Mika 5:1 - Iaai Bible 1901 (New Caledonia)

¹ HLUINY je deo vat lö, u me he walang ang ka ûkhacaköu me me je deo vat: e ame igigili öta hnen vat: kʼ adre me he ka kot wahicen at owisa hnyi Isaraela ge uci.

Mika 5:1 ပူးပေါင်းရင်းမြစ်များ

Genese 35:19

Ke a mokcu Rakela, me adre me konâm hnyi gethen ka he Eferatha ai, wale (Bethelema).

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

I. Je Than 22:24

Haba Zedekia nöku Kenaana ame hakekenyâ me khaû wahicö Mikaia, me ha, ka habe, A deny ua hanu Iehova ûheny unyik he ka ha bi köu?

II. Je Than 24:2

Ka haba Iehova ame kunâ kâu je deo vat anyin at Kaledaia, me je deo vat anyin at Suria, me je deo vat anyin at Moaba, me je deo vat anyin laku Amona, me kunʼ ödrin Juda ai he ka ohia e, helâ me hofuc ho Iehova waleji e ame ha a deny lathnyabainy a je perofeta.

Jobu 16:10

Ödrin e hia but memang könya ge hnyimödrin; Ödrin e hia but khaû wahicök me haikongu nya: Ödrin e tha sihnök.

Ta je Vejec 8:23

Adre otilö nya kâû adrem bala, hnyi hwân, Hnyi ûen ae tiga ba bi hmeledrany.

Isaia 10:6

Oge me he ka kunâ e ka tavat a adre ca ot, ke oge me he ka hûna kâu hnyei ae hmönyik ka hnyin, he ka hûgûnâ ta je omjeû, me söh ta je ûnyi, me uti ödra helâ me hmudra hnyi je gethen.

Isaia 33:22

Anyin a Iehova at ame owisʼ öta, Iehova at ame ha anyita ge hnanyibu, Iehova tuhöta; e ame he ka omeli öta.

Isaia 8:9

Ta je hnyei lö, hmonyin dö, ke Öbun e he ka omomonu; ke je hnyei hia ae sâkâû lö, tevehlöng ju: oweikâ ju je hnyekubun, ke öbun e he ka omomonu.

Isaia 9:5

Anyin a haba je omjehen vat hia anyin tavat penapena hnân vat, ke je ûkhaû adre me kina hnyin dra, me adre me he ka ip hnân thong, ke hnân hlogon meic.

Jeremia 25:9

Wâ bi, oge me be ka kunâ me hom je lap hia hnyi hwadro, haingö Iehova, me Nebukaneza than Babulona athnyabaik, me oi ödra ûcûdrin hnyei ang, me tavat adre me laba hnyin, me ta je hnyei hia igigilo e; ke oge me he ka ti ohiʼ ödra, me wiʼ ödra hnân kuko me jû, me ba wan nyiele balua.

Jeremia 4:7

Ame he but liona ûheny hnyi umen ūhnyot, at ame okongoâ je hnyei; e ame he hnyi deny gethen, e ame he ûheny hnyi hnen; he ka obâ aten em hnyei, me öba wan ânyâm je taun, me ba but aten.

Je tenge anyi Jeremi 3:30

Hamen he ka hna wahicen ka at ame khaû, a unöngötö ge hna haikongoâ.

Ezekiela 21:32

U me he ka hnân hing utö ka hnyi meic; ame he drâm ka

Ezekiela 24:2

Nokon at lö, sihnalimen ju ien bong, a bong ang: kʼ ame o than Babulona hnyi Jerusalema hnyi bong ang.

Daniela 9:25

Wâhmakhmetoâ thö, ke wâ ûnykûme, a haba hwân hnyi hna hûna he ka ohâtâ me op hmetu Jerusalema ke ne o but at adre hû, a than, me ame he ka seven ta wik: ke haba sikste tu je wik me adre me he ka ânyâ hmetu e, wale je gethen ke köiö igigilo, hnyi ûen adre ovecâ.

Joela 3:9

Haimemenâ thö e ka ta je hnyei; penapena thö vat: bwebwelâ thö tavat hwege; e so e hakekeny me ölö thö tavat vat hia.

Amosa 2:3

ke oge me he ka subâ degecâ at owisa hnyi wanben e, me tha hlingâ e me ta je taben hia hnyin e, haingo Iehova.

Habakuka 1:6

Anyin a wâ bi, oge me oâ at Kaledaia, hnyei ae hiny ame ie utut; tavat adre me vheno ûlauen hmeledrany, he ka hûgûnâ je dok hnân labâ, a ca idra bi.

Habakuka 3:16

Oge me long, me ame ututut hnyekuk, Ame öbubuny li esongodik ge hwan; E amam but je jeiök, ke oge me öbubuny hnyi hnok: Mʼ oge me he ka menâ hnyi bonginy vec, Hnyi ûen e ame o but ûcon hnyei wale ame o kâu a je deo vat,

Mataio 26:67

Me adre me hangöjâ hnyimakan me khaû e: ke haba keihen adre me kolop e,

Mataio 27:30

Me adre me hangöjâ e, me hom hlowe, me kot ban.

Mataio 5:39

ke inya oge me ha köbun, ka habe, Ca hagutâ at ae kong; ke haba at ame khaû wahicâm a metâm, mē wia minya thö ke keihen kâu.

Ioane 18:22

Ke a hia but ha e, me ame khaû e hnen ke at tue, at ame tot hakekenyâ, haingen, ka habe, U me thu helâe kâ taben tavat bihut?

Ioane 19:3

me adre me he thö kâu me ha, ka habe, Talofa Tuhan at Juda! me adre me khaû e.

Ta je huliwa 23:2

Haba at bihut ae nua ame ha ka tavat adre me tot unyin he ka khaû hnyimen.

II. Korinito 11:20

Öbun e hokhnyokâ at, ame ne thalûʼ öbun, ame ne ön öbun, ame ne hom hwenbʼ öbun, ame ne bi gan, ame ne khaû hnyimaköbun.

Deuteronomi 28:49

Ke ame he Iehova ka oâ köu vat, a hnyei ûnyi hnyi dok ae sâkâû ûheny hnyi can hmeledrany, helâ me ugâiny aeto; hnyei ae ca khanö u he ka löng hwan;

Deuteronomi 33:27

Haba hnyabam, me, Khong a nyiele balua; Ke eû hmelâm li benyin a nyiele balua; E ame obâ iwahnaihmiony hnyi hnyimâkâm, Ke haingen, ka habe, Ohia but.

Owisa 17:7

Ke wale ke hidröu ûheny Bethe-leema-juda, hanen lap anyi Juda, ke e at Levi bi, ke e ame laba kanyua eling.