Mika 6:2 - Iaai Bible 1901 (New Caledonia)

² Long ju öbun je bucen lö, ivino anyi Iehova, me öbun je taben a tethmâiny hmeledrany: anyin ae hu ivino anyi Iehova me lakeiny, ke e ame he ka ûhnei me Isaraela.

Mika 6:2 ပူးပေါင်းရင်းမြစ်များ

II. Samuela 22:16

Me manen dut je deny köiö ae gan, Adre me omanenâ je taben hmeledrany, Anyin a Iehova ame thawâ, Ûnyi ge homenâiny li hnyingöiny.

II. Samuela 22:8

Ke ame bwebwet me öbubuny hmeledrany, A okokok dö je taben drany Me bwebwet, anyin a e hmonyin.

Salamo 104:5

At ame bi taben hmeledrany, Me me ca he ka bwebwet nyiele balua.

Ta je Vejec 8:29

Hnyi ûen e ame bi hnyigöulen köiö Me me ca he je köiö ka hanyâûâ hnen hna hûna: Hnyi ûen e ame bi taben hmeledrany:

Isaia 1:18

Haingö Iehova, ka habe, Ai öbun walang ang, ate me he ka tha ûsabö: eja ke ne a ne helâ me dra vec anyibun ta je hulo, me ame he ka hau bi helâ me kiona; ke ame ne dra helâ me dila, me ame he ka helâ me leûnen mamoe.

Isaia 3:13

Ame todrö Iehova he ka! ivino, e ame tot he ka owisa ta je hnyei.

Isaia 43:26

Oûnykûmi nya thö; ate me he ka tha ûhneiköu: ha thö hnâm hna ivino, mʼ adre me he ka haiwisai u.

Isaia 5:3

Ke walang ang öbun tavat öbun e laba hnyi Jerusalema, me at Juda, öbun na owisa thö könya me ik hnyei vine.

Jeremia 2:9

Anyin a wale, oge ma he hmetu ka ivino möbun, haingö Iehova, ke oge me he ka ivino me laöbibun.

Jeremia 25:31

Ame he ka o mede ke ne o but hnyi can hmeledrany: anyin ae hu ivino anyi Iehova me ta je hnyei, e ame he ka ûhnei me tavat hia: ke haba tavat ae kong, e ame he ka hnʼ ödra ka hnyi hele vat, haingö Iehova.

Jeremia 31:37

Walang hna ha hnö Iehova, ka habe, A ne khana he ka tuluto drany ethö, me elâm e taben hmeledrany, me oge me he minya ka degec hia je mâtrâniny Isaraela, can ta je ûnyi hia adre me ânyâ, haingö Iehova.

Hosea 12:2

Ke hu ivino anyi Iehova me Juda, ke e ame he ka bi hwaban kö Jekob hoton deny je gethen; e ame he ka bi hwaban kâu hoton hnen hna ânyâ.

Hosea 12:3

E ame kât ohmâiny can liamekeiny më hnyi hnyok; ke e ame ûjöng ka Khong hnyi anyin hmai:

Hosea 4:1

LAKON Isaraela lö, löng ju hofuc ho Iehova: anyin ae hu ivino anyi Iehova me aten hnyei, anyin ae ba hnathu, me ibetengiö, ke ca khanʼ ödra bi Khong hnyi hnyei.

Mika 6:1

LONG ju öbun walang ang hna ha hnö Iehova, ka habe Todrö, ivino ju hnyi hnyimakan je bucen, me me long ifucâm hnen je hut.

Deuteronomi 32:22

Anyin adre hû meic hnyi anyik hmö nyin, Ke ame thong ke ne o but dok ae dit hmönyin, Me an hmeledrany me troban, Me thong ta je taben je bucen.

Deuteronomi 4:26

awe, oge me hawâ drany me hmeledrany he ka ohnathoâ gabun hnyi bong ang, a gʼ adre me he ka ie ohiʼ öbun ûnyi hnyi hnyei wale öbun e hanyâûâ Joridano he ka hu gabun; kʼ ame ca he ka se hia bongubun je bong hnyin, kʼ adre me he ka ti ohiʼ öbun.