Mika 5:7 - Iaai Bible 1901 (New Caledonia)

⁷ Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

Mika 5:7 ပူးပေါင်းရင်းမြစ်များ

II. Samuela 17:12

Me otin e he ka o kâu hnyi dok adre me he ka wâ hnyin, me otin e he ka o kâu helâ me dân hau ame ta ka hnyi kânâ: mʼ ate me ca he ka hna kolon bi me tavat unyin, e ba hmonyin me khaca.

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Salamo 133:3

E ûcû me dân hau hnyi Heberona, Ame ta hon je bucen Ziona: Anyin a Iehova ame hûna eling hnahic, A möt nyiele balua.

Salamo 72:6

E ame he ka ta helâ me we hon ta hnaonying adre sö: E ûcû me we ame ta but ka hnyi ta hnyei.

Ta je Vejec 19:12

Haba wathethot anyin than, me helâ me liona ame kuku; Ke haba anyin betenge, me helâ me dân hau hon hnaonying.

Isaia 32:15

ke ne o but adre me hingâlâ huta hanu ûnyi ethö, kʼ ame he ka hnyei belök hnyebuba, kʼ adre me he ka aû hnyei belök me hnyot bi.

Isaia 44:3

Anyin oge me he ka hingâlâ köiö hon at ame beic, me je wagewe hon dok ae hwahwacit: oge me he ka hingâlâ hanuk hon je mâtrânâm, me hnahicik hon tavat adre me o ûnyi gam:

Isaia 55:10

Anyin ame ta we me kiona ûnyi hnyi drany, kʼ ame ca hmetu bi ka hnyin, kʼ ame okhubitâ kânâ, me öwa e me ovhöngâ e, me ame ham je hatong ka at ame tā, ke jeû ka at ame han;

Isaia 66:19

Ke oge me he ka ip unyidra haten, ke oge me he ka kunâ ka hnyi ta je hnyei tavat gadra adre me kec möt, Tasesa ai, me Pula ai me Luda ai, wale tavat hlic fana, me Tubala ai, me Heleni ai, me ka hnyi je bomene ae sâkâû, tavat adre me ca hnyi long ûthumetu gak, me ca wâ anyik hmanenang: ke adre ma he ka khetâ anyik hmanenang ka hnyi je hnyei.

Jeremia 14:22

Hawa, e hu at unyin ta je ûnyi baû anyin ta je wanaithila ae khana he ka bi we? hawa, e khana drany he ka ham we? hawa, ca u bi Iehova Khonguhmun? anyin a wale ohmun e he ka halubahingâm; anyin a u je op ta je ûnyi hia eling.

Ezekiela 14:22

Ke wâ bi, ame he ka hu kolon hnyin e, a tavat adre me he ka hom but, a je lakon obaga me wahlu: wâ bi, adre me he ka he köbun, ke öbun e he ka wâ ta je hwakecidra me anyidra ta je huliwa: mʼ adre me he ka otubweli öbun ûnyi ge okongon waleji oge me oâ ka Jerusalema, me ta je ûnyi hia oge me oâ ka hnyin.

Ezekiela 47:1

ME e ame ohmetu nya ka hnyi hwanumen uma; ke wâ bi, ame hingölö köiö ûnyi hnyi hmelen hwanumen uma e deiö, anyin ame hnyimakan deiö uma: ke ame hingölö köiö ûnyi hnyi hmelen, hnyi ke keihen metân uma, hnyi ke keihen taben hut ka hnyi hwaiöu,

Ezekiela 5:5

Walang hna ha hnen Than Iehova, ka habe, Walang Jerusalema: oge hia but ip e hnyi wanben je hnyei, ke ame laba ta je hnyei igigilo.

Daniela 11:32

Ke haba tavat ae kong hwakecidra ka hnyi ûhihinyköu, e ame he ka omonu ödra ge hofuc ûtakû: ke haba tavat ae khanʼ ödra Khongudrin adre me he ka hwege me ûjöng.

