Mika 4:1 - Iaai Bible 1901 (New Caledonia)

¹ KE haba hnyi je bong a biliny adre me he ka otethmâ buceniny uma kap umo Iehova hon ban je bucen, ke adre me he ka ogöranyâ e hon je hut, ke ame he ta je hnyei hia ka he kâu.

Mika 4:1 ပူးပေါင်းရင်းမြစ်များ

Genese 49:1

KE Jekob ame hawâ lakon, me ha, ka habe: Ûkhacaköu thʼ öbun, kʼ oge ame me he ka omanenâ köbun ta je ûnyi he ka o köbun hnyi ta je bong a biliny.

Genese 49:10

Ame ca he ka hia ûnyi Juda uci musi, Me at bi hnanyibu ûheny hnyi wanben li can, Ke ne o but ame o Silo; Kʼ ame he ta je hnyei ka löng hoton.

Salamo 110:3

Haba lakem adre me he ka hudo me hnyekudra bi hnyi bonginy manâm man; Hnyi ta je hmanenang ae kap ûnyi hnyi tangen hnökuiny haolany, E bi unyâm dân hauiny ânyâm hidröu,

Salamo 22:27

Ame he je can hmeledrany hia ka ûnykûme me hwio kö Iehova: Ke ame he ta je lap anyin ta je hnyei ka khudrung hnyi hnyimakan.

Salamo 48:1

E GAN hmâ Iehova, a hnân ti ogânâ, Hnyi taun anyin Khonguta, a anyin bucen ae kap.

Salamo 86:9

Than lö, ame he ta je hnyei hia thithö u je op ka o me khudrung ju hnyi hnyimâkâm, Me adre me be ka ogânâ iâm.

Isaia 27:13

Ke haba hnyi bong eling, me adre me he ka tûâ trutru ae gan; ke ame he ka he tavat wale adre me hakekeny ka mok hnyi hnyei Asuria, me tavat adre me hna degecâ hnyi hnyei Aigupito; me adre me he ka hmi kö Iehova hnyi bucen ae kap hnyi Jerusalema.

Isaia 43:6

oge me he ka ha ka ke keihen hwadro, ka habe, Hna but; ke ka ke keihen hwaiöu, Ca behânâ bi; hom but lakuk obaga ûhedra sâkâû, ke lakuk wahlu ûnyi hnyi je can hmeledrany;

Isaia 49:6

eke, haingen, ka habe, E ti hâhâ a u me he ka bi athnyabaik he ka ogöranyâ je tribu anyi Jekob, ke ohâtâ hmetu hnyat adre tuö a at Isaraela: me oge me he bi minya he ka hnö u hnân melaminy ta je Ethen, ke hnân anyik ûhomeli ka hnyi can hmeledrany.

Isaia 54:2

Ogânâ but umâm uma mano, ke so adre me he bi ka ulili mano singiny hnyabam; ca behânâ: obeûâ but ânyâm je tö, ke ohmâ ju ânyâm je ohmâiny tö.

Isaia 56:7

oge me he ka hom tavat eling ka hnyi anyik bucen ae kap, me osenyini ödra hnyi uma hnân hic könya; ke haba anyidra je hut adre le, ke anyidra je hut, adre me he ka kap hon tabök tap: ke adre me he ka ha ge umök uma, ka habe, ae uma hnân hic hobi kâu ta je hnyei hia thithö.

Jeremia 16:19

Iehova lö, tang hwegiök, me hnok hnabâ, me hnok hna lubaduöng hnyi bonginy vec, ame he ka o köu ta je hnyei ûnyi hnyi je can hmeledrany me ha, ka habe, e ba jekhon je lakamöbun, ke so bi, thoi, wale je ûnyi baû me ba troban hnyin.

