacitâ ânyâm je wagewe:

Isaia 51:10

Hawa, ca u at ame ohmö köiö wale köiö ae dit hmonyin; at ame wia dok ae dit hnyi köiö me hnân gethen bi me me vheno hnen tavat adre ûco melidra?

Ezekiela 30:12

Ke oge me he ka ohmö je wagewe, me ûco hnyei ka hnyi hnyamen tavat ae kong; ke oge me he ka oba wan hnyei, me ta je ûnyi hia hnyin ge hnyamen je atkanyua: inya Iehova at ame ha.

Ezekiela 38:20

mʼ adre me he ka öbubuny ge hnyimakök ta je wâ eû hnyi köiö, me ta je meno ame gâ ethö, me je menoiny hnyot, me ta je ûnyi hia ame iyâû wale adre me iyâûâ kânâ, me tavat hia hon kânâ, kʼ ame he je bucen ka kolu, kʼ ame he ka ta je dok ae hwatapkolu, kʼ ame he je hna up veto hia ka ta hnyikânâi.

Amosa 1:2

Ke haingen, ka habe, Ame he Iehova ka kuku hwege hnyi Ziona, me fuc ûnyi hnyi Jerusalema; kʼ ame he bi ka tenge je hnyaban tavat tuö mamoe, kʼ ame he ka meleca ban Karemela.

Amosa 5:8

elâm dö at ame ânyâ kukuûnyi me orion, kʼ ame wia hmenon mok ka hnyi hnyomakatu, at ame omenekhulumo lany me me lit; kʼ ame hawâ köien köiö ae gan me hingâlâ ka hnyi kânâ: Iehova ien;

Mataio 8:26

Me e ame ha ködrin, ka habe, Ieû gabun öbun e ot hnyat labageju ûhnyûkong? Me e ame todrö, me thawâ ang me köiö; me ame ta but hau ae gan hmâ.

Josua 3:16

me ame todru köiö ûheny hnyi hwadrö ame görany dö helâ me khölöki ûsâkâûö, hwân Adamu, wale taun cicö Zaretana: ke ame hme köiö ame di ka hnyi köien dok ae tha hon, wale Köiö ae Hiny, ame subâ but: me ame he hanyâûâ ge tavat cicö Jeriko.