Mika 4:3 - Iaai Bible 1901 (New Caledonia)

³ Ke e ame he ka owisa ka ta je hnyei ae se hia, me fuc ka je hnyei ae hwege hnyi je dok ae sâkâû; ke adre me he ka kokot anyidra je hele vat me me hnân bi hwio kânâ, ke dödra je ö hnân hele subö vine: ame ca he ke hnyei ka hai hele vat ka ke hnyei, ke adre me ca he hmetu ka ûnö vat.

Mika 4:3 ပူးပေါင်းရင်းမြစ်များ

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 46:9

E ame bi obiny je vat ke ne o but can hmeledrany; E ame ohmetro cafana, me subâ luâ o; E ame thong degecâ je kariota ge meic.

Salamo 72:3

Ame he ta je bucen ka okûâ ûsoköu hobi kâu tavat, Me je dok minya ae hut, hnen hwakecin ae wisa.

Salamo 72:7

Hnyi bonginy ta je bong ame he at ae wisa ka kû khulelau; Kʼ ame he ka gan hmâ ûsoköu ke ne o but ame aû but tehi.

Salamo 82:8

Khong lö, todrö, owisa thö hmeledrany: Anyin ame he ka hu gam ta je hnyei hia thithö.

Salamo 96:13

Hnyi hnyimakö Iehova, anyin a e ame he jem; Anyin a e ame he jem he ka owisa hmeledrany: E ame he ka owisa hmeledrany hnyi wisa; Me ta je hnyei hia hnyi anyin hnathu.

Salamo 98:9

Hnyi hnyimakö Iehova, anyin a e ame he ka o ka owisa hmeledrany; E ame he ka owisa hmeledrany hnyi wisa, Me ta je hnyei hnyi hnathu.

Isaia 2:4

Ke e ame he ka owisa ge ta je hnyei, me nâ je hnyei ae se: ke adre me he ka kokot anyidra je hele vat, me me hnân bi hwio kânâ, me dödra je ö hnân je bâlet adre dela kâu vine: ame ca he ke hnyei ka nang hele vat ka kot ke hnyei, ke adre me ca he hmetu bala he ka nâ vat.

Isaia 25:3

Anyin a wale ame he ka oganö u hnen hnyei ae hwege, ame he ka outö u hnen tauniny je hnyei ae hwege hnyimâködra.

Isaia 51:5

E hakekeny jut hwakecin ae wisa, a he but anyik ûhomeli, ke ame he li benyik ka owisa ta je hnyei; ke ame he ta je bomene ka halubahing nya, me labageju ka hnyi benyik.

Isaia 60:12

Anyin ame he ka hia tavat me dokhu bi adre me höcö bi athnyabaem; eke, adre me he ka ti oba wan ta je hnyei eling.

Isaia 65:25

Ame he bi luko ka tha han me nokon mamoe, ke ame he liona ka han thatûnyin hwit helâ me bolok: ke haba sesâiny kânâ, me wale an ta je on. Ke adre me ca he bi ka okongo me ohia hnyi anyik bucen hia ae kap, haingö Iehova.

Isaia 9:7

Ame ca he ka hu obiny ûganiny anyin musi, me ûsoköu hon theron anyi Davita, me hon dokhon dokhu, he ka ohmâ e me cö e ge hna owisa me hwakecin ae wisa hwân walang ang ke ne o but nyiele balua. Ame he ka ânyâ e hnen weny ae gan hmâ anyi Iehova tuhan sabaoth.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Hosea 2:18

Ke hnyi ûen eling oge me he ka ânyâ ûhihinyköu hobi ködrin me je menoiny hnyot, me je meno ame gâ ethö, me je meno ame iyawâ kânâ: ke oge me he ka thu cafana me hele vat, me vat ûnyi hnyi hnyei, ke oge me he ka omokulic ödrin hnyi sot.

Hosea 2:20

Oge me he ka hum u könya hnyi hnathu: ke ame he ka khanö u Iehova.

Joela 3:2

me oge me he bi ka ûkhacaköuâ je hnyei hia, me hum ödra ka hnyi hnyigöulen bucen anyi Jehosafata; ke oge me he ka ûhnei mʼ ödra eling can lakeik me jekhöûk a Isaraela, wale adre oveseâ ka hnyi je hnyei, me khenâ ik hnyei.

Mika 5:15

Ke oge me he ka bi hwaban hnyi hmonyin me wathethot ka je hnyei adre me ca long bi.

Zakaria 14:3

Ke haba Iehova ame he ka he but, me vat me je hnyei eling, helâji me hnen hna vat hnyi bonginy vat.

Zakaria 8:20

Walang hna ha hnö Iehova tuhan sabaoth, ka habe, Ame he hmetu ka o tavat, ke aten ta je taun ae se hia:

Zakaria 9:10

Ke oge me he ka subâ degecâ kariota ûnyi Eferaima, me hors ûnyi Jerusalema, ke adre me he ka subâ degecâ cafanainy vat; ke e ame he ka ha ûsoköu ka ta je hnyei: ke e ame he ka musi hwân hnyi ke köiö, ke ne o but ka hnyi ke köiö, ke hwân hnyi Wagewe ke ne o but ka hnyi je can hmeledrany.

Ta je huliwa 17:31

anyin a e ame hia but thu bong he ka ûhnei me owisa hmeledrany hnen at e ame hia but otilâ; ke e ame ohnathoâ e ka tavat hia hnyi hnen hna omelö hmetu thö e ûnyi hnyi hna mok.

Hna Omanenâ 19:11

Ke oge me wâ drany adre khong; ke wâ bi hors ae hau, ke haba li ien at ame tabâ e me Wisa me Hnathu; ke e ame hnei me vat hnyi hwakecin ae wisa.

I. Samuela 2:10

Adre me he ka oamamâ tavat adre me vat me Iehova; E ame he ka kunâ hendreng kodra ûheny hnyi drany: Ame he Iehova ka owisa je can hmeledrany; Ke e ame he ka ham tang hwege ka than a aten, Me ogöranyâ faoiny meno anyin at e ame osûâ.