Nahuma 1:2 - Iaai Bible 1901 (New Caledonia)

² Haba Iehova, me e Khong ame ciâ ke bi hwaban: Iehova ame bi hwaban, ke tren hmonyin; Iehova ame bi hwaban ka je iwahnaihmiony më, ke e ame ip hmonyin hobi kâu je iwahnaihmiony më.

Nahuma 1:2 ပူးပေါင်းရင်းမြစ်များ

Jobu 20:23

E ka tiga he ka sekon, Kʼ ame he Khong ka kunâ kâû anyin hmonyin ae hwege, Me hingölâ ka hnyi hon, e ka tiga han.

Salamo 94:1

IEHOVA lö, wale Khong at ame bi hwaban hulo, Khong lö, at ame bi hwaban, umumelam but.

Esodo 20:5

u ca he ka khudrung ju ködra me bi athnyabaidra: anyin a inya Iehova Khongom, Khong ame ciâ, at ame bi hwaban monu anyin je kamen ka ta je mâtrân ke ne o but dö a kuniny me dö a vakiny adre me hûkötiö nya;

Esodo 34:14

anyin a u me ca he ka khudrung ka ke khong: anyin a Khong ame ciâ Iehova, Ciâ ien:

Esodo 34:7

at ame tuö ibetengiö hobi kâu ta je thauzan, me degecâ monu me hna hanyâûâ me hwakecin ae monu: kʼ ame ca he ka ha me ba hulö anyin tavat ae kong; kʼ ame bi hwaban monu anyin je kamen ka lakon, me laöbiny, ke ne o but hnyi dö a kuniny me vakiny.

Isaia 42:13

Ame he Iehova ka he helâ me at ae hwege; e ame he ka oâ tang hwege helâ me taben vat: e ame he ka kuku, eke, e ame he ka hongot goranyai; e ame he ka hwege hon je iwahnaihmiony mē.

Isaia 51:17

Jerusalema lö, hmak dö, hmak dö, todrö, at ame ic ûnyi hnyi beli Iehova wale kaiainy anyin hmonyin; u je hia but ijem onyen kaiainy ta tot, me ijehmö e.

Isaia 51:20

Ame ta but je lakom, adre me mokut hnyi je hna saû hia hnyi gethen, helâ me gotiny hnyot ame hnok hnyi ert; adre unöngötö ge hmonyin anyi Iehova, wale hna thawâ hnen Khongom.

Isaia 66:15

Anyin a wâ bi, ame he Iehova ka o me meic, ke helâ me hou anyin je kariöta; me me ohmeto anyin hmonyin hnyi wathethot, me hnen hna thawâ hnyi bâhlân meic.

Jeremia 25:15

Anyin a walang hna ha hnö Iehova Khongu Isaraela könya, ka habe, Hom dö tap wainainy hmonyin ang ûnyi hnyi hnyamok, me habelen je hnyei hia waleji oge me he ka kunö u ka hnyin.

Jeremia 28:8

Haba je perofeta a bödra ehac, ke a bilik bi möu, adre me perofeta ge ta je hnyei ae se hia, me ta je dokhu ae gan, he ka vat, me monu, me mok ae cap.

Jeremia 3:5

Hawa, e ame he bala ka hmonyin? me tuö e ke ne o but obiny? Wâ bi, u je hia but ha me ânyâ ta je ûnyi ae kong me ânyâ wem bi.

Jeremia 36:7

Adre ne he ka he la ka ha hnödra hna khöû hnyi hnyimakö Iehova, me ve hmetu ûnyi hnyi dedra je gethen ae kong; anyin ae gan hmâ hmonyin me wathethot ame ha Iehova hon hnyei ang.

Jeremia 4:4

Peritomoni öbun dö kö Iehova, ke hom but ong unen hnyekubun, öbun tavat Juda me aten Jerusalema: wâ e nye gâ but anyik hmonyin helâ me meic, me hlâ, ke ba at ame he ka ume, can ûkongon anyibun ta je huliwa.

Jeremia 50:15

Hongot dö goranyai kâu igigilo; a ngâ but; a kolu but je hak, kʼ adre kia thö je hna up haginy: anyin a waleling hmonyin anyi Iehova; bi hwaban ju kâu; ânyâ thö kâu helâ me hnen hna ânyâ.

Je tenge anyi Jeremi 4:11

Haba Iehova ame ohwâdâ anyin hmönyin, me hingâlâ anyin wathethot ae gan; Ke e ame hia but hû meic hnyi Ziona, waleji ame thong degecâ je taben e.

Ezekiela 36:6

anyin a wale perofeta thö ka hnyei Isaraela, me ha ka je bucen me je hut, me je deny köiö me je hnyigöulen ta je bucen, ka habe, Walang hna ha hnen Than Iehova, ka habe, Wâ bi, inya oge hia but ha hnyi anyik ciâ, me anyik hmönyin, anyin ame hihmehmʼ öbun ta je hnyei;

Ezekiela 38:18

Ke haba hnyi bong eling, bong a o hnyin Gog ûcon hnyei Isaraela, haingen Than Iehova, ame he ka manen anyik hmönyin hnyi hnyimakök.

Ezekiela 38:19

Anyin a oge hia but ha hnyi hnok hna ciâ, ke hnyi meicin anyik hmönyin, ka habe, E hnathu hnyi ûen eling ame he ka hu hwiöi ae gan hnyi hnyei Isaraela;

Ezekiela 39:25

Anyin a wale, walang hna ha hnen Than Iehova, ka habe, Oge me he walang ang ka ohmetu Jekob ûheny hnyi hna bâ, me betenge hia ge lap anyi Isaraela; me oge me he bi nya ka ciâ can iök ae kap.

Ezekiela 5:13

Ame he ka hwâdâ helâe anyik hmonyin, ke oge me heʼ ka osekunâ hudra anyik wathethot, me inye menâ thö: ke ame he ka khanʼ ödra a inya Iehova oge me fuc hnyi anyik ciâ, iny ka hia but ohwâdâ anyik wathethot hudra.

Ezekiela 6:12

Haba at hnyi dok ae sâkâû ame he ka mok ge mok ae cap; ke haba at ae hakekeny ame he ka ta ge hele vat; ke haba kolon, wale adre thelöng ame he ka mok ge hmiâ: helâe oge me he ka ohwâdâ anyik hmonyin hudra.

Ezekiela 8:18

Anyin a wale oge me he bi nya ka huliwa hnyi hmonyin: oge me ca he ka hok hnyok, me betenge: eja ke ne adre ne hongot hwege göranyai ka hyni li hnyikönyök, oge me ca he ka ling ödra.

Joela 2:18

Me Iehova ame ciâ ge iny hnyei, me betenge ge lakeiny.

Levitiko 26:28

me oge me he bi nya ka hna degeci öbun hnyi hmönyin: ke oge me he minya ka oseven kuc öbun can anyibun je hulö.

Mika 5:15

Ke oge me he ka bi hwaban hnyi hmonyin me wathethot ka je hnyei adre me ca long bi.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zakaria 1:14

Me haba angela at ame ûhnenamö mönya, ame ha könya, ka habe, Hongot dö me ha, ka habe, Walang hna ha hnö Iehova tuhan sabaoth, ka habe, Inya oge me ciâ Jerusalema, me Ziona, ke gan hmâ hna ciâ.

Zakaria 8:2

Walang hna ha hnö Iehova tuhan sabaoth, ka habe, Oge me ciâ Ziona, ke gan hmâ hna ciâ, ke oge me ciâ e hnyi hmonyin ae gan.

Numera 25:11

Haba Fineasa nöku Eleazara a nöku Arona at bihut ame hia but wia anyik hmönyin ûheny unyin lakon Isaraela, hnyi hnen hna ciâ gak hnyi wanbödra, mʼ oge me ca ohia lakon Isaraela hnyi hnok hna ciâ.

Roma 12:19

Je oûnykûmik lö, ca he öbun ka bi hwaban monu, ke nom ju ka at ae tren hmonyin: anyin adre hia but sihnalimen, ka habe, Haingen Than ame ha, Hamök he ka bi hwaban monu, oge me he bi nya ka bi hwaban.

Roma 13:4

anyin a e athnyabainy Khong unyâm hobi kâu so. Ke u je ne mâdrâ hwakecin ae kong, ot ju; anyin a e ame ca vadren bâûâ hele vat: anyin a e athnyabainy Khong, at ame bi hwaban ge hmonyin ka at ae kong hwakecin.

Deuteronomi 4:24

Anyin a meic ae han Iehova Khongom, Khong ame ciâ.

Deuteronomi 7:10

ke ame bi hwaban manenâ ka tavat adre me hûkötiâ e he ka ohiʼ ödra: e ame ca he ka bec ka at ame hûkötiâ e, kʼ ame he ka bi hwaban manenâ kâu.

Heberu 10:30

Anyin ae khanʼ öta but at ame ha, ka habe, Hamök he ka bi hwaban, ke oge me he ka oûco. Ke wale hmetu ang, Ame he Than ka hnö lakeiny.

Josua 24:19

Ke Josua ame ha ka tavat, ka habe, E ca khanʼ öbun he ka bi athnyabai Iehova; anyin a e Khong ae kap; me Khong ame ciâ; e ame ca he ka hna anyibun hulö me anyibun je monu.

II. Peteru 2:9

e khana Than hwakecin hna omelö tavat ae wisa hwakecidra ae ûcû me Khong ûnyi hnyi ta je ûcûbic, me he ka ip me hnân hwaban tavat ae ca wisa hwakecidra ke ne o but hnyi bong owisa;