Mika 7:1 - Iaai Bible 1901 (New Caledonia)

¹ EKÖLÖ gak! anyin a iny ûcû me ûö adre me tau wan, ke iny ûcû me hna hlo wan vine: ke ba hmetu bi wan vine hnân ic; me wan meta a bân wale ame wek hnen hanuk.

Mika 7:1 ပူးပေါင်းရင်းမြစ်များ

Salamo 120:5

E köiö gak anyin a inya oge me laba kanyua hnyi Meseka, Ke unyin je uma mano hnyi Kedara!

Ta je Vejec 20:6

E se hia tavat adre me ve ha hwakecidra bi ae betenge: Ke ie at ae khana elâm at ae hnathu?

Isaia 17:6

Ke so bi ame he ka hu kolon hnyin e hnân hlo, helâke hna jijingâ ûö elaio, ame ne lo ame ne kun thibi ta wan hnyi obiny vheiny ae gorany, ame ne vak ame ne thabûng hnyi je vheiny ûo ae wa so wale hnyi je baten, ame ha Iehova Khongu Isaraela.

Isaia 24:13

Anyin ame he ka helâe bi hnyi hmeledrany unyin je hnyei, helâ me hna jijingâ ûö elaio, ke helâ me je wan vine adre me hlo, ödra ka hia but tau je wan.

Isaia 24:16

Ate me hia but long je khumöng ûnyi hnyi can hmeledrany, hna ogânâ tavat ae wisa. Ke haingök, Oge me delâ tot, oge me delâ tot, ekölö gak! a hia but iyawo ge tavat iyawo; eke, ame iyawo gan hmâ hnen tavat iyawo.

Isaia 28:4

ke haba vongon ame meleca ge hmainy ae hmanenang, wale hnyi ban hnyigöulen bucen ae pipikhenya, ame he ka helâ me wan meta a bân ke tiga ca honivakeny; e ka wâ e hnen ke at, ke tiga e bi hnyi hnyamen e ame ie han e.

Isaia 6:5

Me oge me ha, ka habe, Ekölö gak! anyin oge ngâ but; anyin a inya at ae kong esongodiny, ke inya oge me laba unyin tavat ae kong je esongodidra: anyin a li emakök ame wâ Than, a Iehova tuhan sabaoth.

Jeremia 15:10

Ekölö gak, bai lö, anyin a u je hnokoâ at ae iwatretra, ke at ivino me hmeledrany hia! oge ca hia but më ham mone hnân troban, ke haba khaca adre ca më ham mone könya hnân troban; ke so bi, ödra hia adre me hangö nya.

Jeremia 24:2

Haba ke tang meta, me, ti so helâ me je wan meta a bân: ke haba ke tang meta, me kong, ke ca hnân han, anyin ae kong.

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Jeremia 45:3

U je ha, ka habe, Ekölö gak walang ang! anyin a Iehova ame hia but bi hanen hlöuhlöu ka hnyi anyik vec; oge sënyin dut anyin mâng, ke oge me ca wâ hna menâ.

Jeremia 5:1

WADRINGÂ thö je gethen hnyi Jerusalema, me wâ walang ang, me khana, me elâm hnyi je dok ae nedrong, ame ne he ka wâ at, ame ne hu at ame ânyâ wisa me elâm hnathu; me oge me he ka hna anyin hulo.

Hosea 9:10

Oge me ö Isaraela helâ me je wan vine hnyi hnyebuba; oge me wâ lakamöbun helâ me je wan meta a bân: ke adre me he kö Baala-peora, ke ka hnʼ ödra bi ka ûnyi hnân ohmema, me adre me tha ikiki me ûnyi adre me hnyok kâu.

Numera 18:13

Haba je wan hia a bân ae mat hnyi hnyei adre me ham kö Iehova, me wale âm; kʼ ame he tavat hia ae bo so hnyi hnyabam ka an je ûnyi e