Mika 6:9 - Iaai Bible 1901 (New Caledonia)

⁹ Ifuci Iehova ame hongot hnyi taun, kʼ ame he at ae metâ ka wâ iâm: long ju öbun öso, ke at ame muso e.

Mika 6:9 ပူးပေါင်းရင်းမြစ်များ

II. Samuela 21:1

KE e hu hmiâ hnyi ûö Davita a kun hunainy, ke huna me ke huna; ke Davita ame elâm hnyimakö Iehova. Ke Iehova ame thu, ka habe, Ga Saulo me anyin lap ame hingâlâ dra, anyin a e ame hlingâ at Gibeona.

Jobu 10:2

Kʼ oge me he ka ha ka Khong, ka habe, Ca he ka haikongu nya; Omanenâ thö könya can u me û nya gan.

Jobu 23:14

Anyin a e ame ohwâdâ ûnyi adre ip hobi könya: Ke se hia je ûnyi a helâe unyin.

Jobu 5:17

Wâ bi, e hnahic at Khong ame nâ; Anyin a wale, u ma ca höciâ hna nâ hnen Ataekhanahia.

Salamo 107:43

Haba at ae metâ ame he ka wâ wia ta je ûnyi eling, Kʼ adre me he ka ûnykûme wia tang betenge anyi Iehova.

Salamo 48:10

Khong lö, e ûcû iâm, Me hna oganö u, ke ne o but je can hmeledrany: E unöngötö hnyamâm a metâm ge hwakecin ae wisa.

Salamo 83:18

Me me khanʼ ödra a u thibi, wale a iâm Iehova, At ae Beönua hon hmeledrany hia thithö.

Salamo 9:16

Ke haba Iehova ame omanenâ e bi, kʼ ame owisa: Kʼ ame hnok dö at ae kong ge huliwa anyin li hnyamen. [Higaiona. Sela.

Ta je Vejec 22:3

Haba at wâ wia, me ame wâ monu me ikhölö: Ke haba tavat ae ba hnyekon me adre me he, ka hu vec bi.

Isaia 26:11

Iehova lö, e gorany hnyamân, kʼ adre me ca wâ bi: ke so bi adre me he ka wâ wem ae gan hmâ ka tavat, mʼ adre me be ka hmehma bi; eke, ame he meic ka an ta je iwahnaihmiony möu.

Isaia 27:10

Anyin ame hake laba taun adre up haginy, hnyaba ae ba wan kʼ adre degec ut, helâ me hnyebuba: ame he ka han tot eling nokon kau, kʼ ame he ka mokut eling, me an ta je anginy.

Isaia 30:27

Wâ bi, ame o but iö Iehova ûnyi hnyi dok ae sâkâû, ame ubâhlâ ge anyin hmonyin, ke khot ge hai ame ölö goranyai: ame unöngötö li esongodiny ge wathethot, ke helâ me meic ame han bohmen:

Isaia 66:6

Hwan mede hnyi taun, hwan hofuc hnyi uma kap, ho Iehova ame bi hwaban ka je iwahnaihmiony mē.

Isaia 9:13

Ke so bi ame ca hwio tavat kâu at ame kuc ödra, ke haba khaca adre me ca elom Iehova tuhan sabaoth.

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 26:6

awe, oge me he ka wia uma eang me me helâ me Silo, ke oge me he ka wia taun ang hnân hangâ hnen je hnyei hia eang hmelen.

Jeremia 47:7

U ma kâmâu ka laba so, ke Iehova ame hia but hûna kâu? wale ge Asekelona me hobat köiö; wale dok e ame kû.

Ezekiela 7:9

Ke oge me ca he ka hokhnyok me betenge: ke oge me he ka oâ köu hoton dem je gethen, ke ame he ka e hnyi wanbâm ânyâm ta je ûnyi ae ikiki; me ame he ka khanʼ öbun a inya Iehova, at ûkûc.

Hosea 13:16

Ame he Samaria ka hijen anyin bi hulo; anyin e ame hia but ûkhin fuc me Khongon: adre me he ka ta ge hele vat; adre me he ka sa lakudra je mendring, me kave omomo a je erkin.

Hosea 14:9

Ie at ae metâ, me me wâ ûnykûme ta je ûnyi eling? ie at ame wâ wia me me wâhmakhmeto ta je ûnyi e? anyin ae wisa je gethen de Iehova, ke ame he at ae wisa ka vheno; ke ame he tavat hanyâûâ ka ta hnyin.

Amosa 2:5

ke oge me he ka kunâ meic hon Juda, kʼ ame he ka thong degecâ je uma umen than hnyi Jerusalema.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Mika 6:10

Hawa, e bala bi tang omjeû a hwaban hulo eio hnyin uma umen at ae kong, ke efa ae hâhâ a ûnyi ae kong?

Mika 6:8

At lö, e ame hia but omanenâ köu ûnyi ae so ke ie ke ûnyi ame we Iehova gam, ke so bi he ka ânyâ wisa, me hnyokâ ibetengiö, me tha he me Khongom ke hnyok ae hnyikânâ?

Zefania 3:2

E ame ca long hofuc; e ame ca kap hna ûnö; e ame ca labageju bi kö Iehova; e ame ca hakekeny bi ka Khong.

Hna Omanenâ 3:19

Oge me nâ me kot tavat oge me betenge gadra: anyin a wale, hwege thʼ öbun me ietra ju.