Mika 6:16 - Iaai Bible 1901 (New Caledonia)

¹⁶ Ke adre me tuö je hnanyibu anyi Omeri, ke ta je ûnyi j hia a ânyâ ge lap anyi Ahaba, ke öbun e hnu hoton hnödra hna ûhnenamö: waleling me oge me öba wan gam, ke wia tavat adre me labâ e me me hnân jû; ke öbun e he ka hom tilâ hna haikongoâ lakeik.

Mika 6:16 ပူးပေါင်းရင်းမြစ်များ

I. Je Than 18:4

ke haba hnyi ûen Jezebela ame subâ degecâ je perofeta anyi Iehova, haba Obadia ame hom je perofeta a wan haded, me ikhölʼ ödrin ûsa fifte hnyi li op, me haödrin me habeledrin.)

I. Je Than 9:8

ke haba uma eang ae beû goranyai, ame he tavat hia adre me he eû hnyi gethen ka lâiâ, me jû; ke adre me he ka ha, ka habe, Anyin a ieû Iehova ame ânyâ helâe ka hnyei ang me uma ang?

II. Je Than 16:3

Ke e ame vheno gethen deny je than Isaraela, eke, me kunâ nokon he ka he hnyi wanben meic, helâ me hwakecin ae ikiki anyin ke je hnyei, waleji a obâ Iehova hnyi hnyimakan lakon Isaraela.

II. Je Than 21:3

Anyin a e ame otilâ hmetu je dok ae görany waleji a ohia ga Hezekia a kamen; ke e ame otilâ je taben hut kö Baala, me ânyâ ke Aseira, helâ me hna ânyâ hnö Ahaba than Isaraela, me khudrung ka ta je ûnyi hia hnyi drany, me bi athnyabaidrin.

II. Man Ûlabainy Je Than. 22:4

Ke e ame ânyâ hulo hnyi hnyimakö Iehova, helâ me lap anyi Ahaba: anyin a ödrin je hnyat ûsabö më hwaban mok anyin kamen, me e ame kong ut.

II. Man Ûlabainy Je Than. 34:25

can ödrin e hna degeci nya, me leû utö ae bo so ka ke je khong, mʼ ödrin e ohmö-nyini nya ge ta je huliwa hia anyin je hnyamödrin; anyin a wale ame ubâhlâ thö anyik hmonyin ka dok ang, ke adre me ca he ka ume.

Salamo 1:1

HNAHIC hnen at ame ca vheno uhne-namö anyin tavat ae monu, Kʼ ame ca tot hnyi gethen deny tavat adre me ânyâ hulo, Kʼ ame ca laba hnyi tap taben at ame ûhiö.

Salamo 44:13

U me wiʼ öhmun mʼ adre me he ka haikongu öhmun, tavat adre me laba hakekenyi öhmun, Me hnân hi öhmun me hlumʼ öhmun hnen tavat adre me laba igigili öhmun.

Salamo 44:14

U me wiʼ öhmun me hnân taben ûhiö anyin aten ke je hnyei, Me hnân nyinyikâ ban hnyi wanben je hnyei.

Isaia 25:8

E ame hia but utâ mok me ohia e; ke ame he Than Iehova ka kot degecâ ta je deköiö ûnyi hnyi ta je hnyimak hia thithö; ke e ame he ka ohia hna haikongoâ lakeiny ûnyi eang hmeledrany hia: anyin ame ha Iehova.

Isaia 9:16

Anyin a haba tavat adre me su tavat ang, me wale tavat omonu ödra; ke adre me ohi ödra a tavat he hotudrin.

Jeremia 19:8

Ke oge me he ka wia taun ang hnân kuko me jû; ame he tavat adre me gethen hnyin ka lâiâ me jû, can ta je mok hnyin.

Jeremia 25:18

wale Jerusalema me je tauniny Juda, me je thaniny, me je taben, mʼ adre me wiʼ ödra he ka ba wan, me hnân kuko me jû, me hangâ helâ me hnyi bong ang;

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 29:18

Ke oge me he ka hnu ödra ge hele vat, me hmiâ, me mok ae cap; ke oge me he ka hnödra ka he monu hnyi je dokhu hia eang hmeledrany, me me hnân hangâ, me kuku, me jû, me hnân haikongoâ hnyi ta je hnyei hia thithö waleji oge me he ka obʼ ödra ka hnyin:

Jeremia 51:51

Ohmun e hmehma but anyin a ohmun e löng hna ûhaikonguny; ame tube je hnyimaköhmun hmehma: anyin a haba je atkanyua adre me o but ka hnyi je dok a kabiny uma umö Iehova.

Jeremia 7:24

Ke adre me ca long bi, me tevehlöng, ke adre me vheno hnödra bi hna ûhnenamö hoton ihwegien hnyekudra ae kong; me he nulötudra, ke ca hnyimakodra bi.

Je tenge anyi Jeremi 5:1

IEHOVA lö, ûnykûme ju ûnyi a o kohmun: Bwele ju me wâ hna haikongu ohmun.

Ezekiela 39:26

Ke adre me he ka vheno anyidra hmehma, ke hwakecidra ae kong waleji adre me ânyâ könya, ödra ka he ka Aba hnahic hnyi idra hnyei, ke ba at ame he ka ootʼ ödra;

Daniela 9:16

Than lö, ö u ohaûâ but ânyâm hmonyin me ânyâm wathethot ûnyi hnyi ânyâm taun a Jerusalema, ânyâm bucen ae kap, hoton ânyâm wisa: anyin a can anyihmun je hulo, me je hwakecin lakamöhmun ae kong, adre me haikongoâ Jerusalema, me lakem, hnen tavat hia igigili öhmun.

Hosea 12:14

Ke a hia but Eferaima ti okûâ hmonyin; anyin a wale ame he ka hnen bi ju dren hon, kʼ ame he Tuhan ka ohmeto kâu hnen hna ûhaikonguny.

Hosea 5:11

Adre ovecâ Eferaima, adre ngâ e hnyi ûhnei; anyin a e ame ogâ he ka hnu hoton hna hûna.

Mika 2:6

Haingodra ka habe, Ca perofeta thö. Adre me ca he ka perofeta ka hnyat eling; ame ca he ka hia bi ta je hna haikongoâ.

Mika 6:13

Anyin a wale oge hia but kuc u me takû u ge aat ae gan hmâ; ke oge hia but öba wan gam can ânyâm ta je hulo.

Hna Omanenâ 2:20

Ke so bi e hu but gak ûnyi eang gam, a u je hna ka momo jia Jezebela, at ame ha ka habe, e perofeta momo; ke e ame ûne me cubec je atök he ka bi ûnyi monu me hnyi an je hna hudo ka ta je hnatheat.