Mika 3:3 - Iaai Bible 1901 (New Caledonia)

³ tavat adre me an minya unyin lakeik; kʼ adre me uja unen unyidra, ke thu je jeiödra: eke, adre me susubʼ ödra helâke me hnân öt, ke helâke me je uthmeno hnân öt ae gan.

Mika 3:3 ပူးပေါင်းရင်းမြစ်များ

Salamo 14:4

Hawa, e ba hnyekudra tavat hia adre ânyâ hulö? A tavat adre me an lakeik helâke me hna an jeû, Kʼ adre me ca hongot bi kö Iehova.

Salamo 27:2

Hnyi ûen ame o but könya tavat ae kong he ka an vik, Waleji ae hmönyidra könya ke iwahnaihmiony mönya, me adre me haû but me ta.

Ta je Vejec 30:14

E hu dö ke hele vat je nyudra, ke je hele vat je wehûlûsinaidra, He ka an tavat ae theduoc hnyi hnyei, ke tavat ae ba ta unyi unyin tavat.

Isaia 3:14

Ame he Iehova ka he me owisa ka wahingatiny lakeiny, me latuhödra; ka habe, Öbun e hia but an hia hnyei vine; ke eio hnyi umöbun je uma ta je ûnyi adre hûgûnâ ge tavat ae theduoc:

Isaia 3:15

ke ieû gabun öbun e okongoâ lakeik, me omomono hnyimakan ta je theduoc? haingö Iehova tuhan sabaoth.

Ezekiela 11:3

haingödru, ka habe, E ca hakekeny bi ûen he ka op uma: haba taun ang, me helâ me öt, ke ota ang ta je utiö.

Ezekiela 24:4

ke ûkhöûnâ thö ka hnyin je uthmeno, je uthmeno ae so, wale li benyin me li can; öunöngötâ thö ge je jö adre ûca.

Amosa 8:4

Long ju hofuc ang öbun tavat öbun e beutâ ta je theduoc, me ota tavat ae vec hnyi hnyei,

Mika 2:8

Ke hwân hnyi je bong ang haba lakeik adre me tot helâ me iwahnaihmiöny: öbun e uny ûkhaû ûnyi hnyi hon khaûen tavat adre me he sot helâ me tavat ûhedra hnyi vat.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.