Mika 3:5 - Iaai Bible 1901 (New Caledonia)

⁵ Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Mika 3:5 ပူးပေါင်းရင်းမြစ်များ

Ta je Vejec 28:21

E ca so he ka wâhmakhmetoâ at: Ke ca so he ka hanyâûâ hobi kâu ujeû.

Isaia 3:12

Ke haba lakeik, ame sedʼ ödra hnen je wanakat, ke ame musi ödra hnen je momo. Lakeik lö, a omonu u hnen tavat adre me su u, me ohia dem ta je gethen.

Jeremia 23:27

Tavat adre me ûnykûme he ka ohnyingâ lakeik wale ge iök hnen je bwidra, wale adre me ve ha ka lahanödra, helâji me hnen lakamödra hna hnying iök ga Baala.

Jeremia 23:32

Wâ bi, ûcûk ta je perofeta tavat adre me bwi thoi, haingö Iehova, wale tavat adre me ha bi me omono lakeik hnen anyidra ta je thoi, me hwakecidra ae hop: ke oge me ca kunʼ ödra me hûna kodra; ke ame he ka ba troban ka hnyei ang ûnyi gadra, haingö Iehova.

Jeremia 6:14

Ke adre hia but ometo ûhnyûkongoâ je aat hnân lakeik me ha, ka habe, E hnahic ut, e hnahic ut: ke ba bi hnahic.

Jeremia 6:4

Penapena thö he ka vat më; todrö, me ate me he ka ölö hnyi jebigo. E köiö gata! anyin ae haû but seuno, e beû but je hmenon sahac.

Je tenge anyi Jeremi 2:14

Ânyâm je perofeta adre hia but wâ hobi köu ta je hna omanenâ ae ûnyi baû me monu; Ke adre me ca omanenâ bi hwakecâm ae monu, he ka ohmetu u ûhem hnyi hna bâ: Ke adre hia but wâ hobi köu je hok ae thoi me hnân omono.

Ezekiela 13:9

Ke ame he hnyamok ka ve e me je perofeta tavat adre me wâ ûnyi ae ûnyi baû, me bi khong thoi; adre me ca he ka hnyi hanen ûhnenamö anyin lakeik, ke adre me ca he ka sihnalimidra hnyi tusiny lap anyi Isaraela, ke adre me ca he ka o ka hnyi hnyei Isaraela; ke ame he ka khanʼ öbun a inya Iehova.

Hosea 4:5

Ke u me he ka haû hnyi selany, ke u me he ka tha haû me perofeta hnyi lit; ke oge me he ka ohia hinyâm.

Joela 3:9

Haimemenâ thö e ka ta je hnyei; penapena thö vat: bwebwelâ thö tavat hwege; e so e hakekeny me ölö thö tavat vat hia.

Mika 2:11

Ame ne he ke at wale ame vheno ang me iyawo ka ha thoi, ka habe, Oge me he ka perofeta köu ge waina me grâg; awe, hamen bi he ka perofeta ka tavat ang.

Mika 3:11

Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Malaki 2:8

Ke öbun e saû but ûnyi hnyi gethen; öbun e hia but ohavâ tavat ae se hia hnyi hnanyibu; öbun e hia but okongoâ ûhihinyköu anyi Levi, haingö Iehova tuhan sabaoth.

Mataio 15:14

Hnʼ ödra but: ödra je hnyat kû gethen kʼ ödra wadröu. Ke a ne lelö wadröu ge ke wadröu, ödru me he ka tha ta eû hnyi hmonop.

Mataio 7:15

O ʼban âu ge ta je perofeta thoi, adre me o but köbun, kʼ adre me khavâ je ûkhaûiny mamoe, ke eû hnyi hnyidrin je luko ae ûhûlû hmonyin.

Roma 16:18

Anyin a haba tavat helâe, me adre me ca bi athnyabainy Tuhöta Iesu Keriso, ke ka je hnyekudra bi, ke adre me omonoâ je hnyekon tavat ae ca khanʼ ödra ta je ûnyi, hnen hofuc ae menyik me ûtakû.