Mika 3:1 - Iaai Bible 1901 (New Caledonia)

¹ KE haingök, ka habe, Öbun na long ju, je at hnathu anyi Jekob, me tavat owisa ka lap anyi Isaraela: hawa, ca hamöbun he ka khanʼ öbun hna owisa?

Mika 3:1 ပူးပေါင်းရင်းမြစ်များ

Nehemia 13:17

Meʼ oge me iwatretra me je taben hnyi Juda, me ha ködrin, ka habe, Ieû ang gabun, öbun e ânyâ ûnyi e ae kong, me okongoâ bong sabath?

Salamo 14:4

Hawa, e ba hnyekudra tavat hia adre ânyâ hulö? A tavat adre me an lakeik helâke me hna an jeû, Kʼ adre me ca hongot bi kö Iehova.

Isaia 1:10

Öbun je taben hnyi Sodoma lö, long ju hofuc ho Iehova; at Gomora lö, tevehlong ju ka hnanyibu anyin Khonguta.

Isaia 10:2

he ka wia at ae theduoc hnyi hna owisa, me ohia wisa ûnyi ge lakeik adre me vec, mʼ adre me söh ta je safac, me hûgûnâ ta je ûnyi anyin tavat ae ba kamödra!

Ezekiela 22:6

Wâ bi, a hia but mwi unyâm je taben Isaraela ödrin hia hoton je ve hwegiödrin, he ka hingâlâ dra.

Ezekiela 34:2

Nokon at lö, perofeta thö ûcon tavat adre me tuö mamoe hnyi Isaraela, perefota thö, me ha kodra, wale ka tavat âdre me tuö memoe, ka habe, Walang hna ha hnen Than Iehova, ka habe, Ekölö ge tavat tuö mamoe hnyi Isaraela, wale tavat adre me ka ha ödra bi! hawa, ca hanymen bi tavat tuö mamoe he ka han hnahat mamoe?

Ezekiela 34:3

öbun e an je pipikhenya, ke khaûʼ öbun ge leûnen, ke hlingâ je at ae pipikhenya; ke so bi, öbun e ca han je mamoe.

Ezekiela 9:9

Me e ame ha könya, ka habe, E ti gan hmâ hulo anyin lap Isaraela me Juda, ke ame unöngötö hnyei ge dra, kʼ ame unöngötö taun ge hna ohwalö je hna owisa: anyin a haingodra, ka habe, Iehova ame hia but hna degecâ hmeledrany, ke ame ca wâ bi Iehova.

Hosea 5:1

TAVAT bihut lö, long ju hofuc ang; lap anyi Isaraela lö, löng ju; lap anyin than lö, tevehlöng ju, anyin adre ha hwaban köbun; anyin a hnewe öbun ka Mizepa, me ert adre thong hon Tabora.

Amosa 4:1

LONG ju hofuc ang öbun je kau hnyi Basana, a öbun hnyi je bucen Samaria, a hnyat öbun e ovecâ tavat ae theduoc, me okongoâ tavat ae vec, a hnyat öbun e ha ka latuhöbun, ka habe, Hom but jem me habelihmun.

Amosa 6:1

EKÖLÖ ge tavat adre me laba wia hnyi Ziona, me tavat adre me laba khotkic hnyi je buceniny Samaria, je at hnathu hnyi je hnyei ae beonuâ, wale ame he ködrin lap anyi Isaraela!

Mika 2:13

Ame he at thö hnyi hnyimakodra: adre me hia but utut me be thö ka hnyi homagoule, me didrut hnyin: ke haba tuhödra ame he hnyi hnyimakodra, ke Iehova a hnyimakan kodra.

I. Korinito 6:5

Ogo me ha ûnyi e me hnân ohmebmʼ öbun. Hawa, e hnathu ae ba at a khaca ae metâ gabun, wale ae khana he ka owisa je liamekeiny më,

Deuteronomi 16:18

Ke u me he ka otilâ hnyat owisa, me je taben hnyi em hnyei hia a ham köu hnö Iehova, hnyi ânyâm je tribu: ke ödrin e he ka owisa tavat ge hna owisa ae wisa.