Mika 5:3 - Iaai Bible 1901 (New Caledonia)

³ Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Mika 5:3 ပူးပေါင်းရင်းမြစ်များ

I. Je Than 14:16

Ke e ame he ka hna degeci Isaraela can je hulö anyi Jeroboama, wale e ame ânyâ, me at ame okûâ je hulö kö Isaraela.

II. Man Ûlabainy Je Than. 30:7

E so öbun e ca he ka helâ me lakamöbun, me je liamekeiny möbun, tavat adre me ânyâ hwakecin ae kong kö Iehova, Khongon lakamödrin, me e ame hnʼ ödrin he ka ba wan, helâ me hnobun hna wâ.

Salamo 67:3

Khong lö, e so ame he tavat ka ole köu. E so ame he tavat hia thithö ka ole köu.

Isaia 11:11

Ke hnyi bong eling ame he hmetu Iehova ka olo inâ hnyamen he ka hom kolon lakeiny, wale a tiga laba, ûheny Asuria me Aigupito, me Patherusi, me Kuza, me Elama, me Sinara, me Hamath, me ûnyi hnyi ta je bomene hnyi köiö.

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Jeremia 23:5

Wâ bi, ame he ka o je bong, haingö Iehova, ke oge me he ka oâ kö Davita? Khûen ae wisa, ke e ame he ka than me; musi me so, me ânyâ ûnyi ae wisa me ûnyi ae ûcû hnyi hnyei.

Jeremia 31:1

HAINGÖ Iehova, ka habe, hnyi ûen eling, oge me he ka Khongon je lap hia anyin at Isaraela, ke adre me he ka lakeik.

Ezekiela 34:16

Oge me he ka elâm at ae hia, me ohmeto hna obâ me ce ujâ at ae hmetru jein, me ohwegiâ at ae sënyin, ke haba at ae pipikhenya ke at ae hwege, me oge me he ka ohia; kʼ oge me he ka ha ödra ge hna owisa.

Hosea 11:8

Eferaima lö, oge me he ka kâmâu ka hna degeci u? Isaraela lö, oge me he ka kâmâu ka hnö u? oge ma kâmâu ka wiö u helâ me Adema? me ip u helâ me Zeboim? kʼ ame hwio oûnykûmik eû hnyi hnyekuk, kʼ ame tha kû gan hmâ thö anyik je tang betenge.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Hosea 2:9

Anyin a wale oge me he hmetu ka hûgûnâ anyik hwit hnyi ûen e, me anyik waina hnyi ûen e, me hûgûnâ anyik leûnen mamoe, me anyik lino a hnân okhâûâ hnen he thu.

Amosa 5:15

Hûkotiâ thö hulo, ke hnyok bi ka so, ke otilâ hmâ ju wisa hnyi homagoule: me ame he la Iehova Khongon sabaoth ka betenge ge je kolon ga Josefa.

Mika 4:4

Ke adre me he ka ve laba hmelen haledra je vine me hmelen haledra je imeta; ke ba at ame he ka ooti ödra: anyin a hia but ha hnen hnyimö Iehova tuhan sabaoth.

Mika 4:7

ke oge me he ka wia at ame ci me hnân kolon, me at adre degec me hnân hnyei ae hwege: kʼ ame he Iehova ka musi ödra hnyi bucen Ziona, hwân walang ang ke ne o but nyiele balua.

Mika 5:7

Ke ame he je kolon ga Jekob hnyi wanben je hnyei ae se hia, helâ me dân hau ûnyi ga Iehova, helâ me we ame khukhula hon hna önying; at ame ca bec ge at, ke ame ca halubahingen at.

Mika 5:8

Ke ame he ka e bi kolon ga Jekob unyin ta je hnyei, hnyi wanben tavat ae se hia, helâ me liona unyin je menoiny hnyot, helâ me nak liona hnyi wanben je hnahat mamoe: wale, ame ne he wanben, e ame he ka uto, me oloû kia, ke ba at ame he ka hûgûnâ.

Mika 6:14

U me he bi ka han, me u me ca he bi ka sekom; ke ame he ka e bi hnyi wanbâm hna hom ûhnyûkongu u: ke u me he ka sukhöunâ omjeû, kʼ ame ca he bi ka sot hnâm hna sukhöunâ; ke haba ûnyi u me hom, me oge me he bi nya ka hna ka hnyi hele vat.

Mika 7:13

Ke ame be ka ba wan hnyei can hulo anyin tavat adre me labâ e, me wale troban anyidra ta je huliwa.

Zakaria 10:6

Ke oge me he ka ha hwegien lap anyi Juda, me omelö lap anyi Josefa, me ohmetu ödra, anyin oge me betenge gadra; ke adre me he ka helâ ke mʼ oge me ca digic ödra: anyin a inya Iehova Khongudrin, ke oge me he ka ling ödra.

Mataio 1:21

Ke e ame he ka hnokoâ da, ke u me he ka hwenyi ien Iesu; anyin a e at ame he ka omelö lakeiny ûnyi hnyi anyidra ta je hulö.

Mataio 12:50

Anyin a haba at ame ânyâ we Cica ethö hnyi drany, wale thibi e keik, me hanik, me hinyök.

Mataio 25:40

Me ame he Than ka thu ködrin, ka habe, E hnathu inya oge me ha köbun, habaji ge hnobun hna ânyâ ka ke at gadra ae ûhnyûkong hmonyin a je liamekeiny mönya, me öbun e ânyâ ling könya.

Roma 8:29

Anyin a haba tavat waleji e ame wâhmakhmetu ödra, me e ame ip ödra minya he ka tha bongudra me tulutiny Nokon, me me atö bi e unyin je liamekeiny ae se hia: