Mika 4:11 - Iaai Bible 1901 (New Caledonia)

¹¹ Ke walang ang ame ûkhacaköu je hnyei ae se ûcom, ke haingodra, ka habe, E so e ame kong bi, e so ate me wâ weta ka Ziona ge je emaköta.

Mika 4:11 ပူးပေါင်းရင်းမြစ်များ

Salamo 129:5

E so adre me he ka hmehma, me ohmetuhmeto ödra hia Wale ame hmiödra Ziona.

Salamo 83:5

Anyin adre hia but tha ûhanyinyâ hwegeâ; Ke adre me ohmâ ûhihinyköu ûö bi ûnyi möu:

Isaia 10:7

Ke so bi e ame ca weny bi he ka helâe, kʼ ame ca ûnykûme hnyekon he ka helâe; ke e bi hnyi hnyekon he ka ohia me subâ degecâ je hnyei ke ca wakhalet bi.

Isaia 17:12

Ekölö! hwan tavat ae se hia, adre me mede helâ me hwan köiö; me iwadringiny je hnyei, adre me wadring helâ me wekhetiny je köiö ae se hia!

Isaia 29:7

Ke ame he ka helâ me bwi me hna omanenâ hnyi lit ûseiny je hnyei hia, tavat adre me vat me Ariela, tavat adre me vat mē me je singiny, me tavat adre me hlec e.

Jeremia 52:4

Ke haba hnyi huna a naininy anyin musi, hnyi tehi a teniny, hnyi bong a teniny tehi, haba Nebukaneza than Babulona ame o but hnyi Jerusalema, e me anyin utbavat hia, me hunuma cicö e; ke adre me otilâ je taben vat igigilo.

Ezekiela 26:3

anyin a wale, walang hna ha hnen Than Iehova, ka habe, Wâ bi, ûcûk u, Turo ke oge me he ka öliâ köu ta je hnyei ae se hia, helâ me köiö ame öliâ ta je waköiöiny.

Ezekiela 38:17

Walang hna ha hnen Than Iehova, ka habe, Hawa, u e at waleji oge ha ehac a deny je athnyabaik a je perofetainy Isaraela, tavat adre me perofeta hnyi je bong eling hnyi je huna ae se hia, a oge me he ka oi u ûcûdra?

Obadia 1:12

Ca he ju ka wâ hnyi bonginy kem, hnyi bonginy vec a e, ke ca hobâ lakon Juda hnyi bonginy bâ; ke ca fuc bi gan hnyi bonginy hloûhloû.

Mika 7:10

Ke ame he je iwahnaihmiöny mönya ka hnyi wâ, ke ame he ka takoû e hnen hmehma; waleji at ame ha könya, ka habe, Ewa Khongom? Ame he li emakök ka wâ e; walang ang adre me he ka ututo e helâ me hmudra eû hnyi gethen.

Zakaria 12:3

Ke hnyi ûen eling oge me he ka wia Jerusalema hnân veto ae hmak ka tavat hia; haba tavat adre me ka kap goranyai, me adre me he ka aat bi; ke ame he ka ûkhacaköu ûcon ta je hnyeiny hia hmeledrany.