Mika 3:11 - Iaai Bible 1901 (New Caledonia)

¹¹ Ke haba je homakan, me adre me owisa hnân hwaban, kʼ ame ûne tavat bihut ge hwaban, kʼ ame bi kong hnen je perofetainy ge mone: ke so bi hwakecidra he ka labageju kö Iehova, me ha, ka habe, Hawa ca Iehova hnyi wanböta? ke ba ûnyi ae kong ame he ka o köta.

Mika 3:11 ပူးပေါင်းရင်းမြစ်များ

Ta je Vejec 17:23

Haba at ae kong, me ame oc ut bwihlang ûnyi hnyi ûlainy, Hnân ohwalö deny hna owisa.

Isaia 1:23

Tavat ûkhin fuc je tuhâm, ke lahanen tavat venöu; ödra hia thithö adre me hnyok ta je bwihlany, ka hnu hoton je hwaban: adre me ca owisa hobi kâu at a mokcu kamen, ke adre me ca oâ kodra hna ivino hobi kâu safac.

Isaia 48:2

Anyin a adre me ka hawʼ ödra a hanen taun ae kap, ke adre me ka laba kece ka Khongu Isaraela; Iehova tuhan sabaoth ien.

Isaia 5:23

adre haiwisa at ae monu ge hwaban, me hok wisa unyin at ae wisa!

Isaia 56:11

Eke, e hwenhmiâ je kuli ke ca khanʼ ödra he ka sekudra; ke tavat tuö mamoe ke ca khanʼ ödra bi he k a wâhmakhmeto: ödra hia thithö adre me ve saû ka hnyi dedra bi ta je gethen, adre me ve wia ka anyidra bi troban hnyi je hnödra.

Jeremia 23:17

Adre me ha bala bi ka tavat adre me hûkötiö nya, ka habe, Iehova ame ha, ka habe, Öbun e he ka hnahic: ke adre me ha kodra hia thithö tavat adre me hnu hoton hwegien je hnyekudra bi, ka habe, E ba hulo ame he ka o köbun.

Jeremia 26:7

Ke haba tavat bihut, me je perofeta, me tavat hia adre me ling Jeremia ame ha ta je hofuc eling hnyi uma umö Iehova.

Jeremia 5:12

Adre hia but ivino Iehova, me ha, ka habe, Ca e bi; ke ame ca he ka o köta ûnyi ae kong; ke ate me ca he ka wâ hele vat me hmiâ:

Jeremia 6:13

Anyin a hwân ge tavat ae ûhnyûkong gadra, ke ne o but ge tavat ae gan gadra, ödra hia thithö adre me behnyekudra omjeû; ke hwân ge ta je perofeta ke ne o but ka tavat bihut adre me ânyâ thoi.

Jeremia 7:4

Ca he öbun ka labageju ka ta je hofuc thoi me ha, ka habe, Umo Iehova, umö Iehova, ödrin hia eang.

Jeremia 8:10

Anyin a wale oge me he ka ham je laöiödra ka keihen, me je idra ka keihen he ka labā: anyin a hwân ge tavat ae ûhnyûkong, ke ne o but ka tavat ae gan ödra hia thithö adre me behnyekudra omjeû, hwân ge tavat perofeta, ke ne o but ka tavat bihut, ödra hia thithö adre me huliwa iyawo.

Ezekiela 22:12

E unyâm adre hia but kap je bwihlany mʼ adre me hingâlâ dra; u je hia but hok hwaban ûnyi adre me me ham, ke ta je troban bi, ke u je hia but hwenmiâ ka hom troban ge at ame laba hakekenyi u ge ûöveci, ke u je hnying nya, haingen Than Iehova.

Ezekiela 22:27

Haba je taben hnyi wanben e, me helâ me je luko adre me oloû kia je hanidra; he ka hingâlâ dra, me ohia at, mʼ adre me hu omjeû a deny ta je ûnyi ae ca ûcû.

Ezekiela 34:2

Nokon at lö, perofeta thö ûcon tavat adre me tuö mamoe hnyi Isaraela, perefota thö, me ha kodra, wale ka tavat âdre me tuö memoe, ka habe, Walang hna ha hnen Than Iehova, ka habe, Ekölö ge tavat tuö mamoe hnyi Isaraela, wale tavat adre me ka ha ödra bi! hawa, ca hanymen bi tavat tuö mamoe he ka han hnahat mamoe?