Jeremia 26:18

Haba Mika at Moresa ame perofeta hnyi bong bongu Hezekia than Juda; ke e ame ha ka tavat hia, ka habe, Walang hna ha hnö Iehova tuhan sabaoth, ka habe, Adre me he ka seû Ziona helâ me utkânâ, ke adre me he ka wia Jerusalema me me hna digic thatûnyi, me buceniny uma ka helâ me je dok ae gorany hnyi hnyot.

Jeremia 3:17

Hnyi ûen eling adre me he ka hâiâ Jerusalema, ka habe, theron anyi Iehova: ke adre me he ka ûkhacaköu ka hnyin je hnyei hia thithö, ka iö Iehova hnyi Jerusalema: ke adre me ca he hmetu ka hnu hoton je hnyekudra ae ûjöng me kong.

Jeremia 31:12

Ke adre me he ka o me khumöng hnyi dok ae gorany hnyi Ziona, me tha he ka hnyi soi Iehova, ka hnyi hwit, me waina, me wakaco, me je nokon mamoe, me kau: ke ame he je hnyekudra ka helâ me hna belök adre hû; ke adre me ca he balua hmetu he ka tenge.

Jeremia 48:47

Ke so bi, oge me he ka ohmeto at Moaba ûhedra hnyi hna bâ hnyi je bong a biliny, haingö Iehova. Wale hna owisa ka Moaba.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Ezekiela 40:2

Hnyi je hna omanenâ ûnyi ge Khong e ame hum nya ka hnyi hnyei Isaraela, me ip nya hon bucen ae beû göranyai, ke haba hnyi hon e e hu helâke bongon ke taun hnyi hwaiöu.

Ezekiela 43:12

Walang hnanyibuiny uma: haba hnyi ban bucen, me ame he bi ka ti kap hnen e hia igigilo. Wâ bi, wale thibi e hnanyibuiny uma.

Daniela 10:14

Ke walang ang oge me o but he ka thumetu u ge ta je ûnyi ame he ka o ka aten em hnyei hnyi je bong a biliny: anyin ae bec je bonginy hna omanenâ.

Daniela 2:28

ke so bi, e hu Khong hnyi drany at ame omanenâ ta je ûnyi ae iyong, me e ame hia but thumetu u Nebukaneza than, ta je ûnyi ame he ka o nyiele. Walang bwem ke ûnyi eji u je wâ hon hnâm hna mokut:

Daniela 2:35

Me ame tha omomonu but fao, me kânâ kece, me bras, me sileva, me gol, me helâ me unen hwit hnyi hna huje hwit hnyi honivakeny; ke haba ang ame tûâ degecâ, ke ba hmetu bi hnen: ke haba veto, at ame kot hnatheat, me e ame wia me bucen ae gan hmâ, me ame öunöngötâ hmeledrany hia.

Daniela 2:44

Ke haba hnyi je bong bongon je than eling, me ame he Khongon drany ka oâ ke dokhu a gʼ adre me ca he ka ohia nyiele balua, ke adre me ca he ka hna dokhu eling ka ke hnyei; ke e ame he ka kot omomono me ohia ta je dokhu hia eling, ke e ame he ka tethmâ nyiele balua.

Daniela 7:14

Ke adre me ham kâu musi, ke hmanenang, ke dokhu, me me he tavat hia, ke ta je hnyei, ke je ve hwen hnyei ka bi athnyabainy: ke haba anyin musi, me musi ae tethmâ, kʼ ame ca he ka hia; ke haba dokhon dokhu, me adre me ca he bi ka ohia.

Daniela 7:18

Ke ame he ka kap dokhu hnen tavat ae kap anyi Beönua, mödrin e hu bala bi dokhu, wale nyiele nyiele balua.

Daniela 7:22

ke ne o but ame o hingat at kâû adrem, ke adre me hna ka tavat ae kap anyi Beönua he ka owisa; me ame o thö ûen me hu dokhu ge tavat ae kap.

Daniela 7:27

Ke haba dökhu, me musi me ûganiny ta je dökhu eang hmeledrany hia, adre me he ka ham ka tavat ae kap anyi Beönua: dökhu ae hmâ dokhon dökhu, ke ame he ta je musi hia ka bi athnyaba me löng kâu.

