Mika 7:18 - Iaai Bible 1901 (New Caledonia)

¹⁸ Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Mika 7:18 ပူးပေါင်းရင်းမြစ်များ

Genese 4:7

U je ne ânyâ so, hawa adre me ca he ka köp u? ke u ka ca ânyâ so, awe, ame bate-tot hulö hnyi hwanuma: kʼ ame ke ka e hmelâm weny, ke u ma he ka musö e.

I. Je Than 8:23

ke haingen, ka habe, Iehova lö, Khongu Isaraela, e ba ke khong ae ûcû möu, ethö hnyi drany, me eang hmeledrany; at ame tuö ûhihinyköu mo ibetengiö ka je laathnyabaem, tavat adre me vheno hnyi hnyimâkâm me hnyekudrin ae bekhot:

II. Man Ûlabainy Je Than. 30:9

Anyin a öbun e ne hwio hmetu ju kö Iehova, me ame he je liamekeiny möbun me lakubun ka wâ betenge hnyi hnyimakan tavat adre me hum ödrin a je hwenbâ, me ödrin e he ka hmetuhmetu ka hnyi hnyei ang: anyin a haba Iehova, me, at ae so me at betenge, at ame ca he ka hwio hnyimakan gabun öbun e ne hmetu kâu.

II. Man Ûlabainy Je Than. 6:21

Ö u long ju hic hijin athnyabaem me lakem a Isaraela, ödrin ka he ka hic cicö dok ang: eke, ö u long ju hnyi hnyabam ethö hnyi drany; ke u ka long ut, ö u hna but.

Nehemia 9:17

me höcö long, me ca ûnykûme ânyâm je ûnyi hnân lâiâ, waleji u je ânyâ hnyi wanbödrin; ke ödrin e ohwegiâ je nyidrin, me thu musi me otilâ taben he ka hmetu ka hnyi dok ae ûthaluo: ke u thibi Khong at ame beohia hulo, at ae menyik me unöngöt ge ibetengiö, e bec he ka hmonyin, ke gan hmâ ânyâm ibetengiö, me u je ca hna degeci ödrin.

Salamo 103:13

Iehova ame betenge ge tavat adre me outen e, Helâ me kamen ame betenge ge lakon.

Salamo 130:4

Ke u thibi at ame thang degecâ, Mʼ adre me he ka outö u.

Salamo 35:10

Ame he je jeiok hia ka ha, ka habe, Iehova lö, ie at ae ûcû möu, At ame omelo at ae vec ûnyi ge at ae hwege hon, Eke, me at ae vec me theduoc ûnyi ge at ame söh e.

Salamo 65:3

E hwege huk ta je ûnyi ae kong: Haba hnöhmun ta je hna hanyâûâ u me he ka kot degecâ.

Salamo 65:4

Hnahic hnen at u je ûca, me ohakekenyi u, Me me he ka laba hnyin je hnyeulem: Ame he ka sekuhmun ge soiny umâm uma, Wale dok ae kap a umâm uma.

Salamo 71:19

Khong lö, e ti beönua hwakecâm ae wisa; U at ame hia but ânyâ ta je ûnyi ae gan hmâ, Khong lö, ie at ae ûcû möu?

Salamo 86:15

Than lö, u thibi Khongon ibetengiö me betenge baû, At ame ca ie hmonyin bi, ke ti hu gam ibetengiö me hnathu.

Salamo 86:5

Anyin a Than lö, u thibi at ae so, me at ame thang, Me se hia ibetengiö kodra hia adre me hongot köu.

Salamo 89:6

Anyin a ie ke at ethö hnyi drany ae ûcû me Iehova? Ie ke at unyin lakon tavat ae hwege ae ûcû me Iehova,

Salamo 89:8

Iehova lö, Khongon sabaoth, Ja lö, ie at ae ûcû möu, at ae man? Ke ame igigili u ânyâm hnathu.

Esodo 15:11

Iehova lö, ewa at ae tha ûcû möu unyin ta je khong? Ia ae tha ûcû möu, e hmanenang hwakecâm ae kap, Ke hnân outen, odra ka ogânö u, at ame ânyâ ta je ûnyi hnân lâiâ?

Esodo 34:9

Ke haingen, ka habe, Than lö u je ne betenge gak, ö u he Than ka tha he möhmun; anyin ae hwege nyin hnyei ang; ke u ma thang degecâ anyihmun monu me hulö, me wiʼ ohmun do mʼ ohmun e em hnyei

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 33:24

Ke ame ca he bi ka ha hnen at ame labā e, ka habe, Iny mok: adre me he ka hna degecâ hulo anyin tavat adre me labā e.

Isaia 38:17

Wâ bi, inya hnahic ut ûnyi hnyi vec ae gan hmâ: Ke u je hia but betenge ge hanuk me omelo ûnyi hnyi monop ae bon; Anyin a u je hia but khûâ hotom ai anyik ta je hulo hia.

