Mika 3:8 - Iaai Bible 1901 (New Caledonia)

⁸ Ke hnathu a iny unöngötö ge man ûnyi ge hanu Iehova, ke ûnyi ge hna owisa, ke tang hwege he ka omanenâ kö Jekob hnen hna hanyâûâ, me kö Isaraela anyin hulo bi.

Mika 3:8 ပူးပေါင်းရင်းမြစ်များ

Jobu 32:18

Anyin a iny unöngötö ge je hofuc; Kʼ ame musi nya hnen hanu eû hnyi hnyekuk.

Isaia 58:1

HONGOT hwege ju, hai goranyai ifucâm helâ me trutru, ke haimemenâ thö ka lakeik hnödra hna hanyâûâ, ke haimemenâ thö ka lap anyi Jekob anyidra ta je hulo.

Isaia 61:1

E HUK hanon Than Iehova; anyin a hia but Iehova hû nya he ka khetâ uthumetu ae so ka tavat ae ilemuk; e ame kunö nya he ka lan tavat ae vec hnyekudra, me he ka ha hna hna bâûâ ka ta je bâ, me hna khong uma ce at ka tavat adre ca;

Isaia 61:2

he ka haimemenâ hunainy ae ûcû kö Iehova, me bonginy bi hwaban ge Khonguta; he ka otubwelâ tavat hia adre me tenge thungaû;

Jeremia 1:18

Anyin a wâ bi, oge hia but wiö u hnyi bong ang me hnân taun adre up haginy, me hmolom fao, me hak bras, ûcon tavat hia, ûcon je than Juda, me je taben e, me anyin tavat bihut, me tavat aten hnyei.

Jeremia 20:9

Ke oge me ha, ka habe, Oge me ca he ka hâiâ e, me fuc hmetu hnyi ien, ke haba, e bi û hnyi hnyekuk helâ me meic ae mot, adre hlöng hnyi hnyin je jeiok, ke iny sënyin dut anyin hokhnyok, ke pason.

Jeremia 6:11

Anyin a wale, oge me unöngöt ge hmonyin anyi Iehova; iny sënyin dut ge hok hnyok: hingâlâ but e hon je thoth eû hnyi gethen, me hon wahidröu adre me tha ûkhacaköu: anyin adre me he ka tha hom baga me âiân momo, me hingat me at ae se hia hunainy.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 16:2

Nokon at lö, omanenâ thö ka Jerusalema ta je ûnyi ae ikiki hnyin.

Ezekiela 20:4

Hawa, nokon at lö, u me he ka owisa kodra, hawa u me he ka owisa kodra? omanenâ thöʼ kodra je hwakecin ae ikiki anyin lakamödrin:

Ezekiela 22:2

Nokon at lö, hawa, u me he ka owisa, u me he ka owisa taun ae kong ge dra? awe, omanenâ thö kâu ta je ûnyi ae ikiki gan hia.

Ezekiela 23:36

Ke haba khaca, Iehova ame ha könya, ka habe, Nokon at lö, hawa, u me he ka owiso Ahola me Aholiba? awe, omanenâ thö ködru hwakecidru ae ikiki.

Ezekiela 3:14

Me hanu ame köp nya göranyai, me hum nya: ke oge me he but, ke iny vec me hmonyin, ke e hwege hnyamö Iehova huk.

Ezekiela 43:10

Nokon at lö, hamâm he ka omanenâ uma ka lap anyi Isaraela mʼ adre me he ka hmehma ge hwakecidra ae kong: ke hnʼ ödra bi he ka tuluto tulut.

Mataio 7:29

anyin a e ame nʼ ödra helâ me at ae man, ke ca helâ bi me tavat sihnalimen.

Mareko 3:17

haba Iakobo nöku Zebedaio, ke Ioane liamekeiny me Iakobo; me e ame hwenyi iödru, ka habe, Boanerege, walang bongon, Li lakon hendreng:

I. Korinito 2:4

Ke haba ifucik ke hnok hna khetâ, me ca hnen bi hofuc ae senem hnyi metâ, ke ame kû hnen Hanu me man: