Mika 7:9 - Iaai Bible 1901 (New Caledonia)

⁹ Oge me be ka hok hnyokâ hmonyin anyi Iehova, anyin oge hia but monu kâu; ke ne o but e ame he ka ivino hobi könya, me owisa hobi könya: e ame he ka su nya ka hnyi melam, ke oge me he ka wâ hwakecin ae wisa gan.

Mika 7:9 ပူးပေါင်းရင်းမြစ်များ

II. Samuela 24:17

Me Davita ame wâ angela at ame kot tavat, me e ame ha kö Jehova, ka habe, Me wâ ju, e kong hwakecik, ke oge me hia but ânyâ hwali: ke ieû a ânyâ je mamoe ang? ö u hai hnyamâm könya ke ûcon lap anyi cica.

Jobu 23:10

Ke so bi e ame wâ dek gethen; E ka hia but cubic nya me oge me he ka o helâ me gol.

Jobu 35:14

Ke ti ca ûcû eling, u je ne ha, ka habe, u je ca wâ e, E bi hna owisa unyin, ke u je halubahingen!

Salamo 119:154

Ivino thö hobi könya, me bi hwaban anyik möt: Omeli nya thö hoton hwâm hofuc.

Salamo 37:6

Me e ame he ka oâ hwakecâm ae wisa hela me melam, Ke je hna owisa u helâ me jebigö.

Salamo 43:1

KHONGUK lö, owiso nya, ke ivino ju hobi könya ka hnyei ame ca ot: Ö u omeli nya thö ûnyi ge at iyawö me at ae ca wisa.

Salamo 7:6

Iehova lö, todrö hnyi ânyâm hmonyin, Höhöi thö ge hmonyin anyin je iwahnaihmiöny mönya: Ke hmâkâ thö hobi könya: u je hia but otilâ hna owisa.

Salamo 94:15

Anyin ame he ka hmetu thö hna owisa ka hwakecin ae wisa Kʼ ame he tavat adre me hnyok wisa hia ka hnu hoton e.

Isaia 42:16

Ke oge me he ka hom ta je wadröu hnyi gethen ae ca khanʼ ödra; me su ödra hnyi je gethen ae ca khanʼ ödra: ke oge me he ka wia menekholom hnân lany bi hnyi hnyimakodra, ke owisa je dok ae hwahwali. Wale ta je ûnyi oge me he ka ânyâ hobi kodra, ke oge me ca he bi ka hnʼ ödra.

Isaia 42:7

he ka obwela je ecmak ae wadröu, he ka hom but at adre me ca ûnyi hnyi uma ceat, ke tavat adre me laba hnyi menekholom ûnyi hnyi dok adre cö ʼdra hnyin.

Isaia 46:13

oge me hakekenyâ anyik wisa, e ame ca he ka ûsâkâûö, ke ame ca he ka bec ûhomeli ûnyi gak; ke oge me he ka ip hnyi Ziona ûhomeli hobi kö Isaraela hmanenangik.

Isaia 51:22

walang hna ha hnen Tuhâm, a Iehova, a Khongom, at ame ivinoâ lakeiny, ka habe, Wâ bi, oge hia but hom ûnyi hnyi hnyamâm kaiainy ta tot; me u me ca he hmetu ka ijem e:

Isaia 56:1

WALANG hna ha hnö Iehova, ka habe, Vheno thö ûnyi ae ûcû, ke ânyâ thö ûnyi ae wisa: anyin ae hakekeny jut he ka o anyik ûhomeli, me he ka omanenâ anyik wisa.

Jeremia 10:19

Ekölö ge hnok aat! ame han gan hmâ: ke haingök, ka habe, E hnathu wale anyik bi vec, ke oge me he ka hokhnyokâ.

Jeremia 14:7

Iehova jö, eja ke ne a ne hwâdâ kö hmun anyihmun ta je hulo, ânyâ bi thö u can iâm; anyin a ohmun e osehia but kolu: ohmun e hia but ânyâ hulo köu.

Jeremia 51:10

Haba Iehova ame hia but oâ hwakecita ae wisa: ai öbun mʼ ate me he ka ba gaga hnyi Ziona huliwa anyi Iehova Khonguta.

Je tenge anyi Jeremi 1:18

E wisa Iehova; ke oge hia but thu anyin je hnanyibu: Je hnyei hia lö, öbun na long ju, me wâ anyik hlöuhlöu: Adre hom hwenbâ anyik je wahlu me wahidröu.

Levitiko 26:41

me inya oge me digic odrin, me hum odrin ka hnyi hnyei iny je iwahnaihmiony mödrin: ke ame ne he ka he je hnyekudrin adre ca peritomonâ ka hnyikânâ, kʼ odrin e kap hwaban hwakecidrin ae kong;

Malaki 3:18

Me öbun e he ka hmetu me wâhmakhmetoâ at ae wisa me at ae kong, ke at ame bi athnyaba ka Khong ke at ame ca ânyâ.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.

II. Timoteo 4:8

ke wale bi ang adre ip hobi könya koronainy hwakecin ae wisa, wale ame he ka ham könya hnyi bong eling Than ae wisa, at ame owisa: ke ca hake könya thibi, ke kodra hia thithö minya adre me senyin hnyi hna omanenâ e.

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.

I. Samuela 24:15

Ke hamö Iehova he ka ûhnö me owisa kötu, me wâ, me ivinö hobi könya, me hnö nya ûnyi hnyi hnyamâm.

I. Samuela 25:39

Ke a long ut Davita a ga mokcu Nabala, me e ame ha, ka habe, Ole kö Iehova at ame ivinoâ hna ohmehmö nya ga Nabala me thawâ athnyabainy ge hulö: ke Iehova ame hia but ohmetoâ hulö anyi Nabala ka i hnyi hon ban bi. Ke Davita ame ûkhûnöng he ka ûhnenamö me Abigaila he ka hom me âiân.

I. Samuela 26:10

Ke haingö Davita, ka habe, Kia inya Iehova, ke hamö Iehova ne ka kot e; ame ne he ka o ûen ame he ka mokcu hnyin; ke ame ne he ka mekiny vat.

I. Samuela 3:18

Ke Samuela ame thumeto ge ta je ûnyi hia, ke ame ca ikhâlâ gan khaca. Ke haingen, ka habe, E bi Iehova, hamen he ka ânyâ ûnyi ae so hnyi hnyimakan.