Mika 5:13 - Iaai Bible 1901 (New Caledonia)

¹³ ke oge me he ka sö degecâ ânyâm je hnatheat me ânyâm je veto adre otilâ hnyi wanbâm; ke u me ca he hmetu ka khudrung ka huliwa anyin li hnyamâm.

Mika 5:13 ပူးပေါင်းရင်းမြစ်များ

Isaia 2:18

Ke ame he ka hia hia but ta je idola.

Isaia 2:8

Ke unöngötö idra hnyei ge ta je idola; kʼ adre me khudrung ka huliwa anyin ta je hnyamödra, wale adre me ânyâ ge je banyödra.

Isaia 27:9

Anyin a wale adre me he ka hneû degecâ hulo anyi Jekob, ke walang wan hia hnyi hna ohia anyin hulo; e ka ânyâ je vetoiny hia taben hut, me me helâ me veten inyâ veto adre me oamamâ, me me ca he hmetu ka tot je Aseira, me je hna theati seûno.

Ezekiela 16:41

Ke adre me he ka thong degecâ umâm je uma ge meic, me bi hwaban köu hnyi hnyimakan omomo ae se hia; kʼ oge me he ka thao u mʼ u me ca he hmetu ka bi ûnyi monu, ke u me ca he hmetu ka hawâ at ge hwaban.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 37:23

ke adre me ca he hmetu bi ka kong ge anyidra je idola, me anyidra ta je ûnyi ae ikiki, me hnödra je hna hanyâûâ hia: ke oge me he ka omeli ödra ûnyi hnyi je hnyabadra hia waleji adre ânyâ monu hnyin, ke oge me he ka obosoi ödra: helâe adre me he ka lakeik, ke oge me he ka Khongudrin.

Ezekiela 6:9

Kʼ ame he tavat adre me kec möt ka ûnykûmi nya hnyi ta je hnyei adre me he ka laba hwenbâ hnyin, a inya höcö wâ hmetu je hnyekudra ae bi ûnyi monu, waleji ame hna degeci nya, me je emaködra ae bi ûnyi monu hoton anyidra je idola: ke adre me he ka hûkötiʼ ödra bi hnyi hnyimakodra bi, can je hulo waleji adre me ânyâ ge anyidra ta je ûnyi ae ikiki.

Hosea 10:2

Ame kia but je hnyekudra; ke walang adre me he ka owisa anyidra hulo; e ame he ka thö degecâ anyidra je taben hut, me okongoâ anyidra je veto ame tot.

Hosea 14:3

Ame ca he Asuria ka omeli ohmun; ohmun e ca he ka tabâ je hors: ke ohmun e ca he hmetu bi ka ha ke je huliwa anyin je hnyamöhmun, ka habe, Obun je konguhmun: anyin ame wâ unyâm betenge ge tavat a mokcu kamödra.

Hosea 14:8

Ame he Eferaima ka ha, ka habe, Hnân eû hmetu könya je idola? oge hia but thu kâu ke oge me he ka wâ e: iny helâ me köp ae hât; adre me he ka wâ gak wan gam.

Nahuma 1:14

Ke a hia but Iehova hûna gam a gʼ adre me ca he hmetu ka tā hnyat a iâm bi: ke oge me he ka subâ degecâ je khongom a je hnatheat adre me kave me oköiâ ûnyi hnyi umödrin je uma; ke oge me he ka ânyâ ânyâm erkemok; anyin a u kong ut.

Zefania 1:4

Ke oge me he ka hai hnyamok ka hnyi hon at Juda, ke tavat hia adre me laba hnyi Jerusalema; ke oge me he ka subâ degecâ ûnyi hnyi dok ang je kolon Baala, ke ien tavat bihut ka je hnatheat, tha ödra me tavat bihut;

Zakaria 13:2

Ke hnyi bong eling haingö Iehova tuhan sabaoth, me oge me he ka ohia ta je ien je idola hnyi hnyei, mʼ adre me ca he hmetu ka ûnykûme ködrin: ke haba khaca oge me he ka obâ ta je perofeta me ta je hanu ae ikiki hnyi hnyei.

Hna Omanenâ 9:20

Ke haba kolon tavat adre ca hlingâ bi ge ta je mok eling, me adre me ca ietra bi ta je huliwa anyin je hnyamödra, a gʼ adre me khudrung ka ta je demoni, ke je hnatheat gol, me sileva, me bras, me veto, me uto; a ta je ûnyi ae ca khanʼ ödra bwele, me löng, me he:

Owisa 18:17

Me ame he hnyat a thabûng a hnyat ecmâkâ hnyei, me didro, me hom hnatheat adre tretrao, me iefoda, me je idola, me hnatheat adre oköiâ: ke ame tha tot at bihut hnyi homagöule me tavat a siks haded ae hu omjehen vat.