Mika 4:10 - Iaai Bible 1901 (New Caledonia)

¹⁰ Vec dö, ke hnokoâ but, u hluiny Ziona, helâ me momo ame vec hnyekon: anyin a u me he ka he but walang ang ûnyi hnyi hnyin taun, me laba hnyi ta hnyei, me o ka hnyi Babulona; ke adre me he ka hûgûnö u ûhem e; kʼ ame he Iehova ka ûcû u eling ûnyi ge je iwahnaihmiöny möu.

Mika 4:10 ပူးပေါင်းရင်းမြစ်များ

II. Je Than 20:18

Ke haba ke je lakom ame he ka o ûnyi gam, a je mâtrânâm, adre me he ka hom dö; me me je eunuka hnyi hnyaban than Babulona.

II. Je Than 25:4

Ke adre me kia taun, me ame kec tavat vat hia hnyi hnyinghet, ödrin e gethen hnyi homagöule wanben li hak veto, hnyi utkânâ iny than: (ke e bi at Kaledaia cicö taun igigilo:) ke haba than ame kec hnyi getheniny dok ae tha hon.

II. Man Ûlabainy Je Than. 33:11

Anyin a wale haba Iehova ame oâ ködrin ie taben vat anyin than Asuria, me ödrin e hum Manase ge je cen, me ca e ge fao, me hom Babulona ai.

II. Man Ûlabainy Je Than. 36:20

Ke e ame hom je kolon adre ca hlingâ ge hele vat Babulona ai; me ödrin e bi athnyabainy me je lakon eling, ke ne o but hnyi ûen ame muso ge dokhu at Peresi:

II. Man Ûlabainy Je Than. 36:23

Walang hna ha hnö Koreso than Peresi, ka habe, Haba Iehova Khongon drany ame hia but ham könya ta je dokhu hia thithö eang hmeledrany; ke e ame hia but hûna könya he ka op ke uma hobi kâu hnyi Jerusalema, wale hnyi hnyei Juda. Haba tavat hia unyibun a hanen je lakeiny hia, e so e ame he thö kâe, me ame he Iehova a Khongon ka tha e mē.

Salamo 106:10

Ke e ame omeli ödra ûnyi hnyi hnyamen at ame hûkötiʼ ödra, Me omeli ödra ûnyi hnyi hnyamen iwahnaihmiony.

Isaia 43:14

Walang hna ha hnö Iehova at omeli öbun, a Kabi Isaraela, ka habe, Can gabun, oge me he ka ûkhûnöng Babulona ai, ke oge me he ka hum ödra hia thithö a je bâ, wale at Kaledia, adre me tabâ je hu adre me senyin hnyin.

Isaia 45:13

Oge hia but oâ at e hnyi wisa, ke oge me he ka owisa deny je gethen hia, e ame he ka op anyik taun, me hna ta je atök a je hwenbâ, ke ca ge hwaban ke ca ge bwihlany, ame ha Iehova tuhan sabaoth.

Isaia 48:20

He but ûheny Babulona, kec dʼ öbun ge at Kaledaia; haimemenâ thö ge hwan khumöng, thumeto ju e, ha ju e ke ne o but hnyi can hmeledrany: ha thö, ka habe, A hia but Iehova ûcû melen athnyabainy a Jekob.

Jeremia 13:4

Hom dö wen u je ûco, wale hnyi hnyâm, ke todrö, he thö Euferate ai, me ikhâlâ e hnyi esopiny kic.

Jeremia 15:21

Ke oge me he ka hûgûnö u ûnyi hnyi hnyamen tavat ae kong, ke oge, me he ka ûco melam ûnyi hnyi hnyamen tavat a ödra wathethot.

Jeremia 29:20

Anyin a wale, löng ju öbun hofuc ho Iehova, öbun hia thithö je bâ waleji oge kunâ Babulona ai ûhebun Jerusalema.

Jeremia 4:31

Anyin oge hia but long hwatenge helâ me momo ame vec hnyekon, helâ me vec anyin momo ame o nokon a bân, ûtengien hluiny Ziona, at ame momokhon, me inâ but li hnyamen, haingen, ka habe, Ekölö gak walang ang! anyin ae sënyin dut hnyekuk hnyi hnyimakan tavat ûhlingö.

Jeremia 48:41

Adre hûgûnâ Kerioth, ke ame hom uthmâhmâ je hnabâ, ke hnyi bong eling ame he hnyekon tavat hwege hnyi Moaba ka helâ me hnyekon momo ame he ka hnokoâ.

Jeremia 52:27

Ke haba than Babulona ame kot hlingʼ ödra hnyi Ribela hnyi hnyei Hamath. Me adre me hom hwenbâ at Juda ûnyi hnyi idra hnyei.

Hosea 1:10

Ke so bi haba numerainy lakon Isaraela, me ame he ka ûcû me ûnyin köiö, wale ae ca khana bi ke at he ka tuluto me aû numerainy; ke haba hnyi dok wale adre me ha kodra, ka habe, Ca lakeik ut öbun, me adre me he bi ka ha kodra, ka habe, Öbun lakon Khong ae mot.

Hosea 13:13

Ame he ka o kâu vec, helâ me momo ame he ka hnokoâ: e nokon ae ba metâ; anyin e ca so e ame bec he ka kolu.

Hosea 2:14

Anyin a wale, wâ bi oge me he ka lelö e me hom e hnyebuba ai, me ita hofuc kâu.

Mika 5:2

Ke haba u Bethe-leema Eferatha, a at ae ûhnyûkong unyin ta je thauzan hnyi Juda, me ame he ka o hobi könya ûnyi gam at musi hnyi Isaraela; at ame he ehele hwân kâû adrem, ke nyiele balua.

Mika 5:3

Anyin a wale e ame he ka hnʼ ödra, ke ne o but ûen ame he ka hnokoâ hnen momo ame vec hnyekon: me ame he ka hmetu je kolon a je liamekeiny më ka lakon Isaraela.

Hna Omanenâ 12:14

Ke adre me ham ka momo li labenyin aeto ae gan, me me gâ ûnyi hnyi hnyimakan on ka hnyi hnyebuba a hnen, ke adre hat eling, hnyi ûen a khaca, me je ûen, me haf ûen.