Mika 6:4 - Iaai Bible 1901 (New Caledonia)

⁴ Anyin oge hum u ûnyi hnyi hnyei Aigupito, me omeli u ûnyi hnyi hnyaba ûthaluo; ke oge kunö Mose me Arona, me Miriama hnyi hnyimakâm.

Mika 6:4 ပူးပေါင်းရင်းမြစ်များ

II. Samuela 7:23

Ke ewa ke hnyei eang hmeledrany ae ûcû me em hnyei, a Isaraela, wale ame he Khong ka omelö kân bi hnân iny, me otilâ ien bi, me ânyâ hobi köbun je ûnyi ae gan me hnân outen hobi kâu em hnyei, hnyi hnyimakan lakem, waleji u je omelö köu bi ûheny Aigupito, ûnyi ge ta je hnyei me je khongudrin!

Salamo 77:20

U je su lakem helâ me hnahat mamoe, Ge hnyamö Mose me Arona.

Esodo 12:51

Me haba hnyi bong heling, Iehova ame hom lakon Isaraela ûnyi hnyi hnyei Aigupito hoton anyidra je dö.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 3:10

Anyin a wale aiö u, oge me he ka kunö u ko Farao, mʼ u ma he ka hom lakeik a lakon Isaraela, ûnyi hnyi Aigupito.

Esodo 4:10

Ke haba Mose ame ha kö Iehova, ka habe, Than lö, iny ca at khet, waleji ehac, me walang ang hwaban hnâm hna fuc könya a athnyabaem: anyin a teta ifucik, ke teta bohmök.

Esodo 4:16

Ke ame he ka hwabâm he ka fuc ka tavat: ke ame he ka bi hnyimâm, me u me he ka helâ me Khong kâu.

Esodo 6:27

Ke wale li at ödru me ha kö Farao than Aigupito he ka hom lakon Isaraela ûnyi hnyi hnyei Aigupito: a Mose me Arona eling.

Jeremia 32:21

ke u je hom lakem a Isaraela ûnyi hnyi hnyei Aigupito ge je haten, me je ûnyi hnân lâiâ, me hnyam ae hwege, me beny adre hai, me ûnyi hnân ot ae gan hmâ;

Amosa 2:10

Ke oge me hum öbun minya ûnyi hnyi hnyei Aigupito, ke lili öbun hnyi hnyebuba fâte je huna, mʼ öbun e he ka hu hnyei iny at Amora.

Numera 12:1

KE haba Miriama me Arona ödru me haikongo Mose can momo Kuza e ame hom, anyin a e ame hom mome a at Kuza.

Numera 33:1

WALANG ûheny lakon Isaraela, hnyi hnödra hna he but ûhedra hnyi hnyei Aigupito, a je köiödra, kʼ ame musi ödra hnö Mose me Arona.

Ta je huliwa 7:36

Haba at eling ame hum ödra but, hwaban hnen hna omanenâ ta je ûöman me haten hnyi hnyei Aigupito, me hnyi Köiö ae dra, me hnyebuba hnyi fâte je huna.

Deuteronomi 15:15

Ke u me he ka ûnykûme a gʼ adre thaluö u hnyi hnyei Aigupito, ke Iehova Khongom ame omeli u; anyin a wale, inya oge me hûna köu hofuc e hnyi bong ang.

Deuteronomi 24:18

ke u me he ka ûnykûme hna thaluö u hnyi Aigupito, ke Iehova Khongom ame omeli u ûheny: anyin a wale inya oge me hûna köu he ka ânyâ ûnyi e.

Deuteronomi 4:20

Ke a hia but Iehova hum öbun, me su öbun ûheny hnyi hnyin inyâ fao, a ûheny Aigupito, mʼ öbun e lakeiny ae hu hwajekhon, helâ me hnyi bong ang.

Deuteronomi 4:34

Ke hawa, hwakecin Khong he ka he me hom hnyei hnân hobi kâu ûnyi hnyi ke hnyei, ge je ûcûbic, me je haten, me je ûnyi hnân lâiâ, me vat, me hnyam ae hwege, me benyin adre hai, me je ûnyi ae gan hnân outen, hoton ta je ûnyi hia waleji a ânyâ Iehova Khongubun hobi köbun hnyi hnvimaköbun hnyi Aigupito?

Deuteronomi 5:6

Inya Iehova Khongom, at ame hum u ûheny hnyi hnyei Aigupito, ke ûheny hnyi hnyaban ûthaluo.

Deuteronomi 7:8

ke so bi ûnyi hnyi ibetengiö anyi Iehova köbun, ke hnyi weny he ka oûnyihnathö hnen hna khemanyin ka lakamöbun, waleling me me hum öbun hnö Iehova ge hnyam ae hwege, me omeli öbun ûnyi hnyi hnyaba ae ûthaluo, a ûheny hnyi hnyamö Farao than Aigupito.

Deuteronomi 9:26

Me oge me hic kö Iehova me ha, ka habe, Than Iehova lö, u me ca he ka ohia lakem me hwajekhom, waleji u je omelö ge manâm man, me hom ûheny Aigupito ge hnyam ae hwege,

I. Samuela 12:6

Haba Samuela ame ha ka tavat, ka habe, E bi Iehova, at ame otilö Mose me Arona, me hom je lakamöbun ûnyi hnyi hnyei Aigupito.