Hosea 14:5

Oge me he ka helâ me dân hau kö Isaraela: e ame he ka vhong hela me obedila, me sit ut helâ me Lebanona.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Joela 2:32

Ke ame he ka e bi, a haba at ame he ka hawâ iö Iehova me e ame he ka mot: anyin ame he ka hu tavat kec mot hnyi bucen Ziona me Jerusalema, helâji me hna ha hnö Iehova, ke unyin je kolon, hnyat a hawʼ ödra ga Iehova.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Mika 4:13

Todrö, huje, u hluiny Ziona: anyin oge me he ka wia ânyâm fao meno me me fao bi, ke oge me he ka wia je boûjimen je bacam me me bras: mʼ u me he ka kot omomono je hnyei ae se: ke u me he ka ham kö Iehova hnödra je hna söh, ke je omjehedra ka Thaniny hmeledrany hia.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Mika 7:18

Ie ke Khong ae ûcû möu, at ame hna monu, kʼ ame ca oûnyihnathoâ hna hanyâûâ hnen je kolon jekhon? e ame ca tuö anyin hmonyin nyiele balua, anyin a e ame senyin he ka betenge.

Zefania 3:13

Ke ame ca he je kolon! hnyi Isaraela ka ânyâ hulö me ha thoi; kʼ adre me ca he ka wâ hnyi je hnyimödra bohmen ae iyawö; anyin adre me he ka han me mokut, ke ba at ame he ka ooti ödra.

Zakaria 14:8

Ke haba hnyi bong eling ame he ka di köiö möt ûheny Jerusalema; ame he ka di hanen ka hnyi köiö e deiö, ke ke hanen ka hnyi köiö e jio: ame he ka e bi hnyi honivakeny me hnyeun.

Zakaria 9:13

Anyin oge hia but lau Juda hobi könya, me ip Eferaima hon cafana; ke oge me he ka obwebwelâ le lakom, Ziona, lö, ûcon je lakon Heleni, me oge me he ka wiö u helâ me hele vat anyin at ae hwege.

Mataio 28:19

Anyin a wale, he thʼ öbun ka bi latök hnyi ta je hnyei hia thithö, me bapataisoi ödra hnyi ien Kamen, me Nokon, me Hanu Kap:

Ta je huliwa 11:15

Ke inya oge me tiga hwân he ka fuc, me ame o but ködrin Hanu Kap, helâ me köta ehac hnyi can.

Ta je huliwa 13:46

Me ame hwege thö Paulo me Banaba he ka ha, ka habe, E ûcû he ka bân ka omanenâ köbun hofuc hwan Khong. Ke can bi anyin a öbun e hna degecâ me oûnyibâûâ hobi köbun bi möt ame ca ba balua; waleling me ohmu me hwio ka Aten ta je hnyei.

Ta je huliwa 16:9

Ke Paulo ame wâ hna omanenâ hnyi lit; Ame tot at Makedonia, me sumâtâ e, ka habe, He but jem Makedonia ai he ka hadruʼ ohmun.

Ta je huliwa 9:15

Haba Than ame ha kâu, ka habe, He thö, anyin adre ûca e hnân anyik utkaia he ka kap tilâ iök ka Aten ke je hnyei, me ta je than, me lakon Isaraela:

Roma 10:20

Ke hwege Isaia me haingen, ka habe, Ame ō nya hnen tavat adre me ca elöm nya; Ke oge me manen dut ka tavat adre me ca hnei nya bi.

Roma 11:12

Ke a ne tang omjehen dut hmeledrany ta a ödra, me tang omjehen dut Aten ta je hnyei hna otheduoci ödra; hawa, ame ca he ka ti gan hmâ anyidra hnahic?

Roma 9:30

Anyin a wale, ieû ate me he ka ha? A gʼ ame hu hwakecin ae wisa ge Aten ta je hnyei, waleji adre me ca hnu hoton hwakecin ae wisa, wale a hwakecin ae wisa hoton labageju:

I. Korinito 3:6

Inya oge tā, kʼ ame bû ga Apolo; ke haba Khong ame okûâ.

Deuteronomi 32:2

Ame he ka khula bongon ûûneik helâ me we, Ame he ka ta ifucik helâ me hau; Helâ me we ae menyik hon je bö ae mita, Ke helâ me khukhula hon sa khölak:

Owisa 6:36

Ke Gideona ame ha ka Khong, ka habe, U je ne he ka omelö at Isaraela ge hnyamok helâ me hna ba gam,