Mika 5:8 - Iaai Bible 1901 (New Caledonia)

⁸ Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Mika 5:8 ပူးပေါင်းရင်းမြစ်များ

Genese 49:9

Haba Juda me nokon liona; U me he, nökuk, ûhem hnyi hanem: Kʼ ame mokut me iâû helâ me liona, Helâ me liona momo; ia ame he ka bwebwelâ e?

Salamo 104:20

U je ânyâ menekholom me ame hnyinghet ut; Wale ûen ame ibi hwân je menoiny hnyot he ka ngenu.

Salamo 44:5

Ohmun e he ka hagutâ je iwahnaihmiony möhmun ûnyi gam: Ûnyi hnyi iâm ohmun e he ka uto ju tavat adre me tot kohmun.

Salamo 50:22

Tavat öbun e hnying Khong lö, ûnykûme ju öbun ang, Wâ oge nye he ka kiʼ öbun, ke ba at he ka omelo:

Ta je Vejec 30:30

Wale liona, at ae man hon je meno, Kʼ ame ca whiö bi ge ke je meno hia;

Isaia 5:29

ke adre me he ka kuku helâ me liona, adre me he ka kuku helâ me je nak liona: eke, adre me he ka kip me oloû je hanidra, me hom ka hnyi dok ae iyong, ke ame he ka ba at ka omelo.

Ezekiela 39:10

mʼ adre me ca he ka thigö hnyi hnyei, me si utö hnyi hnyot; anyin adre me he ka bi meic ge ta je ûnyi hnân vat: ke adre me he ka söh tavat waleji adre me sei ödra, me hûgûnâ ûnyi ge tavat adre me hûgûnâ gadra, haingen Than Iohova.

Hosea 5:14

Anyin a oge me he ka helâ me liona ka Eferaima, ke helâ me nak liona ka lap anyi Juda: haba inya me oge me he ka oloû kia me he but; oge me he ka hom, ke ba at ame he ka hûgûnâ.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 4:13

Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zakaria 10:5

Ke adre me he ka helâ me tavat hwege, tavat adre me uto je iwahnaihmiony hnyi hmudrainy gethen hnyi vat; ke adre me he ka vat, anyin a e unyidra Iehova: ke ame he tavat tabö hors ka hlohlo.

Zakaria 11:6

Anyin oge me ca he hmetu ka betenge ge tavat adre me labâ hnyei, haingö Iehova: ke wâ bi oge me he ka ve hna tavat ka hnyi hnyamen je lahanödra, ke ka hnyi hnyamen tuhan: me adre me he ka kot hnyei, ke oge me ca he ka omeli ödra ûnyi hnyi je hnyamödrin.

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.

Zakaria 14:18

Ke a ne ca hnyi he lap anyin Aigupito, me o but, me ame he ka ba we kodra; ame he ka e bi ling mok ae cap, wale hnö Iehova hna kunâ ka hnyi je hnyei adre me ca hnyi he me tuö bijeûiny uma mano.

Zakaria 9:15

Ame be Iehova tuhan sabaoth ka sing ödra; ke adre me he ka han me uto je veto adre kûlûec; ke adre me he ka ic me mede helâ me tavat adre ic waina: ke adre me he ka unöngöt helâ me kaia, me helâ me je kopiny taben hut.

Malaki 4:3

Ke öbun e he ka uto tavat ae kong; anyin adre me he ka helâ me hnabadröu hmelen je hnyeûcabun hnyi bong waleji oge me thu, haingö Iehova tuhan sabaoth.

Numera 24:9

E ame cibouca, helâ me man liona, Ke helâ me liona momo; ie at ame he ka bwebwelâ? Ame he ka hnahic at ame hahnahici u, Kʼ adre me he ka hangâ at ame hangö u.

Mataio 10:14

Ke kaba at ame ca köp öbun, kʼ ame ca long hobun ta je hofuc, awe, öbun ka didrut ûnyi hnyin uma eling ame ne taun, jijingâ but kânâiny je hnyeûcabun.

Ta je huliwa 18:6

Ke adre me hna degecâ, ke fuc bigan, me e ame jijingâ anyin je ûkhaû me ha ködra, ka habe, Ame he dröbun ka tabâ je böbun bi; ke iny gufa bi nya: hwan walang ang oge me he bi nya ka Aten ta je hnyei.

Heberu 12:25

Wâ ju eâu öbun, ke ca he ka hna degecâ at ame ha hofuc. Anyin a ne ca kec möt tavat eji adre me hna degecâ at ame koû ödra eang hmeledrany, awe, e ca khanʼ öta hmonyin he ka kec möt, öta ka he ka hotuta ka at ame koû ûnyi hnyi drany:

Heberu 2:3

ate me he ka kâmâu ka kec möt ut, öta ka ca oûnyihnatho möt ae nua helâe? waleji a bân Than ka ha, me ame ohnatho köta hnen tavat adre hnyi löng;