Mika 7:10 - Iaai Bible 1901 (New Caledonia)

¹⁰ Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Mika 7:10 ပူးပေါင်းရင်းမြစ်များ

II. Samuela 22:43

Me oge me kot omomonu ödra helâ me sesâiny kânâ, Oge uti ödrin helâ me hmudrainy je gethen, me ulili ödra.

Salamo 109:29

E so he ka khavâ te je iwahnaihmiöny mönya ge hmehma, Ke so adre me tubi ödra bi ge ilitmak helâ me ûkhaû.

Salamo 115:2

Hnân eû ame he ka ha ke je hnyei, ka habe, Ewa walang ang Khongudrin?

Salamo 18:42

Me oge me kot omomonu ödra helâ me sesâ hnyi hnyimakan ang: Oge me kot degeci ödra helâ me hmudrainy gethen.

Salamo 35:26

E so e tha hmehma me lolo tavat adre me senyinâ hna okongu nya: E so e he hmehma me haikongoâ ka khavâ tavat adre me bi gan könya.

Salamo 42:10

Je iwahnaihmiony mönya adre me hiö nya, helâke e hu hele vat eû hnyi je jeieök; Me labö ha könya hnyi je bong, ka habe, Ewa Khongom?

Salamo 42:3

Haba hing ök jeû hnyi lany me lit me deköien li emakök, Waleji adre me labö ha könya hnyi je bong, ka habe, Ewa Khongom?

Salamo 58:10

Ame he at wisa ka senyin, e ka wâ hna bi hwaban: E ame he ka hneû li can hnyi dren at ae kong.

Salamo 79:10

Hnân eû ame he ta je hnyei ka ha, ka habe, Ewa Khongudrin? E so e ka manen dut hnyi ta je hnyei hnyi hnyimaköhmun. Hna bi hwaban dra dren lathnyabaem adre hingâlâ.

Salamo 92:12

Ame he at ae wisa ka kû wia helâ me pama: E ame be ka kû gan hmâ helâ me arasi Lebanona.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 41:25

O ge hia but oâ ke at ûheny hnyi hwadro, ke e ame he jem; ke ûheny hnyi hna o hnen seûno, oge me oâ ke at ame hawâ iök: e ame he ka je than helâ me hna dâ dröu, ke helâ me at ame op kaia ame ututo kânâ ae kece.

Jeremia 49:15

Anyin a wâ bi, inya oge hia but wiö u mu me ûhnyûkong unyin je hnyei, me hûkötiânen tavat.

Jeremia 51:24

Ke oge me he ka bi hwaban kö Babulona, ke tavat hia adre me laba hnyi Kaledaia ta je monu hia waleji adre ânyâ hnyi Ziona hnyi hnyimaköbun, haingö Iehova.

Jeremia 51:51

Ohmun e hmehma but anyin a ohmun e löng hna ûhaikonguny; ame tube je hnyimaköhmun hmehma: anyin a haba je atkanyua adre me o but ka hnyi je dok a kabiny uma umö Iehova.

Ezekiela 7:18

Adre me he minya ka weikâ ecmano ae gan nân, ke adre me he ka tubi ödra ge öbubuny: ke ame he ka hmehma ta je hnyimak hia, me hadreû hia ta je bödra.

Daniela 3:15

Walang ang, öbun e ne penapena, öbun ka long ifucin trutru, ke utkowi, ke kitara, ke sabeka, ke saniter, ke sumefono, ke je ûnyikhumöng hia me öbun e he ka ta me khudrung ka hnatheat gol oge me ânyâ, me so ling: ke so bi öbun e ne ca he ka khudrung, haba hnyi awa eling, me adre me he ka khûʼ öbun ka hnyi thop ae möt hnyin meic; ke ewa khong ame he ka hûgûnʼ öbun hnyi li hnyamok?

Joela 2:17

E so ame he tavat bihut, a je athnyabai Iehova ka tenge hnyi wanben poretiko me taben hut, me ha, ka habe, Iehova lö, betenge ju ge lakem, ke ca he ka hna jekhom me hnân taben haikongoâ, me he ka musi ödra hnen ta je hnyei: anyin a ieû ame he ka ha hnen je hnyei, ka habe, Ewa Khongudrin?

Obadia 1:10

Ame he ka takû u hmehma can ûokonguny ka kem a Jekob, ke adre me he ka subâ degeci u nyiele balua.

Obadia 1:12

Ca he ju ka wâ hnyi bonginy kem, hnyi bonginy vec a e, ke ca hobâ lakon Juda hnyi bonginy bâ; ke ca fuc bi gan hnyi bonginy hloûhloû.

Mika 4:11

Ke walang ang ame ûkhacaköu je hnyei ae se ûcom, ke haingodra, ka habe, E so e ame kong bi, e so ate me wâ weta ka Ziona ge je emaköta.

Mika 7:8

Iwahnaihmiony mönya lö, ca he ka senyin huk: iny ka he ka ta, oge me he ka tot hmetu; iny ka laba hnyi menekholom ame he Iehova ka omelami nya.

Zefania 3:15

A hia but Iehova hom hna owisa gam, e ame hia but ohia iwahnaihmiony möu: e bi hnyi wanbâm Iehova Tuhan Isaraela: u me ca he hmetu ka outen ûnyi ae kong.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Malaki 1:5

Ke ame he je emaköbun ka wâ, ke öbun e he ka ha, ka habe, E so adre me oganö Iehova hnyi je ke keihen hoton hnyigöuleny Isaraela.

Malaki 4:3

Ke öbun e he ka uto tavat ae kong; anyin adre me he ka helâ me hnabadröu hmelen je hnyeûcabun hnyi bong waleji oge me thu, haingö Iehova tuhan sabaoth.

Mataio 27:43

E ame labageju ka Khong; e so e he ka omelö e walang ang, e ka weny e: anyin a e ame ha, ka habe, Inya ang Nokon Khong.

Josua 7:9

Anyin ame he at Kanana ka long, me ödrin hia tavat adre me labā hnyei, mʼ adre me he ka igigili öhmun me subâ degecâ iöhmun ûnyi eang hmelen: ke ieû u me he ka ânyâ hobi kâu iâm ae gan?

Hna Omanenâ 18:20

U ma senyin dö gan drany lö, me öbun wakap, me ta je aposetolo, me ta je perofeta; anyin a Khong ame liia but bi hwaban kâu cabun bi.