Mika 5:2 - Iaai Bible 1901 (New Caledonia)

² Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mika 5:2 ပူးပေါင်းရင်းမြစ်များ

Genese 35:16

Ke adre me he ûhedrin Bethela; ke tiga ca sâkâû bi Eferatha: kʼ ame vec hnyeku Rakela ke vec hmönyin.

Genese 35:19

Ke a mokcu Rakela, me adre me konâm hnyi gethen ka he Eferatha ai, wale (Bethelema).

Genese 48:7

Ke haba ûhek Padana, me a mokcu Rakela unyik hnyi hnyei Kanana eû hnyi gethen ke hakekeny Eferatha: kʼ oge me konâm e hnyi deny ka he Eferatha ai, (wale Betheleema).

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

I. Man Ûlabainy Je Than. 2:54

Haba je baga laku Salema; me Bethe-leema, me at Netofa, me Ataroth-bethe-joaba, me hafiny at Manakatha, me at Zorea.

I. Man Ûlabainy Je Than. 4:4

me Penuela kamö Gedor, me Ezera kamö Husa. Wale je baga laku Huro, nokon a bân nöku Eferatha, kamö Bethe-leema.

I. Man Ûlabainy Je Than. 5:2

Ke haba Juda me at ae hwege hon je liamekeiny mē, ke a deny e than; he e hu ga Josefa hanymen atö:)

Salamo 132:6

Wâ bi ate me long ûnyi eling hnyi Eferatha: Ate me wâ but e hnyi ta hnyei hnyi hnyot.

Salamo 90:2

Adre me tiga ca hnokoâ ta je bucen, Kʼ u tiga ca op hmeleledrany me hon kânâ, Waleji hwân adrem balua ke ne o but nyiele balua, u thibi Khong.

Esodo 18:21

Ke haba khaca u me he ka ûca ûnyi ge tavat hia hnyat ae metâ, ödrin e outen Khong, a hnyat ae hnathu, odrin e hûkötiâ troban thoi; ke otilʼ odrin hon tavat, hnân je taben thauzan, me je taben haded, me je taben fifte, me je taben libenyita:

Esodo 18:25

Ke Mose ame ûca hnyat ae metâ unyin at Isaraela hia, me otilʼ odrin me je homakan tavat, a je taben thauzan, me je taben haded, me je taben fifte, me je taben libenyita.

Isaia 11:1

KE ame he ka o khûen ûnyi hnyi iwân anyi Jese, ke ame he ka wa wan ke vheiny ûnyi hnyi anyin iwân:

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Isaia 55:4

Wâ bi, oge hia but otilâ e hnân at ohnathoâ ka tavat, ke homakan, ke at musi ka tavat.

Isaia 7:14

Anyin a wale, ame he Than ka ham köbun haten; wâ bi, ame he hlu ka erkin, me hnokoâ da, me hwenyi ien e Emanuela.

Jeremia 30:21

Ke ame he ka o than ûnyi gadra, ke ame he ka o ûnyi hnyi wanbödra at ama musi ödra; ke oge me he ka ohakekenyâ e könya: ke ie at ae hu tang hwegien he ka hakekenyi nya? haingö Iehova.

Hosea 6:3

Ke so ate me wâhmakhmeto, e so ate me he hoton he ka ö Iehova; e hmâ bi hnen hna he, helâ me hnyomakatu; ke e ame he ka o köta helâ me we, helâ me we a biliny ame hû kânâ.

Amosa 9:11

Hnyi bong eling oge me he bi ka hai uma menâ umo Davita a ta, me okhötâ hmetu je dok ae hmouca hnyin; ke oge me he ka otilâ je ke keihen a amam but, me op hmeto e helâ me hnyi je bong ehac;

Mika 4:10

Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Zakaria 9:9

Senyin gan hmâ thö u hluiny Ziona; kuku thö u hluiny Jerusalema: wâ bi ame he ka he but köu Tuhâm: e at ae wisa, ke tren ûhomeli; at ae ilemuk, ame tabö asina, me nak asina a nokon asina.

Mataio 2:1

A DRE me hnöku Iesu hnyi Betheleema hnyi hnyei Juda hnyi ta je bong bongu Heroda a than, ke wâ bi, ame o but ta je magoi hnyi Jerusalema ûhedrin jimeyö,

Mataio 2:6

Ke haba u Betheleema hnyei Juda, U ca ûhnyûkong ge je taben hnyi hnyei Juda: Anyin ame he ka o gam at musi, At ame he ka muso lakeik a at Isaraela.

Mataio 28:18

Me haba Iesu ame o but ködrin me ba hofuc ködrin, haingen, ka habe, Adre hia but ham könya musi hia hnyi drany me eang hmeledrany.

