Mika 4:6 - Iaai Bible 1901 (New Caledonia)

⁶ Hnyi bong eling, haingo Iehova, oge me he ka ûkhacaköuâ tavat adre me he ci, ke oge me he ka ûkhöûnâ at adre obâ, me at oge hia but ovecâ;

Mika 4:6 ပူးပေါင်းရင်းမြစ်များ

Salamo 147:2

Iehova ame op Jerusalema; E ame ûkhacakouâ hmetu at Isaraela adre obâ,

Salamo 38:17

Anyin a helâke oge me he ka ta but eâu, Ke haba anyik hloûhloû ka e bala bi hnyi hnyimakök.

Isaia 56:8

Haingen Than Iehova, at ame ûkhacaköuâ ta je hna obâ a at Isaraela, ka habe, Oge me he bi ju ka ûkhacaköu keihen unyin, ke ca ha bi ge hing aten adre hia but ûkhacaköu.

Jeremia 3:18

Hnyi je bong eling ame he lap anyi Juda ka tha he me lap anyi Isaraela, ke adre me he ka tha o ûnyi hnyi hnyei hnyi hwadro ka hnyi hnyei waleji oge ham ka lakamöbun me hnân ibun.

Jeremia 31:8

Wâ bi, oge me he ka hum ödra ûnyi hnyi hnyei hnyi hwadro, me ûkhacaköu ödra ûnyi hnyi je can hmeledrany, tha e mödra je wadröu, me tavat ae kong cadra, me erkin, me momo ame he ka hnokoâ: adre me he ka hmetu kââng, a bunyen ae gan.

Ezekiela 36:24

Anyin a oge me he ka hum öbun unyin tavat, me ûkhacaköu öbun ûnyi hnyi je hnyei hia, me hum öbun ka hnyi ibun.

Mika 2:12

Jekob lö, oge me he ka ûkhacaköuö u hia; e hnathu oge me he ka ûkhöûnâ je kolon Isaraela; oge me he ka tha ip ödra helâ me je mamoe hnyi Bozera; helâ me hnahat meno hnyi idra utkânâ, adre me he ka mede, anyin ae se hia tavat.

Zefania 3:19

Wâ bi, hnyi ûen eling oge me he ka mâdrʼ ödra hia tavat adre me oveci u: ke oge me he ka omelö at ame he ci, ke hlo at adre me obâ; ke oge me he ka wiʼ ödra hnân ogânâ me lung bi, wale adre me hmehma gadra hnyi hmeledrany hia.

Luka 19:10

Anyin a o but Nokon at he ka elâm, me omelö wahia.

Ioane 10:16

E hu minya ke ta je mamoe a halek, a ca hanen kak ang: ke ûcû könya he ka hum ödra minya, ke adre me he ka long ifucik; me me khaca thibi hnahat mamoe, ke khaca thibi at ame tuö.