Isaia 40:18

Awe, öbun e he ka oûco Khong me ia? ke ewa ûhöûcû, mʼ öbun e he ka oûco mē?

Isaia 40:25

Ke öbun e he ka oûcû nya me ia, mʼ oge me he ka tha ûcû mē? ame ha At ae Kap.

Isaia 43:25

Inya, inya thibi at ame kot degecâ hnâm ta je hna hanyâûâ cak bi; ke oge me ca he ka ûnykûme ânyâm ta je hulo.

Isaia 44:22

Oge hia but kot degecâ hnâm ta je hna hanyâûâ helâ me ûlâ ae khot, me ânyâm ta je hulo helâ me ûlâ: hmetu ju könya, anyin a oge hia but ûcû u.

Isaia 55:7

e so ame he at ae kong ka degec hwakecin, ke so ame he at ae monu ka degec ta je ûnykûmenen: ke so e ame hmetu kö Iehova me me he ka betenge gan; ke so e ame hmetn ka Khonguta, anyin a e ame he ka ti kot degecâ hia.

Isaia 57:10

U je sēnyin dut hnen dem gethen ae sâkâû; ke so bi u je ca ha, ka habe, E ba but hna gejon: u je wâ tang hwegien hnyamâm; anyin a wale u je ca sēnyin.

Isaia 57:16

Anyin oge me ca he ka ivino ke ne o but nyiele balua, ke oge me ca he bala ka hmonyin: anyin ame he ka ta sēnyin hnyok hnyi hnyimakök, me hanu o ge op.

Isaia 62:5

Anyin a helâke hidröu ame hom hlu, helâe ame he je lakom ka faipoipo möu: ke ame he Khongom ka senyin köu, helâ me at ame hap faipoipo ame senyinâ âiân.

Isaia 64:9

Iehova lö, ca he ka hmonyâm gan hmâ, ke ca he ka ûnykûme hwakecin ae kong nyiele balua: wâ bi, ö u wâ thö, öhmun hia thithö ang je atâm.

Isaia 65:19

Ke oge me he ka senyinâ Jerusalema, me hobâ ta je atök: ke adre me ca he hmetu ka long hwan thungaû, me tenge.

Jeremia 3:12

He thö me ha ta je hofuc ang hnyi ke keihen hnyi hwadro, ka habe, Hmetu ju u Isaraela, at ame labö kolu, haingö Iehova; oge me ca he ka ōʼ bun hnyi hmonyin; anyin a inya at ibetengiö, haingö Iehova; oge me ca he ka ip hmonyin nyiele balua.

Jeremia 3:5

Hawa, e ame he bala ka hmonyin? me tuö e ke ne o but obiny? Wâ bi, u je hia but ha me ânyâ ta je ûnyi ae kong me ânyâ wem bi.

Jeremia 31:20

Hawa, nokuk a oûnykûmik Eferaima? hawa, e wanakat ae kese? anyin a iny ka hia but fuc gan, oge me ti ûnykûme bala hmetu gan; anyin a wale ame fuc hnyekuk gan; e hnathu oge me he ka betenge gan, haingö Iehova.

Jeremia 31:34

ke adre me ca he hmetu ka ve nâ tavat ae hakekeny kodra, me je liamekeiny mödra, me ha, ka habe, Khanʼ öbun dö Iehova: anyin adre me he hia ka khanʼ ödra inya, hwâu ge ta je hoûmonu ke ne o but ka tavat ae beönua, haingö Iehova: anyin oge me he ka hna but hwakecidra ae kong, ke oge me ca be hmetu ka ûnykûme anyidra ta je hulo.

Jeremia 32:41

Eke, oge me he ka senyin ködra, he ka mâdrâ kodra so, ke e hnathu oge me he ka te ödra hnyi hnyei ang, hnyekuk ae bekhot me hanuk ae bekhot.

Jeremia 33:8

Ke oge me he ka osûʼ ödra ûnyi hnyi anyidra ta je hulo hia waleji adre ânyâ könya; ke oge me he ka hna hia anyidra ta je hulo waleji adre me ânyâ me monu könya.

Jeremia 38:8

Me haba Ebede-melek, ame he ûnyi hnyi uma umen than me ha ka than, ka habe,

Jeremia 50:20

Hnyi je bong eling me hnyi ûen e, haingö Iehova, adre me he ka elâm hulo anyin Isaraela, ke ba but: me je hulo anyin Juda, ke adre me ca be ka wâ: anyin oge me he ka thang je monu anyin tavat oge me hna me linân kolon.

Jeremia 9:24

ke so at ame hobâ he ka hobâ ûnyi ang, a e ame wâhmakhmeto me khana inya, a inya Iehova at ame ânyâ betenge, me owisa, me ûnyi ae ûcû eang hmeledrany: anyin a inya oge me senyin ka ta je ûnyi eling, haingö Iehova.