Luka 23:2

Ke adre me hwân he ka bi fuco e, ka habe, Ohmun e wâ but at ang ame omono ita hnyei, kʼ ame thawâ he ka fat kö Kaisara, kʼ ame ha, a e thibi Keriso a ke than bi.

Luka 23:38

Ke e hu tusi adre sihnalimen hon ka habe, WALANG TUHAN AT JUDA.

Ioane 7:42

Hawa, adre me ca ha bi hnyi hna sihnalimen, ka habe, Ame he ka o Keriso ûnyi ge mâtrâni Davita, ke haba taun anyi Davita, me Betheleema.

Deuteronomi 1:15

Waleling me oge me hom ta je taben anyibun je tribu, tavat ae metâ, adre wâhmakhmeto, me otilʼ ödrin hnân je homakan köbun, a je taben thauzan, me je taben haded, me je taben fifte, me je taben ten, me tavat musi, hoton anyibun je tribu.

Kolose 1:17

ke e a bân ke biliny bi ta je ûnyi hia thithö, ke ame tethmâ ta je ûnyi hia thithö ûnyi gan.

Heberu 13:8

Haba Iesu Keriso, me, ame ca wia bala, et, me hnyi bong ang, me nyiele balua.

Heberu 7:14

Anyin ae manen a ga o but Tuhöta ûnyi hnyi Juda; ke ba hofuc a ha Mose ge hanymen at bihut hnyi tribu eling.

I. Ioane 1:1

HABA ûnyi ae ûnyi hnyi can waleji öhmun e löng me wâ ge je emaköhmun, me wâ hmâ, me kâlâ ge je hnyamöhmun, hnyi Hofucin Möt

Hna Omanenâ 19:16

Ke e ame khavâ khaûen, ke adre set ke ien hnyi jevan, ka habe, TUHAN TA JE TUHAN ME THANINY TA JE THAN.

Hna Omanenâ 2:8

Ke sihnalimen ju ka angela anyin ekalesia hnyi Semurina, ka habe, Walang je hofuc ame ha hnen at a bân ke a biliny, waleji a mokcu ke a möt hmetu thö.

Hna Omanenâ 21:6

Ke haingen könya, ka habe, Adre hia but ânyâ. Inya Alefa me Omega, wale hwân me obiny. Oge me he ka ham bâûâ köien möt ame pupua ka at ame beic.

Owisa 17:7

Ke wale ke hidröu ûheny Bethe-leema-juda, hanen lap anyi Juda, ke e at Levi bi, ke e ame laba kanyua eling.

Rutha 1:1

HNYI ûen musi anyin hnyat owisa, ame o but hmiâ hnyi hnyei. Ke ame he ke at Bethe-leema-juda he ka laba kanyua hnyi hnyei Moaba, e, me âiân, me lakon li baga.

Rutha 4:11

Me ame ha tavat hia thithö hnyi homagöule me je hingat, ka habe, Ohmun tavat ohnatho. Hamö Iehova he ka wia momo ame he ka o ka hnyi umâm uma me me helâ me Rakela me Lea, li at ödre otilâ lap anyi Isaraela: ke e so u me tren ûnyi ae ûcû hnyi Eferatha, me lung hnyi Beth-eleema:

I. Samuela 10:19

ke öbun e hia but degec Khongubun hnyi ûen ang, at a omeli öbun ûnyi ge anyibun je hna okongoâ me hna ovecâ; ke öbun e ha kâu, ka habe, Otilâ thanihmun dö. Awe, omanenʼ öbun dö walang ang hnyi hnyimakö Iehova hoton anyibun je tribu me je thauzan gabun.

I. Samuela 17:12

Ke haba Davita, me nokon at Eferatha, adre hwenyi ien Jese, at Bethe-leema-juda; ke eit lakon obaga: ke e at ae hingat ut hnyi je bong bongu Saulo, ke e hingat ae hnathu unyidra.

I. Samuela 17:18

me hom je fromage a ten ka taben anyidrin je thauzan, me wâ hawa ge latuhâm a kun, me kap anyidrin haten.

I. Samuela 23:23

Anyin a wale wâ eâu, me khana wia je dok hia wale e ame lubaduöng hnyin, ke hmetu thö könya me hnathu, ke oge me he ka tha he möbun: ke wâ bi, ame ne e bi hnyi hnyei oge me he ka elâm e wanben je thauzan anyin at Juda hia thithö.

I. Samuela 8:12

ke e ame he ka otilʼ ödrin hobi kâu je taben thauzan, me je taben je fifte; me he ka wia kânâin kânâ, me subâ anyin hwit, me he ka tibet anyin je ûnyi hnân vat, me je ûnyi hobi kâu anyin je kariota.