Mika 7:3 - Iaai Bible 1901 (New Caledonia)

³ Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Mika 7:3 ပူးပေါင်းရင်းမြစ်များ

Ta je Vejec 16:30

Haba at ame mook, me ame ûnykûme ta je ûnyi ae hwali: Ke ame oâ hulo hnen at ame obuhlumo li esongodiny.

Ta je Vejec 17:23

Haba at ae kong, me ame oc ut bwihlang ûnyi hnyi ûlainy, Hnân ohwalö deny hna owisa.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 26:21

Anyin a wâ bi, ame he Iehova ka he ûheny hnyi hnen hna laba, he ka bi hwaban hulo anyin tavat adre me labā hmeledrany: ke ame he hmeledrany ka omanenâ dren e, ke ame ca he hmetu ka tube ta je hna hlingâ.

Isaia 3:5

Ke ame he tavat ka ûöveciköu, ke at me ke at: ame he wanakat ka bi gan ka hingat, me hoûmonu ka je than.

Isaia 32:7

Ke e kong je bihihwakecin anyin at iyawo: e ame elâm je ûokonguny, me me ohia tavat ae ilemuk ge hofuc ae thoi, eja ke ne a ne wisa ifucin at ae ba ta ûnyi.

Isaia 5:23

adre haiwisa at ae monu ge hwaban, me hok wisa unyin at ae wisa!

Jeremia 3:5

Hawa, e ame he bala ka hmonyin? me tuö e ke ne o but obiny? Wâ bi, u je hia but ha me ânyâ ta je ûnyi ae kong me ânyâ wem bi.

Jeremia 4:22

Anyin ae monu but lakeik, e ca khanö nya hnödra; ödra tavat ae monu, ke ödra tavat adre me ca wâhmakhmeto: ödra metâ he ka ânyâ hulo, ke ca khanʼ ödra bi he ka ânyâ so.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 22:6

Wâ bi, a hia but mwi unyâm je taben Isaraela ödrin hia hoton je ve hwegiödrin, he ka hingâlâ dra.

Ezekiela 34:21

Anyin a öbun e hagutâ ge je vhak me je abeny, me kot tavat ae mok hia ge je faoibun, me öbun e ovesei ödra ehele;

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Hosea 4:18

A hiny dut belidra; kʼ adre me bi ûnyi monu bala: ke haba je tuhan me adre me beânyâ ûnyi hnân ohmehma gan.

Hosea 7:3

Adre me osenyinâ than ge anyidra bi monu, me je taben hnen anyidra je thoi.

Amosa 5:12

Anyin ae khanö nya a öbun e osehia hanyâûâ, ke ûganiny anyibun je hulo; öbun tavat ovecâ at ae wisa, me kap hwaban ae hwali, me ohavâ ka at ae theduoc hnyi homagoule.

Mika 2:8

Ke hwân hnyi je bong ang haba lakeik adre me tot helâ me iwahnaihmiöny: öbun e uny ûkhaû ûnyi hnyi hon khaûen tavat adre me he sot helâ me tavat ûhedra hnyi vat.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 3:2

tavat adre me hûkotiâ so, ke wedra hulo; tavat adre me uja unen unyidra, ke viny ûnyi hnyi je jeiödra;

Mataio 26:15

me ha, ka habe, Ieû ke ûnyi öbun e he ka ham könya mʼ inye he ka alecuâ e köbun? Me adre me tuluto me ham kâu ta je mone a thote.

I. Korinito 4:5

Anyin a wale, ca he ka ûnykûme ke ûnyi ke tiga hia bi ûen, e më o but Than, at ame he ka omelamâ ta je ûnyi ae iyong hnyi lit, me he ka omanenâ ta je ûnykûmenen hnyok; wale mʼ adre me he ka ve haisoâ ûnyi ge Khong.