Hosea 4:18

A hiny dut belidra; kʼ adre me bi ûnyi monu bala: ke haba je tuhan me adre me beânyâ ûnyi hnân ohmehma gan.

Hosea 4:8

Adre me ha Ö ʼdra bi ge hulo anyin lakeik, me behnyokâ hwakecidra ae kong.

Amosa 5:14

Elâm dö so, ke ca monu bi, mʼ öbun e mot: me ame he Iehova Khongon sabaoth ka tha e mʼ öbun, helâ me hnobun hna ha.

Amosa 9:10

Kʼ ame he tavat ae kong hnyi ik hnyei ka mok ge hele vat, wale tavat adre me ha, ka habe, Ame ca he ka hakekeny köta, me khaû ota hnen ûnyi ae kong.

Mika 3:5

Walang hna ha hnö Iehova ge je perofeta, tavat adre me omono lakeik; tavat adre me ûhûlû ge ta je nyudra, kʼ adre me hongot, ka habe, Ûsoköu; ke haba at ame ca hinö ûnyi ka hnyi je hnyimödra, me adre me penapena he ka vat më.

Mika 7:3

Adre me inâ li hnyamödra ka hnyi ûnyi ae kong he ka ie ânyâ; ame hnei hwaban hnen taben me at owisa; ke haba at ae gan, me e ame ha ûokonguny: eû hnyi hnyekon: ke adre me tha hwâwâ helâe.

Zefania 3:3

Haba anyin je taben unyin, me helâ me je liona ame kuku; anyin bi tavat owisa, me helâ me je luko adre o hnyi sahac; adre me ca hna kolon bi hobi kâu nyi.

Zefania 3:4

Tavat hop me iyawö anyin je perofeta: a hia but anyin tavat bihut okongoâ dok ae kap, adre hia but hanyâûâ hnanyibu.

Malaki 1:10

Nakainy ame ne hu ke at unyibun he ka hlöng je hwanuma, mʼ öbun e ca he ka vâc baûâ meic hon anyik taben hut! Haingö Iehova tuhan sabaoth, ka habe, Oge me ca senyin köbun, ke oge me ca he ka kap hnobun hna hudo.

Malaki 2:9

Anyin a wale oge hia but wiʼ öbun hnân hûkötiâ me kong hnyi hnyimakan tavat hia, hoton hnobun hna ca tuö dek je gethen, ke öbun e ûciâköuâ ge hnanyibu.

Numera 16:15

Me ame ubâhlâ hmönyin anyi Mose, me e ame ha kö Iehova, ka habe, U me ca he ka wâ anyidrin hut: ke ba haledrin asina oge hom, ke oge ca okongo ke at a khaca gadrin.

Numera 22:7

Me ame he wahingatiny Moaba me wahingatiny Midiana, kʼ ödrin e hom hwaban biobotkong hnyi je hnyamödrin; ke ödrin e o but unyi Balaama, me ha kâu hofuc ho Balaka.

Mataio 3:9

ke ca ûnykûme he ka ha eû hnyi je hnyekubun, ka habe, Aberahama kamöta: anyin oge me ha köbun e khana Khong he ka okûâ lakon kö Aberahama ûnyi hnyi je veto ang.

I. Timoteo 3:3

ca at ame beijem gânâ waina, ke at ame ca ûkûc; e so e menyik, me ca at bi ame iwatretra, ke ca at hnyokâ mone:

Tito 1:11

e ûcû he ka hlöng je hnyimödra; tavat adre me wia monoâ ta je hnyaba hia, me ûnö ta je ûnji ae ca ûcû bi, me me hu gadra ta ûnyi.

I. Peteru 5:2

Tuö ju hna hat mamoe e unyibun, me bi homakan, ca ge musi, ke so bi ge weny, hoton Khong; ke ca ûnyi ge behu omjeû, ke so bi ge hnyok ame weny;

Juda 1:11

E köiö gadra! anyin adre me vheno gethen de Kaina, me patrutrua ka hnyi monu anyi Balaama hnân hwaban, me mok hnyi ivinö anyi Kora.

I. Samuela 8:3

Ke haba li lakon ödru me ca vheno deny gethen, ke ödru me saû ka omjeû me khöp hwaban, me ohwalö hna owisa.