Ezekiela 18:23

Haingen Than Iehova, ka habe, Hawa oge me senyin e ka mok at ae kong? ke hawa oge me ca senyin bi e ka he ka hmetu ûnyi hnyi ta je hwakecin me me möt?

Ezekiela 33:11

Ha thö kodra, ka habe, Kia inya inya, haingen Than Iehova, a oge me ca senyin bi ge mok anyin at ae kong; ke so bi me me he ka hmetu at ae kong ûnyi hnyi deny gethen me me möt: hmetu ju, hmetu ju öbun ûnyi hnyi debun ta je gethen ae monu; ke ieû gabun mʼ öbun e he ka mok lap anyi Isaraela?

Ezekiela 33:16

Adre me ca he ka ha kâu ke monu hnyi ta je monu e ame hia but ânyâ; e ame hia but ânyâ ûnyi ae ûcû me wisa; e ame he ka möt.

Daniela 9:9

E unyin Than a Khonguhmun ibetengiö, kʼ ame thang degecâ hulo; anyin a öhmun e hia but ûkhin fuc kâu;

Hosea 14:2

Hom dö je ifucibun ke hmeto ju kö Iehova, ha thö kâu, ka habe, Hom dö hulo hia, me kap ju ûnyi ae so: me ohmun e he ka ham je hudiny hnyi-möhmun.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Amosa 1:11

Walang hna ha hnö Iehova, ka habe, Can kun ta monuiny Edoma, eke, can vak, me oge me ca he ka ohavâ hwaban e; anyin a e ame hnu liamekeiny më ge hele vat, me degec ibetengiö, ke ame labö kia but anyin hmonyin, ke e ame tuö anyin wathethot nyiele balua.

Amosa 7:8

Haba Iehova ame ha könya, ka habe, Amosa lö, ieû u je wâ? He haingök, ka habe, Tulut tot. Ke haingen Than, ka habe, Wâ bi, oge me he ka otilâ tulut tot wanben lakeik a at Isaraela; oge me ca he hmetu ka he me digic ödra,

Amosa 8:2

Ke e ame ha könya, ka habe, Amosa lö, ieû u je wâ? Me haingök ka habe, tang wan ûö ae mat. Me haingo Iehova könya, ka habe, A o but obiny ka lakeik a at Isaraela; oge me ca he hmetu ka he me digic ödra.

Jona 4:2

Me e ame hic kö Iehova me ha, ka habe, Iehova lö, hawa, ca hok e ke tiga inya bi hnyi ik hnyei? Anyin a wale oge me kec ehac Tasesa ai: anyin ae khanö nya a u Khong ae betenge, me betenge vec, me bec he ka hmonyin, ke gan hmâ so, ke at ame ietra ûnyi ae kong.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Mika 7:14

Han ju lakem ge ânyâm uci, wale hnahat mamoe a jekhom, wale hnyat adre me hake laba hnyi hnyot hnyi wanben Karemela: e so adre me he ka an tot hmetu hnyi Basana me Gileada helâ me hnyi je bong kâû adrem.

Zefania 3:17

E bi hnyi wanbâm Iehova Khongom, at ae hwege, kʼ ame he bi ka omelö: e ame he ka senyin köu ke hobâ, e ame he ka laba wia hnyi anyin betenge, e ame he ka senyin gam ge khumöng.

Numera 23:21

E ame ca wâ hulö unyi Jekob, Kʼ ame ca wâ monu ga Isaraela: E unyin Iehova a Khongon, Ke e hnyi wanbödra ûhongötiny than.

Luka 15:32

E ka ûcû kötin he ka senyin me hobâ: anyin a walang kem ûheny hnyi hna mok, ke a möt hmetu thö; ke hia, ke wale hmetu thö ang.

Luka 24:47

me he ka khetâ, hnyi ta je hnyei hia hwân hnyi Jerusalema, ietra, mo he ka thang degecâ ta je hulö ûnyi ge ien.

Roma 11:4

Ke ieû hna thu kâu hnen Khong? walang, Oge me ip biju hobi könya tavat a seven thauzan, waleji adre me ca hnyi cibouca kö Baala.

Deuteronomi 33:26

Jesuruna lö, e ba at ae ûcû me Khong, At ame tabâ drany me me hadruo u Ke hon je ûlâ hnyi anyin hmanenang.

Iakobo 2:13

Anyin a haba at ame ca betenge, me adre me ca he bi ka betenge gan hnyi hna ûhnei: anyin ame hobeluâ ibetengiö hnyi ûhnei.

Owisa 10:16

Me adre me degec je khong kanyua unyidrin, me bi athnyaba kö Iehova, ke e ame tenge ge vec anyin at Isaraela.