Hosea 3:5

me hwaban e ame he lakon Isaraela ka hmetu me elom Iehova Khongudrin, me Davita a tuhödra; me adre me he ka o me outö Iehova me anyin so hnyi je bong a biliny.

Mika 3:12

Anyin a wale adre me he ka wia kânâiny Ziona helâ me utkânâ can gabun, ke haba Jerusalema, me ame he bi hnân digic thatûnyi hnyin, ke buceniny uma me ame he ka helâ me je hut hnyi hnyot.

Zakaria 14:10

Adre me he ka wia hnyei hia me me helâ me dok ae tha hon hwân hnyi Geba ke ne o but hnyi Rimona ke keihen ka hnyi hwaiöuiny Jerusalema; ke adre me he ka ogöranyâ e, ke e ame he ka labâ iny, hwân hnyi homagouleny Beniamina ke ne o but hnyi hnen homagöule a bân, ke ne o but hnyi homagouleny kop, he hwân hnyi tap tue anyi Hananel ke ne o but hnyi hna hlic wan vine anyin than.

Zakaria 2:11

Ke ame he ta je hnyei ae se hia ka tha hien me Iehova hnyi bong eling, ke adre me he bi ka lakeik: ke oge me he ka laba hnyi wanbâm, me u me he ka wâ a ga kunö nya köu Iehova tuhan sabaoth.

Zakaria 8:3

Walang hna ha hnö Iehova, ka habe, Oge me laba hmetu hnyi Ziona, ke oge me he ka laba hnyi wanben Jerusalema: ke adre me he ka hwenyi ien Jerusalema, me Taun ae hnathu; kʼ adre me he ka hwenyi ien bucen anyi Iehova tuhan sabaoth, ka habe, Bucen ae kap.

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Ta je huliwa 2:17

Haingen Khong, ka habe, Hnyi ta je bong a biliny, Oge me he ka hingâlâ hanuk hon tavat hia thithö: Ke amer he lakubun obaga me wahlu ka perofeta, Ke ame he lakubun wahidröu ka wâ je hna omanenâ, Kʼ ame he wahingatibun ka bwo ta je bwi.

Heberu 1:2

me ame ha köta hnyi je bong ang a biliny a deny Nokon, at e ame wia me atö, me me he ka hu gan ta je unyi hia thithö, kʼ ame op ta je dö hia ûnyi gan;

II. Peteru 3:3

a böbun he ka wâhmakhmeto ûnyi eang a haba hnyi ta je bong a biliny, me ame he ka o tavat ûhiö me ûhlumöny, kʼ adre me he ka he hoton ta je wedra bi ae kong,

Hna Omanenâ 11:15

Ke adre tûâ trutru anyin angela a seveniny; me ame o je hwan hofuc ae gan hnyi drany, ame ha, ka habe, Haba dokhu dokhon hmeledrany, me adre hia but wia hnân hobi kâu Tuhöta me Keriso a anyin: me e ame he bi ka musi nyiele nyiele balua.

Hna Omanenâ 15:4

Than lö, ie at ame ca he ka ot me ogânâ iâm î anyin a hake u ke thibi at ae kap; anyin ame he ka o ta je hnyei hia thithö he ka khudrung hnyi hnyimâkâm; anyin adre hia but omanenâ ânyâm ta je huliwa ae wisa.

Hna Omanenâ 20:4

Ke oge me wâ je theron, me hnyat ödrin e laba hon, ke adre me hna ködrin he ka hnei: ke oge me wâ minya je hanon tavat adre subâ je nyidra can hna ohnathu Iesu, ke can hofuc hwan Khong, ke tavat adre me ca hnyi khudrung ka meno, me at a we e, ke adre me ca hnyi kap haten hon je baridra ke hon je hnyamödra; ke adre me möt, kʼ adre me tha musi me Keriso ke ne o but hnyi je huna a wan thauzan.