Mika 5:5 - Iaai Bible 1901 (New Caledonia)

⁵ Kʼ ame he at ang me hnân ûsoköu köta: e ka o but at Asuria ka hnyi ita hnyei, kʼ ame uto je umen latuhöta, waleling ate me he ka otilâ kâu hnyat tuö mamoe a ödrin seven, ke eit ta taben tavat.

Mika 5:5 ပူးပေါင်းရင်းမြစ်များ

Jobu 5:19

E ame he ka omeli u hnyi je vec a siks; Eke, ame ca he ka kalö u hnen hulo hnyi seveniny.

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Ta je Vejec 30:18

Kun ta ûnyi ae iyong könya, Eke, vak ta ûnyi ae ca khanö nya:

Ta je Vejec 30:29

Kun ta ûnyi ae hmanenang hnyi hnödrin hna he, Eke, vak ta ûnyi ae mec ûhedrin.

Ta je Vejec 6:16

Walang ta je ûnyi a siks ame ikiki gan Iehova; Eke, e hu seven e ame hmiân, ka habe,

At Khet 11:2

Ve ha jekhon tavat a ödrin seven, eke, ame ne eit; anyin ae ca khanö u ûkonguny ame he ka o eang hmeledrany.

Isaia 14:25

Ke oge me he ka oamâmâ at Asuria hnyi ik hnyei, me uto e hmelen li cak hon anyik je bucen: me ame he ka hia hna ûhûkâlâköuâ ûnyi gadra, me honen hok ûnyi hnyi hon je bajebenyidra.

Isaia 44:28

at ame ha ga Koreso, ka habe, At tuö mamoe hobi könya, e ame he ka ânyâ hia: e ame he bi ka ha ge Jerusalema, ka habe, Adre me he ka up vetoiny; e ame he ka ha ge uma kap, ka habe, adre me ke ka bi trobâm.

Isaia 59:19

Me adre me he ka outen iö Iehova ûhedra jimeû, me outen anyin hmanenang ûhedra hnyi hna o hnen seûno: anyin a e ame he ka o helâ me wagewe ae hwege, wale ame tûâ hnen; homenö Iehova.

Isaia 65:8

Walang hna ha hnö Iehova, ke habe, Adre me wâ waina ae teb ûnyi hnyi thi vine, ke haingen ke at, ka habe, Ca degec e, anyin ae hu hnahic hnyin: helâe oge me he ka ânyâ, can ta je athnyabaik, mʼ oge me ca he ka tha ohiʼ ödra hia.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 33:15

Hnyi je bong eling, me ûen eling, oge me he ka oâ kö Davita Angin hwakecin ae wisa, ke e ame he ka ânyâ ûnyi ae wisa me ûnyi ae ûcû hnyi hnyei.

Amosa 1:3

Walang hna ha hnö Iehova, ka habe, Can kun ta monuiny Damaseko, eke, can vak, me oge me ca he ka ohavâ hwaban e; anyin adre hia but kokot at Gileada hnen je ûnyi hnân huje hwit a fao:

Amosa 1:6

Walang hna ha hnö Iehova, ka habe, Can kun ta monuiny Gaza, eke, can vak, me oge me ca he ka ohavâ hwaban; anyin adre me hom bâ hnyei hia, mʼ adre me hnʼ ödra ka at Edoma:

Zakaria 10:11

Ke e ame he ka vheno köien ûöveci, me kot je waköiöiny köiö, ke ame he je dok ae dit hnyi Nail ka mada: ke adre me he ka ohnyikânâ bi gan anyin Asuria, ke ame he ka hia hnyi Aigupito uciny musi.

Zakaria 10:3

Ame ubâhlâ thö anyik hmonyin ka tavat tuö mamoe, ke oge me he ka bi hwaban ka je got baga: anyin a hia but Iehova tuhan sabaoth senâ hnahat haleny wale a lap anyi Juda, ke e ame he ka wiʼ ödra helâ me haleny je hors ae mec hnyi vat.

Zakaria 12:6

Hnyi bong eling oge me he ka wia je taben Juda me me helâ me hlogon öt hnyi wanben uto, me helâ me okûnû hnyi je thi hwit; ke adre me he ka an tavat hia igigilo, hnyi ke keihen metâ me me: ke ame be hmetu Jerusalema ka labâ hnen, wale hnyi Jerusalema.

Zakaria 9:10

Ke oge me he ka subâ degecâ kariota ûnyi Eferaima, me hors ûnyi Jerusalema, ke adre me he ka subâ degecâ cafanainy vat; ke e ame he ka ha ûsoköu ka ta je hnyei: ke e ame he ka musi hwân hnyi ke köiö, ke ne o but ka hnyi ke köiö, ke hwân hnyi Wagewe ke ne o but ka hnyi je can hmeledrany.

Zakaria 9:13

Anyin oge hia but lau Juda hobi könya, me ip Eferaima hon cafana; ke oge me he ka obwebwelâ le lakom, Ziona, lö, ûcon je lakon Heleni, me oge me he ka wiö u helâ me hele vat anyin at ae hwege.

Luka 2:14

Ogânâ thö Khong ae nua ethö görany; Ke haba hnyi hmeledrany hnahic unyin tavat wale e ame betenge gadra.

Ioane 14:27

Oge me ip hnahic unyibun; oge me ham köbun anyik hnahic: oge me ca ham köbun helâ me hna ham hnen hmeledrany. Ca hlohlo je hnyekubun, ke ca ot bi.

Ioane 16:33

Oge hia but ha köbun ta je hofuc e me me hu gabun hnahic ûnyi gak. Haba hnyi hmeledrany, adre me he ka oveci öbun: ke hwege thʼ öbun anyin o ge hia but hom dökhu hon hmeledrany.

Hna Omanenâ 17:14

Ame he hnyat eling ka vat me Arenio, ke ame he Arenio ka hwege hudrin, anyin e Tuhan ta je tuhan, me Thaniny ta je than; ke amo he tavat a tha ödra më ka hwege, tavat adre hawâ, me tavat adre ûca, me tavat ae hnathu.

Hna Omanenâ 19:14

Me ame he hoton, je utbavat hnyi drany, adre me tabâ je hors ae hau, adre khavâ mano lino ae ûhnyûkong nân, ae hau me ba hnyikongon.